完整藏文原文 · 德格版页 当前仅加载第 13 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
ཐེ་ཚོམ་དུ་མ་བྱེད་པར་ཟོ་ཞིག །བཅོམ་ལྡན་འདས་ཀྱིས་དགེ་སློང་དག་རྒྱགས་ཁྱེར་ཅིག་ཅེས་བཀའ་སྩལ་ན། ཁྱིམ་པ་དང་དགེ་ཚུལ་ཕ་དག་མེད་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D7a.013.0190a01.01བཀའ་སྩལ་པ། སྦྱིན་པའི་བདག་པོ་སྤྲོ་བ་སྐྱེད་ཅིག །སྦྱིན་བདག་ཀྱང་མེད་ན་བདག་ཉིད་ཀྱིས་སླར་ཁྱེར་ལ་དེ་ཁྱིམ་པ་དང་རྗེས་ལ་ཟོ་ཤིག །དེ་སྟེ་དེ་ལ་མེད་ན་སྐལ་བ་གཉིས་སུ་ཆོད་ལ་ཁྱིམ་པ་ལ་བྱིན་ཏེ། དེས་ཁྱེར་ན་ནི་དེའི་སྐལ་བ་སླར་སློངས་ཏེ་བྱིན་ལེན་བྱོས་ལ་ཟོ་ཤིག །
D7a.013.0190a02.01བདག་གི་སྐལ་བ་ནི་དེ་ལ་བྱིན་ཅིག །དེ་སྟེ་དེ་ལྟར་ཡང་མ་འབྱོར་ན་ཉི་མ་དང་པོའི་ཚེ་ནི་བསྙུང་བར་འདུག་ཤིག །ཕྱི་དེ་ཉིན་པར་བྱིན་ལེན་བྱེད་པ་མེད་ན་སྟག་གི་སྤར་ཐབས་གཅིག་ཟོ་ཤིག །ཡང་ཕྱི་དེ་ཉིན་མོ་ཡང་བྱིན་ལེན་བྱེད་པ་མེད་ན་སྟག་གི་སྤར་ཐབས་གཉིས་ཟོ་ཤིག །དེ་སྟེ་ཞག་
D7a.013.0190a03.01བཞིའི་ཉིན་མོ་ཡང་བྱིན་ལེན་བྱེད་པ་མེད་ན་ཇི་ཙམ་འགྲངས་པའི་བར་དུ་ཟོ་ཤིག །དེ་ལ་ཐེ་ཚོམ་དུ་མ་བྱེད་ཅིག །དེ་སྟེ་རྒྱགས་མེད་ན་འབྲས་བུ་རང་ལྷུང་བ་དེ་ལོངས་ལ་གདུགས་ཚོད་ལ་བབ་ཀྱི་བར་དུ་ཁྱེར་ཏེ་སོང་ལ་དེ་སྟེ་ཁྱིམ་པ་དང་ཕྲད་ན་སྐལ་བ་གཉིས་སུ་ཆོད་ལ་གཅིག་ནི་དེ་ལ་བྱིན་
D7a.013.0190a04.01ཏེ། དེའི་སྐལ་བ་སླར་བདག་གིས་སློངས་ལ་རུང་བར་བྱོས་ཏེ་ཟོ་ཤིག །བདག་གི་དེ་བྱིན་ཅིག །དེ་སྟེ་མ་ཕྲད་ན་སྔ་དྲོ་འམ། ཕྱི་དྲོ་ཡང་རུང་། རུང་བར་བྱ་བའི་ཕྱིར་སྒྱུ་མེད་ན་སྲོག་དང་འབྲལ་བས། ཐེ་ཚོམ་དུ་མ་བྱེད་པར་ཟོ་ཤིག །དེ་སྟེ་ཡང་ལྷུང་བ་མེད་ན་ཤིང་ལ་འཛེགས་ཏེ་
D7a.013.0190a05.01ཐོགས་ཤིག །ཡང་ན་སྤྲུགས་ལ་བྱང་ཕྱོགས་ཀྱི་དུས་སུ་བསྔོས་ཏེ་ཟོ་ཤིག །དེ་བཞིན་དུ་རྩ་བ་ལ་སོགས་པ་ཡང་ས་ལ་ས་རང་གིས་བརྐོས་ཏེ་ཕྱུང་ལ་ཐེ་ཚོམ་དུ་མ་བྱེད་པར་ཟོ་ཤིག །ངས་ཁྱེད་ལ་ཕོངས་པའི་ཚེ་གནང་བ་དེ་མ་ཕོངས་པའི་ཚེ་མ་སྤྱོད་ཅིག །སྤྱད་ན་འདས་པ་དང་
D7a.013.0190a06.01བཅས་པར་འགྱུར་རོ། །རྐྱང་པའི་སྒོ་གསུམ་པའི་མདོའི་ཚིགས་སུ་བཅད་པ་བཅུ་སྟེ་སྒོ་གསུམ་པ་རྫོགས་{སྷོ,སོ}།། །།མདོར་བསྡུས་པ་སྟེ། ས་བོན་བུམ་པ་རྐུན་པོ་རྐུ་བ་དང་། །ལུས་ཀྱིས་རེག་པ་དེ་བཞིན་ཏེ། །འབྲས་ཅན་ལན་ཚྭ་སོང་བ་དང་། །བུ་རམ་ཤིང་དང་རྒུན་
D7a.013.0190a07.01