完整藏文原文 · 德格版页 当前仅加载第 13 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཕྱིར་གཞག་པར་བྱའོ། །ཁམ་པའི་སྣོད་དུ་གཏོགས་པ་ལྷུང་བཟེད་དང་། ལྷུང་བཟེད་ཆུང་ངུ་དང་། ལྷུང་བཟེད་མ་ཡིན་པ་དང་། རྫ་མ་དང་། བུམ་པ་དང་། བུམ་བུ་དང་། རིལ་བ་སྤྱི་བླུགས་དང་། འདི་རྣམས་ནི་བགོ་བར་རིགས་པའི་ཡོ་བྱད་དོ། །གང་དེ་ལས་གཞན་པའི་ཡོ་བྱད་ཡང་བའི་རྣམས་
D7a.013.0249b01.01དེ་དག་ནི་བགོ་བར་རིགས་པའོ། །གང་ཡང་དེ་ལས་ལྕི་བའི་ཡོ་བྱད་དེ་དག་ཀྱང་བགོ་བར་མི་རིགས་པ་སྟེ། ཐམས་ཅད་ཕྱོགས་བཞིའི་དགེ་འདུན་གྱི་ཕྱིར་གཞག་པར་བྱའོ། །ཚོན་རྩི་གང་བསྐོལ་བར་གྱུར་པ་ནི་ཕྱོགས་བཞིའི་དགེ་འདུན་གྱི་གོས་བཙོ་བར་བྱའོ། །གང་ཡང་མ་
D7a.013.0249b02.01བསྐོལ་བའི་ཚོན་རྩི་ནི་བགོའོ། །ཚོན་ཆེན་པོ་ལྔ་ནི་མི་བགོ་བའོ། །རིན་པོ་ཆེ་རྣམས་ཀྱི་ཁྲི་ཡིན་ན་བསྒྱུར་ལ་བགོ་བར་བྱའོ། །ཆུང་ངུ་ན་གལ་ཏེ་ལྕགས་ལས་བྱས་པ་ཡིན་ན་ཡོ་བྱད་དུ་རུང་ན་ནི་གཞག་གོ། །དེ་ལས་གཞན་དུ་ལྕི་བའི་ཡོ་བྱད་ཡིན་ན་དེ་ནི་བགོ་བར་མི་རིགས་པའོ། །གཞན་
D7a.013.0249b03.01ཡང་གང་མི་འཚོང་བ་རྣམས་དང་། གང་མི་འཆང་བ་རྣམས་དང་། གང་མི་དགོས་པ་རྣམས་དང་། མི་བགོ་བ་རྣམས་དང་། གང་གཞན་དུ་མི་སྦྱིན་པ་རྣམས་དང་། གང་སུ་ལ་ཡང་སྦྱིན་དུ་མི་རུང་བའི་དངོས་པོ་ལྔ་ཡོད་དེ། དེ་ཡང་གང་ཞེ་ན། གཙུག་ལག་ཁང་གི་དངོས་པོ་དང་།
D7a.013.0249b04.01གནས་ཁང་གི་དངོས་པོ་དང་། ཀུན་དགའི་དྲི་གཙང་ཁང་དང་། མལ་སྟན་དང་། མིའི་ཡོ་བྱད་དོ། །མིའི་ཡོ་བྱད་གང་ཞེ་ན། བཅོམ་ལྡན་འདས་ཀྱིས་གསུངས་པ། དགེ་འདུན་གྱིའམ། མཆོད་རྟེན་གྱི་ཡང་རུང་། འདི་ནི་མིའི་ཡོ་བྱད་ཅེས་བྱའོ། །མི་མ་ཡིན་པའི་ཡོ་བྱད་གང་ཞེ་ན། བལ་གླང་དང་། ར་དང་།
D7a.013.0249b05.01ལུག་དང་། མ་ཧེ་སྟེ། དེ་དག་ཀྱང་དགེ་འདུན་གྱི་ཡང་རུང་མཆོད་རྟེན་གྱི་ཡང་རུང་སྟེ། བཅོམ་ལྡན་འདས་ཀྱིས་གནང་བར་གསུངས་པའོ། །འདི་ནི་མི་མ་ཡིན་པའི་ཡོ་བྱད་ཅེས་བྱའོ། །ཡོངས་སུ་ཟིན་པའི་ཡོ་བྱད་གང་ཞེ་ན། གང་གྲོང་ངམ། ནགས་ཚལ་ཏེ། གང་བུད་མེད་དམ། སྐྱེས་བུའམ། མ་ནིང་ངམ།
D7a.013.0249b06.01ཟ་མའམ། མཚན་གཉིས་པ་ཡང་རུང་སྟེ། གཞན་གྱིས་ཟིན་པ་འདི་ནི་ཡོངས་སུ་ཟིན་པའི་ཡོ་བྱད་ཅེས་བྱའོ། །ཡོངས་སུ་མ་ཟིན་པའི་ཡོ་བྱད་གང་ཞེ་ན། གྲོང་ངམ། ནགས་ཚལ་ཏེ། བུད་མེད་དམ། སྐྱེས་བུའམ། མ་ནིང་ངམ། ཟ་མའམ། མཚན་གཉིས་པ་གང་གིས་ཀྱང་ཡོངས་སུ་མ་ཟིན་པར་
D7a.013.0249b07.01