完整藏文原文 · 德格版页 当前仅加载第 13 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཉེས་བྱས་སུ་འགྱུར་རོ། །དེ་སྟེ་དེའི་འཚོ་བའི་བར་དུ་གཅོད་པའམ། ཚངས་པར་སྤྱོད་པའི་བར་དུ་གཅོད་པའམ། བར་དུ་གཅོད་པ་བརྒྱད་ལས་གང་ཡང་རུང་བའི་བར་དུ་གཅོད་པས་འཇིགས་པར་འགྱུར་བ་ཞིག་མངོན་སུམ་དུ་གནས་པར་གྱུར་ན་དེས་ཀྱང་དད་པ་
D7a.013.0263a01.01དང་ཡོངས་སུ་དག་པ་དབུལ་བར་བྱའོ། །དབང་མེད་པས་ཟིན་པར་གྱུར་པ་ཡང་དད་པ་དང་ཡོངས་སུ་དག་པ་དབུལ་བར་བྱའོ། །དེ་ཡང་འདི་ལྟར་དབུལ་བར་བྱ་སྟེ། སྟན་ལས་ལངས་ནས་བླ་གོས་ཕྲག་པ་གཅིག་ཏུ་བྱས་ཏེ། ལྷམ་ཕུད་ལ་དགེ་སློང་གི་མདུན་དུ་ཙོག་ཙོག་པོར་འདུག་
D7a.013.0263a02.01སྟེ་ཐལ་མོ་རབ་ཏུ་སྦྱོར་ཏེ་ཚིག་འདི་སྐད་དུ་སྨྲོས་ཤིག །དགོངས་ཤིག་ཚེ་དང་ལྡན་པ། དེང་དགེ་འདུན་གྱི་བཅོ་ལྔའི་གསོ་སྦྱིན་ཏེ། བདག་དགེ་སློང་མིང་འདི་ཞེས་བགྱི་བའི་ཡང་བཅོ་ལྔའི་གསོ་སྦྱིན་ན། བར་ཆད་ཀྱི་ཆོས་རྣམས་ཀྱང་ཡོངས་སུ་དག་གིས་ཚེ་དང་ལྡན་པས་ཀྱང་བདག་ལ་
D7a.013.0263a03.01ཡོངས་སུ་དག་པར་ཟུང་ཤིག །བདག་དགེ་སློང་མིང་འདི་ཞེས་བགྱི་བ་དགེ་འདུན་གྱི་ཆོས་བཞིན་བྱ་བ་ལ་དད་པ་དང་། གསོ་སྦྱིན་དང་། ཡོངས་སུ་དག་པའང་དབུལ་གྱིས་བདག་གི་ཕྱིར་ཚེ་དང་ལྡན་པས་ཚུལ་ཤིང་ལོང་ལ་ཡོངས་སུ་དག་པ་རྗོད་ཅིག །བརྗོད་ན་དེ་བཞིན་ཤེས་སོ། །
D7a.013.0263a04.01དེ་ལྟར་ལན་གཉིས་ལན་གསུམ་དུ་སྨྲོས་ཤིག །དེས་ཀྱང་རིགས་སོ་ཞེས་སྨྲོས་ཤིག །གཉིས་པས་ནི་ལེགས་སོ་ཞེས་བྱའོ། །དེ་སྟེ་དེ་ལྟར་དབུལ་ནུས་ན་ནི་ལེགས། མི་ནུས་ན་འདུག་སྟེ་དབུལ་བར་བྱའོ། །འདུག་སྟེ་ཡང་མི་ནུས་ན་ཉལ་ཏེ་དབུལ་བར་བྱའོ། །ཉལ་ཏེའང་མི་ནུས་ན་ཆུང་ངུ་
D7a.013.0263a05.01ན་འདི་སྐད་ཀྱང་དད་པ་དང་ཡོངས་སུ་དག་པ་དབུལ་ལོ་ཞེས་སྨྲས་ན་ཡང་དད་པ་དང་ཡོངས་སུ་དག་པ་ཕུལ་བ་ཞེས་བྱའོ། །བདག་གི་དད་པ་དང་ཡོངས་སུ་དག་པ་རྗོད་ཅིག་ཅེས་སྨྲས་ནའང་དད་པ་དང་ཡོངས་སུ་དག་པ་བརྗོད་པ་ཞེས་བྱའོ། །ཚིག་གིས་མ་ཡིན་པར་ལུས་ཀྱི་དམིགས་པས་
D7a.013.0263a06.01བྱེད་ནའང་དད་པ་དང་ཡོངས་སུ་དག་པ་བརྗོད་པ་ཞེས་བྱའོ། །ལུས་ཀྱིས་མ་ཡིན་ཏེ་ངག་གིས་དམིགས་ན་ཡང་དད་པ་དང་ཡོངས་སུ་དག་པ་བརྗོད་པ་ཞེས་བྱའོ། །ལུས་དང་ཚིག་གཉི་གས་བརྡ་བྱེད་ནའང་དད་པ་དང་ཡོངས་སུ་དག་པ་བྱིན་པ་ཞེས་བྱའོ། །ལུས་དང་ཚིག་གཉི་གས་བརྡ་བྱེད་མི་
D7a.013.0263a07.01