完整藏文原文 · 德格版页 当前仅加载第 13 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པ་དགེ །སྤྱོད་ཡུལ་དགེ །མཛའ་བོ་དགེ །གྲོགས་པོ་དགེ །ལུས་ཀྱི་ལས་དགེ །ངག་གི་ལས་དགེ །འཚོ་བ་དགེ །ཐོས་པ་དགེ་བ་ཅན་ཏེ། ཚེ་དང་ལྡན་པ་འདིས་ནི་དག་པའི་དགེ་སློང་ལ་མ་རུང་བར་བྱེད་མི་ནུས་ཏེ། དགེ་འདུན་གྱི་ནང་དུ་ཡང་རྣམ་
D7a.013.0064b01.01པ་དེ་ལྟ་བུར་མི་འབྱིན་ཏོ་སྙམ་ནས་དེ་ལྟ་བུ་ལ་ནི་སྨྲོས་ཤིག་ཅེས་བསྒོའོ། །ཨུ་པཱ་ལི་རྣམ་པ་བརྒྱད་པོ་དེ་ལྟ་བུས་རྒོལ་བའི་དགེ་སློང་ལ་བརྟག་པར་བྱའོ། །ལན་གློན་པའི་དགེ་སློང་ལ་རྣམ་པ་འདི་བརྒྱད་ཀྱིས་བརྟག་པར་བྱ་སྟེ། སྤྱོད་པ་དང་། སྤྱོད་ཡུལ་དང་། མཛའ་
D7a.013.0064b02.01བ་དང་། གྲོགས་པོ་དང་། ལུས་ཀྱི་ལས་དང་། ངག་གི་ལས་དང་། འཚོ་བ་དང་། མང་དུ་ཐོས་པའོ། །དེ་སྟེ་ཨུ་པཱ་ལི་གཟུ་བོ་འདུལ་བ་འཛིན་པས་འདི་སྙམ་དུ་གྱུར་ཏེ། ཚེ་དང་ལྡན་པ་འདི་ནི་སྡིག་པ་ཅན་ཏེ། སྤྱོད་པ་སྡིག་པ་ཅན། སྤྱོད་ཡུལ་སྡིག་པ་ཅན།
D7a.013.0064b03.01མཛའ་བོ་སྡིག་པ་ཅན། གྲོགས་པོ་སྡིག་པ་ཅན། ལུས་ཀྱི་ལས་སྡིག་པ་ཅན། ངག་གི་ལས་སྡིག་པ་ཅན། འཚོ་བ་སྡིག་པ་ཅན། ཐོས་པ་སྡིག་པ་ཅན་ཏེ། ཚེ་དང་ལྡན་པ་འདིས་ནི་རྣམ་པ་འདི་ལྟ་བུའི་གནས་སུ་འཇུག་པར་ནུས་སོ་སྙམ་ནས་དེ་ན་རྒོལ་བའི་དགེ་
D7a.013.0064b04.01སློང་ལ་ཚིག་འཇམ་པོར་སྨྲོས་ལ་ལན་གློན་པའི་དགེ་སློང་ལ་ཚིག་འདི་སྐད་དུ་སྨྲོས་ཤིག །ཚེ་དང་ལྡན་པ་ཁྱོད་དེའི་ཚེ་ན་ལུས་ཀྱི་འདུས་བྱས་ཇི་ལྟ་བུར་གྱུར། ངག་གི་འདུས་བྱས་ཇི་ལྟ་བུར་གྱུར། ཡིད་ཀྱི་འདུས་བྱས་ཇི་ལྟ་བུར་གྱུར་ཅེས་ཇི་ལྟ་བུར་ཁས་ལེན་པ་དེ་ལྟ་བུར་བྱེད་
D7a.013.0064b05.01དུ་ཆུག་ཅིག །ཨུ་པཱ་ལི་དེ་སྟེ་གཟུ་བོ་འདུལ་བ་འཛིན་པས་འདི་སྙམ་དུ་གྱུར་ཏེ། ཚེ་དང་ལྡན་པ་འདི་ནི་དགེ་བ་ཅན་ཏེ། སྤྱོད་པ་དགེ། སྤྱོད་ཡུལ་དགེ །མཛའ་བོ་དགེ །གྲོགས་པོ་དགེ །ལུས་ཀྱི་ལས་དགེ །ངག་གི་ལས་དགེ །འཚོ་བ་དགེ །ཐོས་པ་
D7a.013.0064b06.01དགེ་སྟེ། ཚེ་དང་ལྡན་པ་འདི་ནི་གནས་དེ་ལྟ་བུ་ལ་འཇུག་པར་མི་བྱེད་དོ་སྙམ་ན། ལན་གློན་པའི་དགེ་སློང་ལ་ཚིག་འཇམ་པོར་སྨྲོས་ཏེ། རྒོལ་བའི་དགེ་སློང་ལ་ཆོས་ཉིད་ཀྱིས་ཤེས་པར་བྱོས་ཤིག །རྣམ་པ་འདི་བརྒྱད་ཀྱིས་ནི་གཞན་ལ་བརྟག་པར་བྱོས་ཤིག །
D7a.013.0064b07.01