完整藏文原文 · 德格版页 当前仅加载第 13 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་འདུས་པ་དེ་ལ་གཅིག་གིས་དབང་བཅུགས་ནས། དེས་དེ་ལ་རྒྱལ་པོའི་ཕོ་བྲང་དུ་ཆེ་བཞི་བྱས་ཏེ་ཅིག་ཤོས་པོ་ཆད་པས་བཅད་པ་དང་། དེས་དེ་ལ་འཕྱའོ། །དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་
D7a.013.0137b01.01པ། དགེ་སློང་དག་ཁྱིམ་པ་དེ་འཕྱ་བ་ནི་ཡུས་ཀྱིས། དེ་བས་ན་དགེ་སློང་རྣམས་ཐབ་མོ་བྱེད་པའི་དྲུང་ན་མ་འདུག་པར་ཆེ་བཞི་ཡང་མ་བྱེད་པར་བྱོལ་ཏེ་སོང་ཤིག །དགེ་སློང་ཐབ་མོ་བྱེད་པའི་དྲུང་ན་འདུག་ཅིང་ཆེ་བཞི་བྱེད་ན་འདས་པ་དང་བཅས་པར་འགྱུར་རོ། །གླེང་གཞིའི་སྒོ་བཞི་
D7a.013.0137b02.01པའི་མདོའི་ཚིགས་སུ་བཅད་པ་བཅུ་པའོ། །གླེང་གཞིའི་སྒོ་བཞི་པ་རྫོགས་སོ།། །།མདོར་བསྡུས་པའོ། །བྱང་ཆུབ་སེམས་དཔའི་གཟུགས་རྣམས་དང་། །ཡུལ་བསྐོར་དང་ནི་ཡོན་གྱི་སྣོད། །ཀུན་འདུས་པ་དང་སྟེགས་བུ་དང་། །རྔ་ཆེན་འཁོར་ལོ་ཐ་མའོ། །མདོར་ན།
D7a.013.0137b03.01དྲང་སྲོང་ཆེན་པོས་གནང་བར་གསུངས་པ་ནི། །བྱང་ཆུབ་སེམས་དཔའི་སྐུ་གཟུགས་དང་། །སྟེགས་བུ་དང་ནི་རྒྱལ་མཚན་དང་། །བ་དན་ལྕགས་ཀྱི་ཀ་བའོ། །གླེང་གཞི་ནི་མཉན་དུ་ཡོད་པ་ན་སྟེ། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱིས་གནང་ན། བདག་
D7a.013.0137b04.01གིས་བཅོམ་ལྡན་འདས་བྱང་ཆུབ་སེམས་དཔའི་སྐུ་གཟུགས་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་བྱོས་ཤིག །བཅོམ་ལྡན་འདས་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་བྱང་ཆུབ་སེམས་དཔའི་གཟུགས་ལ་རྒྱལ་
D7a.013.0137b05.01མཚན་གྱིས་བསྐོར་རོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་སྐོར་ཅིག །བཅོམ་ལྡན་འདས་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་གཟུགས་སྟེགས་བུས་བསྐོར་རོ་ཞེས་གསོལ་པ་དང་། བཅོམ་ལྡན་འདས་ཀྱིས་
D7a.013.0137b06.01བཀའ་སྩལ་པ། ཁྱིམ་བདག་གནང་གིས་སྟེགས་བུས་བསྐོར་ཅིག །ཡང་དེ་སྟེ་བཅོམ་ལྡན་འདས་ཀྱིས་གནང་ན་བདག་གིས་གཟུགས་ལ་ལྕགས་ཀྱི་ཀ་བས་བསྐོར་རོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གནང་གིས་སྐོར་ཅིག །ཡང་
D7a.013.0137b07.01