完整藏文原文 · 德格版页 当前仅加载第 13 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་ནམས་བྱས་པས་མཐོ་རིས་འགྲོ། །ཁ་ཅིག་ལམ་ལ་བསྒོམས་པས་ནི། །ཟག་པ་མེད་པར་མྱ་ངན་འདའ། །སངས་རྒྱས་དང་ནི་རང་སངས་རྒྱས། །སངས་རྒྱས་ཀྱི་ནི་ཉན་ཐོས་རྣམས། །ལུས་ནི་རྣམ་པར་འདོར་འགྱུར་ན། །སྐྱེ་དགུ་མ་རབས་སྨོས་ཅི་དགོས། །
D7a.013.0156b01.01དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རངས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་དྲུང་ནས་སོང་སྟེ། བདག་གི་ཁྱིམ་དུ་ཕྱིན་པ་དང་། ཕྱི་མོའི་
D7a.013.0156b02.01མལ་གོས་སྟོང་པར་མཐོང་ནས་ཡང་སྡུག་པ་ཤི་བའི་མྱ་ངན་གྱིས་སེམས་འཁྲུགས་ནས་བློན་པོ་དག་ལ་སྨྲས་པ། ཀྱེ་ངས་མལ་གོས་འདི་མཐོང་ནས་རབ་ཏུ་མི་དགའ་བ་སྐྱེས་ཀྱིས་སོང་ལ་འཕགས་པའི་དགེ་འདུན་དག་ལ་འདི་ཕུལ་ཅིག །དེ་དག་གིས་ཀྱང་ཛེ་ཏའི་ཚལ་དུ་འཕགས་
D7a.013.0156b03.01པའི་དགེ་འདུན་དག་ལ་ཕུལ་བ་དང་། དགེ་སློང་དག་གིས་སྒོ་ཁང་དུ་བཏིང་སྟེ་བཞག་གོ། །དེ་ནས་དུས་ཕྱི་ཞིག་ན་རྒྱལ་པོ་དེ་གཙུག་ལག་ཁང་དུ་འོངས་ནས་དེས་དེ་མཐོང་བ་དང་། དེ་ངུས་སོ། །བློན་པོ་དག་གིས་འཕགས་པ་དག་གིས་འདི་མི་བསྟན་པའི་ཕྱིར་ཁྱེད་ལ་དབུལ་ན་
D7a.013.0156b04.01སྒོ་ཁང་དུ་བཏིང་བ་དེ་ཉིད་ཉེས་པའི་དམིགས་སུ་གྱུར་ཏོ་ཞེས་སྨྲས་པ་དང་། དེ་དག་ཅང་མི་ཟེར་བར་འདུག་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྒོ་ཁང་དུ་མ་གདིང་བར་ཡང་ཐོག་ཏུ་ཐིང་
D7a.013.0156b05.01ཤིག །དེ་ཡང་ཉེས་པའི་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཡང་ཐོག་ཏུ་མ་གདིང་བར་གནས་ཁང་དུ་ཐིང་ཤིག །དེ་གནས་ཁང་དུ་བཏིང་བ་དང་། མ་དད་པ་དག་གིས་རྒྱལ་མོའི་མལ་གོས་ནི་དགེ་སློང་རྣམས་ཀྱིས་བཙོངས་ཏེ་ཟོས་གོར་
D7a.013.0156b06.01མ་ཆག །སྔ་ན་ནི་སྣང་ན་ད་མི་སྣང་ངོ་ཞེས་འཕྱ་བ་དང་། བཅོམ་ལྡན་འདས་ཀྱིས་བཀའ་སྩལ་པ། ཚེས་བརྒྱད་དམ་བཅུ་བཞིའི་དུས་སུ་ཡང་ཐོག་ཏུ་ཐིང་ལ་ཞོག་ཤིག །མ་དད་པ་དག་གིས་མཐོང་ནས། འདི་ནི་ལྷ་མོའི་མལ་གོས་མ་ཡིན་གྱི། དགེ་སློང་དག་གིས་
D7a.013.0156b07.01