完整藏文原文 · 德格版页 当前仅加载第 13 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། །དགེ་སློང་ཞིག་ཟས་མ་ཞུ་བར་འདུག་པ་དང་། ནད་གཡོག་གིས་རེ་ཞིག་རྐྱོངས་ཤིག་ཞེས་སྨྲས་པ་དང་། དེས་ནད་གཡོག་ལ་ཁོ་བོ་
D7a.013.0011a01.01ཤིར་འོང་གིས་མ་བརྐྱང་ཤིག་ཅེས་སྨྲས་པ་དང་། ཚེ་དང་ལྡན་པ་རྐྱོངས་ཤིག་ཅེས་སྨྲས་ནས། དེས་བརྐྱང་བ་དང་། དེ་དུས་ལས་འདས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཕས་ཕམ་པའི་ཉེས་པ་མེད་དེ། ཉེས་པ་སྦོམ་པོར་
D7a.013.0011a02.01འགྱུར་རོ། །དགེ་སློང་གིས་ཕོལ་མིག་མ་སྨིན་པར་བརྟོལ་ཏེ་དེ་དུས་ལས་འདས་ན་ཉེས་པ་སྦོམ་པོར་འགྱུར་རོ། །སྨིན་པར་བརྟོལ་ན་ཉེས་པ་མེད་དོ། །དགེ་སློང་མས་ཕོལ་མིག་མ་སྨིན་པར་བརྟོལ་ཏེ་དུས་ལས་འདས་ན་ཉེས་པ་སྦོམ་པོར་འགྱུར་རོ། །སྨིན་པར་བརྟོལ་ན་ཉེས་
D7a.013.0011a03.01པ་མེད་དོ། །དགེ་སློང་ཞིག་ན་བ་དང་དེ་དང་འཕྲོད་པའི་ཟས་ནི་མ་རྙེད་ནས་དེའི་ནད་གཡོག་གིས་མི་འཕྲོད་པའི་ཟས་ཤིག་བྱིན་ནས་ཚེ་དང་ལྡན་པ་འདི་ལས་ཅི་ཡོག་པ་ཟོ་ཤིག །དེས་ཟོས་ཏེ་དུས་ལས་འདས་ན་ཉེས་པ་སྦོམ་པོར་འགྱུར་རོ། །དེ་དང་འཕྲོད་པའི་ཟས་ཤིག་བྱིན་
D7a.013.0011a04.01པ་ལས་དུས་ལས་འདས་ན་ཉེས་པ་མེད་དོ། །དགེ་སློང་ཞིག་ན་བ་དང་དེ་དང་འཕྲོད་པའི་སྨན་མ་རྙེད་ན་དེའི་ནད་གཡོག་ཀྱང་དེ་བཞིན་ནོ། །དགེ་སློང་ནད་པ་ཞིག་གིས་ནད་གཡོག་ལ་ཚེ་དང་ལྡན་པ་ནད་གཡོག་ཁོ་བོ་གནས་ཁང་ནས་ཕྱིར་ཕྱུང་ཤིག །ཕྱིས་ཤིག །ཁྲུས་
D7a.013.0011a05.01ཤིག །ཁོ་བོ་ནང་དུ་ཁྲིད་ཅིག །འདུག་ཏུ་ཆུག་ཅིག་ཅེས་སྨྲས་ནས། འདུག་ཏུ་ཡང་བཅུག །སྙེས་སུ་ཡང་བཅུག་པ་ལས་དུས་ལས་འདས་ན། ཐམས་ཅད་ལའང་ཉེས་པ་མེད་དོ། །མདོར་ན། ཁར་བ་ཕོ་ལོང་ཆུ་རྣམས་དང་། །དགོན་པ་གཉིས་དང་བླ་གཏུན་དང་། །
D7a.013.0011a06.01ཁྲོས་པ་ཐལ་མོ་བརྣངས་པའོ། །དགེ་སློང་ཞིག་འདུག་པ་ན་ཡུར་ཏེ་དགེ་སློང་གིས་དེ་ལ་ཁར་བས་བསྐྱོད་པ་དང་། དེ་དུས་ལས་འདས་སོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། ཉེས་པ་མེད་དེ། དེའི་ཚེ་ན་དེ་ལ་མཚོན་ལྟ་བུ་ཞེས་
D7a.013.0011a07.01