完整藏文原文 · 德格版页 当前仅加载第 13 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུ་བོ་འདུལ་བ་འཛིན་པ་ཆོས་རྣམ་པ་ལྔ་དང་ལྡན་ན་ཆད་པས་གཅད་པའི་ལས་ཀྱིས་སྨ་དབབ་ནུས་པར་འགྱུར་ཏེ། ལྔ་གང་ཞེ་ན། འདོད་པས་མི་འགྲོ་བར་འགྲོ་བ་དང་། ཞེ་སྡང་གིས་མི་འགྲོ་བར་འགྲོ་བ་དང་། གཏི་མུག་གིས་མི་འགྲོ་བར་འགྲོ་
D7a.013.0068a01.01བ་དང་། འཇིགས་པས་མི་འགྲོ་བར་འགྲོ་བ་དང་། ཆད་པའི་ལས་བྱས་པ་དང་མ་བྱས་པ་ཤེས་པའོ། །དེ་ལ་གཟུ་བོ་འདུལ་བ་འཛིན་པས་གནས་བཅུ་དྲུག་གིས་ཆད་པས་གཅད་པའི་ལས་ཀྱིས་སྨ་ཕབ་ལ་གཞན་ཡང་གནས་བཅུ་དྲུག་གིས་ཆད་པའི་ལས་ཀྱིས་སྨ་
D7a.013.0068a02.01དབབ་པར་བྱ་སྟེ། བཅུ་དྲུག་པོ་གང་ཞེ་ན། ཚངས་པའི་ཆད་པས་བསྡིགས་པར་བྱ་བ་དང་། དད་པར་མི་འགྱུར་བར་ཚོར་བའི་ལས་བྱེད་དུ་གཞུག་པ་དང་། ལོངས་སྤྱོད་མི་མྱོང་བའི་ལས་བྱེད་དུ་གཞུག་པ་དང་། མིག་ལམ་ན་མི་སྣང་བར་བྱ་བའི་ལས་བྱ་
D7a.013.0068a03.01བ་དང་། དེའི་ངོ་བོ་ཚོལ་དུ་གཞུག་པ་དང་། གནོད་པར་བྱ་བ་དང་། སྨད་པར་བྱ་བ་དང་། སྤང་བར་བྱ་བ་དང་། ཕྱོགས་མེད་པར་བྱ་བ་དང་། སྤ་གོང་བར་བྱ་བ་དང་། ཞུམ་པར་བྱ་བ་དང་། འགྱོད་པ་བསྐྱེད་པར་བྱ་བ་དང་། རྣམ་པར་འགྱོད་པ་དང་། རྣམ་
D7a.013.0068a04.01པར་སླར་འགྱོད་པ་དང་། དམ་དེམ་དུ་གཞག་པ་དང་། གནད་དུ་དབབ་པ་དང་། ཉེས་སོ་ཞེས་བརྗོད་པའོ། །དེ་ལ་ཨུ་པཱ་ལི་གཟུ་བོ་འདུལ་བ་འཛིན་པས་གནས་བཅུ་དྲུག་གིས་ཆད་པའི་ལས་ཀྱིས་སྨ་དབབ་པར་བྱའོ། །ཨུ་པཱ་ལི་གཟུ་བོ་འདུལ་བ་འཛིན་
D7a.013.0068a05.01པ་ཆོས་རྣམ་པ་ལྔ་དང་ལྡན་ན་ཆད་པའི་ལས་ཀྱིས་སྨ་དབབ་མི་ནུས་པར་འགྱུར་ཏེ། ལྔ་གང་ཞེ་ན། འདུལ་བའི་དངོས་པོ་ལྔ་མི་ཤེས་པ་སྟེ། ལྔ་གང་ཞེ་ན། བསྡིགས་པ་དང་། སྨད་པ་དང་། བསྐྲད་པ་དང་། སླར་བསྡུམ་པ་དང་། སྤང་བ་དང་
D7a.013.0068a06.01ལྔའོ། །ཨུ་པཱ་ལི་གཟུ་བོ་འདུལ་བ་འཛིན་པ་ཆོས་རྣམ་པ་ལྔ་དང་ལྡན་ན་ཆད་པའི་ལས་ཀྱིས་སྨ་དབབ་ནུས་པར་འགྱུར་ཏེ། ལྔ་གང་ཞེ་ན། འདུལ་བའི་དངོས་པོ་ལྔ་ཤེས་པའོ། །ལྔ་གང་ཞེ་ན། བསྡིགས་པ་དང་། སྨད་པ་དང་། བསྐྲད་པ་དང་། སླར་བསྡུམ་
D7a.013.0068a07.01