完整藏文原文 · 德格版页 当前仅加载第 13 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
བུའི་རྣམ་པ་དང་། མཚན་མ་དང་། རྟགས་ཀྱིས་དགེ་སློང་དེ་ཕས་ཕམ་པའི་ཉེས་པ་བྱེད་པར་མཐོང་ན་དེས་དེ་ལ་གསོ་སྦྱིན་འགོག་པ་ནི་ཆོས་བཞིན་དུ་གསོ་སྦྱིན་འགོག་པ་སྟེ། དེ་ལྟ་བུ་ནི་ཕས་ཕམ་པར་གྱུར་པའོ། །ཇི་ལྟར་ན་ཕས་ཕམ་པར་གཏམ་དུ་བརྗོད་པར་གྱུར་པ་གང་ཞེ་
D7a.013.0245b01.01ན། དེ་འདི་ལྟར་གཙུག་ལག་ཁང་གི་ནང་ངམ་ཕྱི་རོལ་དུའང་རུང་། དགེ་སློང་མང་པོ་དང་ལྷན་ཅིག་འདུས་ཤིང་འཁོད་ནས། དེ་དག་ཀྱང་དེ་ལས་བྱུང་བ་དང་། དེའི་རང་བཞིན་དང་། དེ་དང་མཐུན་པའི་གཏམ་དུའང་བརྗོད། དད་པ་ལས་ཐོས་པ་ཡང་ཡོད་དེ། རང་གི་རྣམ་
D7a.013.0245b02.01པར་རྟོག་པ་ལས་བྱུང་བའང་ཡིན། དེས་ཐོས་པའང་ཡིན། དོགས་པའང་ཡིན། གཞན་དུ་གསོ་སྦྱིན་འགོག་པ་ནི་ཆོས་བཞིན་དུ་གསོ་སྦྱིན་འགོག་པ་ཞེས་བྱ་སྟེ། དེ་ལྟ་བུ་ནི་ཕས་ཕམ་པར་གཏམ་དུ་བརྗོད་པ་ཞེས་བྱའོ། །ཇི་ལྟར་ན་བསླབ་པ་ཕུལ་བ་ཡིན་ཞེ་ན། དགེ་སློང་གིས་
D7a.013.0245b03.01གང་གི་རྣམ་པ་དང་། གང་གི་མཚན་མ་དང་། གང་གི་རྟགས་ཀྱིས་བསླབ་པ་ཕུལ་བ་དེའི་རྣམ་པ་དང་། དེའི་མཚན་མ་དང་། དེའི་རྟགས་ཀྱིས་དགེ་སློང་དེ་བསླབ་པ་ཕུལ་བ་མཐོང་ན། དེས་དེ་ལ་གསོ་སྦྱིན་འགོག་པ་ནི་ཆོས་བཞིན་དུ་གསོ་སྦྱིན་འགོག་པ་སྟེ། དེ་ལྟ་བུ་ནི་བསླབ་པ་
D7a.013.0245b04.01ཕུལ་བ་ཞེས་བྱའོ། །ཇི་ལྟར་ན་བསླབ་པ་ཕུལ་བར་གཏམ་དུ་བརྗོད་པ་ཡིན་ཞེ་ན། དེ་འདི་ལྟར་གཙུག་ལག་ཁང་གི་ནང་ངམ་ཕྱི་རོལ་དུའང་རུང་། དགེ་སློང་མང་པོ་འདུས་ཤིང་འཁོད་ནས་དེ་དག་ཀྱང་དེ་ལས་བྱུང་བའམ། དེའི་རང་བཞིན་ནམ། དེ་དང་མཐུན་པའི་གཏམ་དུའང་བརྗོད། དད་
D7a.013.0245b05.01པ་ལས་ཐོས་པའང་ཡིན། རང་གི་རྣམ་པ་ལས་རྣམ་པར་རྟོག་པ་ལས་བྱུང་བའང་ཡིན་ཏེ། དེས་ཐོས་པའང་ཡིན། དོགས་པའང་ཡིན་བཞིན་དུ་གསོ་སྦྱིན་འགོག་པ་སྟེ། དེ་ལྟ་བུ་ནི་བསླབ་པ་ཕུལ་བར་གཏམ་དུ་བརྗོད་པ་ཞེས་བྱའོ། །དགེ་འདུན་ལ་སྨོད་པར་གྱུར་པ་གང་ཞེ་ན། དགེ་སློང་
D7a.013.0245b06.01གིས་གང་གི་རྣམ་པ་དང་། གང་གི་མཚན་མ་དང་། གང་གི་རྟགས་ཀྱིས་དགེ་སློང་དེ་དགེ་འདུན་ལ་སྨོད་པར་གྱུར་པ་དེ་ལྟ་བུའི་རྣམ་པ་དང་། དེའི་མཚན་མ་དང་། དེའི་རྟགས་ཀྱིས་དགེ་སློང་དེ་དགེ་འདུན་ལ་སྨོད་པར་བྱེད་པ་མཐོང་ན་དེས་དེ་ལ་གསོ་སྦྱིན་འགོག་པ་ནི་ཆོས་བཞིན་དུ་གསོ་སྦྱིན་
D7a.013.0245b07.01