完整藏文原文 · 德格版页 当前仅加载第 13 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་དེ་ལྟར་རྩོད་པ་དེ་ཞི་བར་བྱ་སྟེ། ཨུ་པཱ་ལི་དེ་ལྟར་ན་གཟུ་བོའི་དགེ་སློང་གིས་གནས་བཅུ་དྲུག་ཏུ་རིགས་པས་གཞག་པར་བྱའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་ལྔ་དང་ལྡན་ན་རིགས་པའི་གནས་སུ་འཇོག་ནུས་པར་མི་འགྱུར་རོ། །ལྔ་གང་ཞེ་ན།
D7a.013.0065b01.01རྗེས་སུ་འབྲང་བའི་ཆོས་ལྔ་མི་ཤེས་པ་སྟེ། ལྔ་གང་ཞེ་ན། རྒོལ་བ་མི་ཤེས་པ། ལན་གློན་མི་ཤེས་པ། ཆོས་བཞིན་མི་ཤེས་པ། ཆོས་བཞིན་མ་ཡིན་པ་མི་ཤེས་པ། ཡི་དམ་མ་བླངས་པར་གྱུར་པ་སྟེ། ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་དེ་ལྔ་དང་ལྡན་
D7a.013.0065b02.01ན་རིགས་པའི་གནས་སུ་འཇོག་མི་ནུས་པའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་ལྔ་དང་ལྡན་ན་རིགས་པའི་གནས་སུ་འཇོག་ནུས་པར་འགྱུར་རོ། །རྗེས་སུ་འབྲང་བའི་ཆོས་ལྔ་ཤེས་པར་འགྱུར་རོ། །ལྔ་གང་ཞེ་ན། རྒོལ་བ་ཤེས་པ། ལན་གློན་ཤེས་
D7a.013.0065b03.01པ། ཆོས་བཞིན་ཤེས་པ། ཆོས་བཞིན་མ་ཡིན་པ་ཤེས་པ། ཡི་དམ་བླངས་པར་གྱུར་པའོ། །གཟུ་བོ་འདུལ་བ་འཛིན་པ་ཆོས་རྣམ་པ་དེ་ལྔ་དང་ལྡན་ན་རིགས་པའི་གནས་སུ་འཇོག་ནུས་པར་འགྱུར་རོ། །དེ་ལ་ཨུ་པཱ་ལི་གཟུ་བོ་འདུལ་བ་འཛིན་པ་རིགས་པའི་གནས་
D7a.013.0065b04.01བཅུ་དྲུག་ཏུ་གཞག་ལ་ཡོན་ཏན་བཅུ་དྲུག་མཐོང་ནས་མདོ་སྡེ་བསྒྲག་པར་བྱ་སྟེ། བཅུ་དྲུག་གང་ཞེ་ན། བདག་གིས་མདོ་སྡེ་བསྟན་ཏོ་སྙམ་ནས་མདོ་སྡེ་བསྒྲག་པར་བྱ། བདག་གིས་མདོ་སྡེ་དཔྱད་པར་བྱའོ་སྙམ་ནས། མདོ་སྡེ་བསྒྲག་པར་བྱ། བདག་གིས་འདུལ་
D7a.013.0065b05.01བ་རྗེས་སུ་འབྲང་བར་འགྱུར་རོ་སྙམ་ནས་མདོ་སྡེ་བསྒྲག་པར་བྱ། བདག་གི་ཚིག་བརྩན་པར་འགྱུར་རོ་སྙམ་ནས་མདོ་སྡེ་བསྒྲག་པར་བྱ། བདག་གིས་ངོ་ཚ་བ་མེད་པའི་ཕྱོགས་ལ་ཆད་པས་གཅད་པར་འགྱུར་རོ་སྙམ་ནས་མདོ་སྡེ་བསྒྲག་པར་བྱ། བདག་གིས་
D7a.013.0065b06.01ཐམས་ཅད་མཁྱེན་པའི་གསུང་ལ་བསྒོ་ནུས་པར་འགྱུར་རོ་སྙམ་ནས་མདོ་སྡེ་བསྒྲག་པར་བྱ། དགེ་འདུན་མཐུན་པར་བསྟན་པར་འགྱུར་རོ་སྙམ་ནས་མདོ་སྡེ་བསྒྲག་པར་བྱ། བདག་གིས་གཞན་ལ་བསྒོ་བར་འགྱུར་རོ་སྙམ་ནས་མདོ་སྡེ་བསྒྲག་པར་བྱ། བདག་གི་
D7a.013.0065b07.01