完整藏文原文 · 德格版页 当前仅加载第 13 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན། བྱེ་མ་དང་འདྲེས་པའི་སས་མ་ཡིན། བྱེ་མ་དང་འདྲེས་པའི་ལྕི་བའི་རིལ་བུས་མ་ཡིན་གྱི་སྲན་ཕྱེས་ལྷུང་བཟེད་བཀྲུ་བར་བྱའོ། །ལྷུང་བཟེད་ལངས་ཏེ་བཀྲུ་བར་མི་བྱ། བསྐམ་པར་མི་བྱ། སྣོད་དུ་གཞུག་པར་མི་བྱ། སྦ་བར་མི་བྱ། ལམ་དུ་འགྲོ་བ་མ་
D7a.013.0284a01.01ཡིན། ཆུ་རྒལ་བ་ལ་མ་ཡིན། ས་མི་བདེ་བར་ལྷུང་བཟེད་གཞག་པར་མི་བྱ། དགེ་སློང་གིས་ལྷུང་བཟེད་ཀྱིས་གནས་ཁང་དུ་ཆག་ཆག་གདབ་པར་མི་བྱ། ཕྱག་དར་དོར་བར་མི་བྱ། ལྕི་བས་ཞལ་ཞལ་འཇོམ་པོར་བྱུག་པར་མི་བྱ། ལག་པ་བཀྲུ་བའི་ཆུ་བླང་བར་མི་བྱ།
D7a.013.0284a02.01རྐང་པ་བཀྲུ་བའི་ཆུ་ལ་མ་ཡིན། གདོང་བཀྲུ་བའི་ཆུ་ལ་མ་ཡིན། ལུས་བཀྲུ་བའི་ཆུ་ལ་མ་ཡིན། དེས་ཆུའི་བུམ་པ་དགང་བར་མི་བྱ། དགེ་སློང་གིས་ལྷུང་བཟེད་བཤང་སར་བཀུར་བར་མི་བྱ། གཅི་བའི་སར་མ་ཡིན། དུགས་ཁང་དུ་མ་ཡིན། རྐང་པ་བཀྲུ་བའི་སར་མ་
D7a.013.0284a03.01ཡིན་ཏེ། ཅི་ནས་དགེ་སློང་གིས་ས་མི་གཙང་བ་ཐམས་ཅད་དུ་ལྷུང་བཟེད་བཀུར་བར་མི་བྱ། དགེ་སློང་ལྷུང་བཟེད་ཐོགས་བཞིན་དུ་མཆོད་རྟེན་ལ་ཕྱག་བྱ་བར་མི་བྱ། གླན་པའི་རིགས་ན་གླན་པར་མི་བྱ། ཤིན་ཏུ་གཤེར་བཞིན་གཞག་པར་མི་བྱ། ཤིན་ཏུ་སྐམ་པར་གཡེལ་བར་མི་བྱ།
D7a.013.0284a04.01དལ་ནས་བགས་ཀྱིས་ཤེས་བཞིན་དུ་ཡོངས་སུ་སྤྱད་པར་བྱ་སྟེ། ནམ་ཞིགས་པའི་མཐར་ཐུག་གི་བར་དུ་བཅང་བར་བྱ་སྟེ། དགེ་སློང་གིས་ལྷུང་བཟེད་དེ་མིག་བཞིན་དུ་བསྲུང་བར་བྱའོ། །ཅི་ནས་ཀྱང་ཕྱིན་ཆད་བཙལ་མི་དགོས་པར་བྱས་ཏེ། དེ་ནི་ལྷུང་བཟེད་ཀྱི་བྱ་བ་ཞེས་
D7a.013.0284a05.01བྱའོ། །ཆོས་གོས་ཀྱི་བྱ་བ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ཀྱི་ཆོས་གོས་གསུམ་རྗེས་སུ་གནང་སྟེ། དྲེགས་པའི་ཕྱིར་མ་ཡིན། རྒྱགས་པ་བསྐྱེད་པའི་ཕྱིར་མ་ཡིན། བརྒྱན་པའི་ཕྱིར་མ་ཡིན། བཞག་པའི་ཕྱིར་མ་ཡིན་གྱི། དེ་འདི་ལྟར་
D7a.013.0284a06.01དགེ་སློང་རྣམས་བདེ་བར་སྤྱོད་པའི་ཕྱིར་ཏེ། སྦྲང་བུ་དང་། སྦྲང་མ་དང་། རླུང་དང་། ཚ་བ་དང་། སྦྲུལ་ལ་སོགས་པ་རེག་ན་མི་བདེ་བའི་གཉེན་པོའི་ཕྱིར་ངོ་ཚ་བ་དང་། ཁྲེལ་བ་གཡོག་པའི་ཕྱིར་རོ། །དེ་ཡང་དགེ་སློང་རྣམས་ཀྱིས་ཇི་ལྟར་ཡོངས་སུ་སྤྱད་པ་བཞིན་ཡོངས་
D7a.013.0284a07.01