完整藏文原文 · 德格版页 当前仅加载第 13 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
མི་བྱ། ཕན་པར་བྱེད་པ་དེ་ནི་གྲོང་དུ་འགྲོ་བར་བྱེད་པའི་བྱ་བ་ཞེས་བྱའོ། །གྲོང་དུ་འགྲོ་བའི་བྱ་བ་གང་ཞེ་ན། དགེ་སློང་གྲོང་དུ་འགྲོར་འདོད་ན་ཤེས་བཞིན་དུ་འགྲོ་བར་བྱ། དྲན་པ་ཉེ་བར་གཞག་པར་བྱ། སེམས་མི་གཡེང་བར་བྱ། དབང་པོ་བསྡམ་པར་
D7a.013.0306a01.01བྱ། ཡིད་མི་གཡེང་བར་བྱ། སྔ་ཕྱི་ལ་འདུ་ཤེས་པ་དང་། བླ་འོག་ལ་འདུ་ཤེས་གཞག །དགེ་སློང་དྲན་པ་ཉམས་བཞིན་དུ་གྲོང་དུ་འགྲོ་ན་ཉེས་པའི་དམིགས་རྣམ་པ་ལྔར་རིག་པར་བྱ་སྟེ། དགེ་སློང་འཁོད་པ་རྣམས་ལ་མ་བསྒོ་བཞིན་དུ་གྲོང་དུ་དུས་མ་ཡིན་པར་
D7a.013.0306a02.01འཇུག་པ་དང་། མ་བརྟགས་པར་སྟན་ལ་འདུག་པ་དང་། རིག་པའི་སྐྱེས་པ་མེད་བཞིན་དུ་བུད་མེད་ལ་ཆོས་ཚིག་ལྔའམ་དྲུག་ལས་ལྷག་པར་སྟོན་པ་དང་། བུད་མེད་དང་ལྷན་ཅིག་གཉིས་སུ་སྐྱབས་ཡོད་པ་དབེན་པ་ན་འདུག་པར་བྱེད་པ་དང་། སྨན་དང་ནད་དུ་བཅས་
D7a.013.0306a03.01པའི་གྲོང་དུ་ནན་གྱིས་སྟན་ལ་འདུག་པར་བྱེད་པའོ། །དགེ་སློང་དྲན་པ་ཉམས་བཞིན་དུ་གྲོང་དུ་འགྲོ་ན་གཞན་ཡང་ཉེས་པའི་དམིགས་རྣམ་པ་ལྔར་རིག་པར་བྱ་སྟེ། ཕྱི་ཕྱིར་བུད་མེད་ལ་བལྟ་བ་དང་། ལྟ་བ་ལས་ཀྱང་གཏམ་དུ་འཛེར་བ་དང་། གཏམ་ཟེར་བ་ལས་ཆགས་
D7a.013.0306a04.01པར་གྱུར་པ་དང་། ཆགས་པར་གྱུར་པ་ལས་ཚུལ་བཞིན་མི་བྱེད་པ་དང་། ཚུལ་བཞིན་ཡིད་ལ་མི་བྱེད་པས་ན་མ་དད་བཞིན་མི་ཚངས་པར་སྤྱོད་པར་འགྱུར་ཏེ། ཉེས་པ་འབྱུང་བར་འགྱུར་བའམ། ཡང་ན་བསླབ་པ་ཕུལ་ནས་སླར་བབས་པར་འགྱུར་རོ། །དྲན་པ་ཉེ་བར་
D7a.013.0306a05.01བཞག་བཞིན་དུ་གྲོང་གི་ནང་དུ་འཇུག་ན་ཉེས་པའི་དམིགས་དེ་ལྟ་བུ་འབྱུང་བར་མི་འགྱུར་ཏེ། དེ་ནི་གྲོང་དུ་འགྲོ་བའི་བྱ་བ་ཞེས་བྱའོ། །གྲོང་དུ་ཉེ་བར་སོང་བའི་བྱ་བ་གང་ཞེ་ན། གྲོང་དུ་སོང་བའི་དགེ་སློང་གིས་གཏམ་སྣ་ཚོགས་མི་སྨྲ། གཏམ་ངན་པ་མི་བྱ། ཆོས་ཀྱི་
D7a.013.0306a06.01གཏམ་སྨྲ་བར་བྱ། གཏམ་རྒྱུད་མི་ཆད་པར་བྱ། ཁྱིམ་པའི་རྣམས་ལ་ཆོས་ཀྱི་གཏམ་ཡང་དག་པར་བསྟན། བསྟབས། ཡང་དག་པར་གཟེངས་བསྟོད་པར་བྱ། རབ་ཏུ་མགུ་བར་བྱ། སྐྱབས་སུ་འགྲོ་བའི་བསླབ་པའི་གནས་འཛིན་དུ་གཞུག །དུས་ཁྲིམས་ལ་
D7a.013.0306a07.01