完整藏文原文 · 德格版页 当前仅加载第 13 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱི་ཞིག་ན་ཁྱིམ་བདག་དེ་ན་བར་གྱུར་ནས། དེ་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་དག་གིས་སྨན་བྱས་ཀྱང་དེའི་ནད་ཐ་གི་བར་མ་གྱུར་ནས། དེ་ན་བའི་སྡུག་བསྔལ་གྱིས་རིང་པོ་མི་ཐོགས་པར་དུས་འདའ་བར་ཤེས་ནས། དེས་ཁྱིམ་ཚེས་དག་བསོགས་ཏེ་
D7a.013.0130b01.01འདུས་ནས་དེའི་ནང་དུ་བུ་ལ་སྨྲས་པ་བུ་དག་ཁྱེད་ཅག་གི་ཕུ་བོ་ཆེན་པོ་དགེ་སྦྱོང་ཤཱཀྱའི་སྲས་ཀྱི་ནང་དུ་རབ་ཏུ་བྱུང་བ་དེ་ཡང་ཁྱེད་ཀྱིས་ནོར་སྐལ་བྱིན་ཅེས་སྨྲས་ནས། བསགས་པ་ཀུན་མཐའ་ཟད་པར་འགྱུར། །མཐོ་བའི་མཐའ་ནི་འཇིག་པར་འགྱུར། །འདུས་པའི་མཐའ་ནི་འགྱེས་པར་འགྱུར། །
D7a.013.0130b02.01ཆོས་ཀྱི་མཐའ་ནི་ཞི་བར་འགྱུར། །དུས་ཀྱི་ཆོས་དང་ལྡན་པར་གྱུར་ཏོ། །དེའི་བུ་ལྗོངས་སྤྱོད་ཅིང་འདུག་པ་དེས་བདག་གི་ཕ་དུས་འདས་སོ་ཞེས་ཐོས་ཏེ། དེ་ཡང་འདི་སྙམ་དུ་བདག་སོང་ལ་མ་ཡར་མོ་དང་ནུ་བོ་དག་གི་མྱ་ངན་བསང་གིས་ཆོས་བཤད་དུ་འགྲོའོ་སྙམ་དུ་སེམས་ནས། དེ་ཇི་ཙམ་
D7a.013.0130b03.01དགའ་བའི་བར་དུ་གཞོངས་སྤྱད་དེ། མཉན་དུ་ཡོད་པ་གང་ན་བ་དེ་ལོགས་སུ་གཞོངས་སྤྱོད་ཅིང་སོང་ངོ་། །རིམ་བཞིན་དུ་སྤྱོད་ཅིང་མཉན་དུ་ཡོད་པར་ཕྱིན་ནས་ལམ་གྱི་ངལ་བསོས་ཏེ་བདག་གི་ཁྱིམ་དུ་འོངས་པ་དང་། ནང་གི་སྐྱེ་བོ་དག་གིས་མཐོང་ནས་ངུས་ཏེ་ངུ་བའི་སྒྲ་དག་ཁྱིམ་ཚེས་དག་
D7a.013.0130b04.01གིས་ཐོས་ནས་དེ་དག་འདུས་ཏེ་ཁ་ཅིག་ནི་སྐད་ཕྱུང་སྟེ་ངུ་། ཁ་ཅིག་ནི་མིག་མཆི་མས་གང་ཞིང་འདུག་ནས། སོ་སོའི་སྐྱེ་བོ་དག་ནི་འདོད་ཆགས་དང་ལྡན་པས་གཉེན་དང་བྲལ་བར་གྱུར་པས་མྱ་ངན་གྱིས་མིག་མཆི་མས་གང་ངོ་། །དེ་ཡང་ངུ་ག་ཁྱེར་ཞིང་འདུག་གོ། །དེ་ན་རྒན་མོ་གཞན་
D7a.013.0130b05.01ཞིག་གིས་བུ་ཁྱོད་ཀྱི་ཕས་ནི་ནོར་སྐལ་བྱིན་པར་ངེད་ཀུན་གྱིས་ཀྱང་ཐོས་ན་མ་ངུ་ཤིག །སྐྱེ་བ་ཡོད་ན་འཆི་བར་འགྱུར་རོ་ཞེས་སྨྲས་པ་དང་། དེས་ཅུང་ཟད་ཙམ་ཞིག་གི་བར་དུ་སེམས་ཤིང་འདུག་ནས། དེས་མ་ཡར་མོ་དང་ནུ་བོ་དག་ལ་ཆོས་བཤད་དོ། །དེ་དག་མྱ་ངན་ཅུང་ཟད་སངས་ནས།
D7a.013.0130b06.01དེ་དག་གིས་ཁྱོད་ཀྱི་ནོར་སྐལ་དག་ལོང་ཤིག་ཅེས་སྨྲས་པ་དང་། དེས་བསམས་པ། བཅོམ་ལྡན་འདས་ཀྱིས་ང་འདས་ནས་བྱིན་པ་ནི་མེད་དོ་ཞེས་གསུངས་ན། ཇི་ལྟར་བླང་སྙམ་དུ་བསམས་ནས། ཚེ་དང་ལྡན་པ་དག་ང་ནི་རབ་ཏུ་བྱུང་བ་ལ་ནོར་རྫས་ཀྱིས་བྱར་མེད་པའི་སྟེང་དུ་བཅོམ་ལྡན་
D7a.013.0130b07.01