完整藏文原文 · 德格版页 当前仅加载第 13 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་རྣམས་ཀྱིས་དགེ་འདུན་གྱི་ནང་དུ་ཚེས་གྲངས་བརྗོད་ཀྱིས་ཟླ་བ་ཕྱེད་པོ་འཛིན་པར་མི་བྱེད་དོ། །ཁྱིམ་བདག་དང་བྲམ་ཟེ་དག་གིས་སྨྲས་པ། འཕགས་པ་ཁྱེད་ཀྱིས་ཟླ་བ་ཕྱེད་པོ་གཟུང་བ་ཡང་མི་ཤེས་ཏེ། དེ་ལྟར་མ་བཟུང་ན་ཡར་གྱི་ཟླ་བ་ཕྱེད་དང་། མར་གྱི་ཟླ་བ་ཕྱེད་
D7a.013.0072b01.01པོ་ཇི་ལྟ་བུར་ཤེས་པར་འགྱུར། དེ་དག་ལན་མེད་ནས་ཅང་མི་སྨྲ་བར་འཁོད་དོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཟླ་བ་ཕྱེད་པོ་ཟུང་ལ་ཚེས་གྲངས་བརྗོད་པར་བྱའོ། །བརྗོད་པ་ནི་
D7a.013.0072b02.01འདི་བཞིན་དུ་བརྗོད་པར་བྱ་སྟེ། དགེ་འདུན་ཐམས་ཅད་འདུས་ཤིང་འཁོད་པ་དང་། དགེ་སློང་གཅིག་གིས་རྒན་རིམས་ཀྱི་དང་པོར་འདུག་ལ་རིམ་གྲོ་དང་བཅས་པས་ཐལ་མོ་སྦྱར་ལ་ཚིག་འདི་སྐད་དུ་སྨྲོས་ཤིག །དེ་རིང་ནི་ཟླ་བ་མར་གྱི་ཚེས་གཅིག་སྟེ། གཙུག་ལག་
D7a.013.0072b03.01ཁང་གི་བདག་པོ་དང་ལྷ་རྣམས་ཀྱི་ཕྱིར་ཚིགས་སུ་བཅད་པ་རེ་རེ་རྗོད་ཅིག །དགེ་སློང་རྣམས་ཀྱིས་ཚེས་གྲངས་ནི་བརྗོད་ཀྱིས། གཙུག་ལག་ཁང་གི་བདག་པོའི་མིང་ནས་མ་སྨོས་པ་དང་། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་གི་བདག་པོའི་མིང་
D7a.013.0072b04.01ནས་ཀྱང་བརྗོད་པར་བྱའོ། །འདི་སྐད་དུ་སྦྱིན་བདག་མིང་འདི་ཞེས་བྱ་བས་སང་དགེ་སློང་གི་དགེ་འདུན་རྣམས་བཤོས་ལ་སྤྱན་དྲངས་ཀྱིས། དེ་ལ་བཙུན་པ་རྣམས་ཀྱིས་དགེ་བའི་ཡིད་ཀྱིས་བརྩེ་བར་མཛོད་ཅིག །གཙུག་ལག་ཁང་གི་བདག་པོ་ལ་ཇི་ལྟ་བ་གཞན་ཡང་
D7a.013.0072b05.01སྦྱིན་པར་བྱེད་པ་དང་། སྦྱིན་པའི་བདག་པོ་ལ་ཡང་དགེ་བའི་ཡིད་ཀྱིས་བརྩེ་བར་མཛོད་ཅིག །ཇི་ལྟར་དགེ་བའི་ཡིད་ཀྱིས་བརྩེ་བར་མཛད་པས་ན། དེའི་དགེ་བའི་ཆོས་རྣམས་འཕེལ་བར་འགྱུར་གྱིས་འགྲིབ་པར་མི་འགྱུར་རོ། །དེ་བཞིན་དུ་གཞན་ཡང་དེ་ན་རྐྱེན་
D7a.013.0072b06.01དུ་གནས་པའི་སེམས་ཅན་ཐམས་ཅད་ལ་ཡང་སོ་སོའི་མིང་ནས་བརྗོད་པར་བྱའོ། །དགེ་སློང་དག་གིས་ཀྱང་ཚིག་ཐམས་ཅད་རྫོགས་པའི་རྗེས་ལ་སོ་སོ་ནས་ཚིགས་སུ་བཅད་པ་རེ་རེ་ལྷོགས་ཤིག །བྲམ་ཟེ་དང་ཁྱིམ་བདག་དག་ཀྱང་དེར་འོངས་ནས། འཕགས་པ་དེ་
D7a.013.0072b07.01