完整藏文原文 · 德格版页 当前仅加载第 13 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གི་ཕྱིར་ཡང་དད་པ་བརྗོད་ཅིག་ཅེས་ཟེར་ནའང་དད་པ་ཕུལ་བ་ཡིན་ནོ། །ངག་གིས་མ་ནུས་ཏེ་ལུས་ཀྱི་དམིགས་པས་བྱས་ནའང་དད་པ་ཕུལ་བ་ཡིན་ནོ། །ལུས་ཀྱིས་མ་ནུས་ཏེ་ཚིག་གིས་བརྡ་བྱས་ན་ཡང་དད་པ་ཕུལ་བ་ཡིན་ནོ། །ལུས་དང་ཚིག་གཉི་གས་བརྡ་
D7a.013.0260a01.01བྱས་ན་ཡང་དད་པ་བྱིན་པ་ཡིན་ནོ། །ལུས་ཀྱིས་ཀྱང་མི་ནུས་ཚིག་གིས་ཀྱང་མི་ནུས་ན་དེར་དགེ་འདུན་ཐམས་ཅད་དེང་ཤིག །ཡང་ན་དགེ་འདུན་ཐམས་ཅད་ཀྱིས་དེ་ཁུག་ཤིག །དགེ་འདུན་ཐམས་ཅད་ཀྱང་དེར་མ་དོང་ལ་དགེ་སློང་དེའང་དེར་མ་བཀུག་ན་མ་འདུས་པར་བྱས་
D7a.013.0260a02.01པ་སྟེ། དགེ་འདུན་ལས་བྱེད་པ་རྣམས་ཀྱང་འདས་པ་དང་བཅས་པར་འགྱུར་རོ། །དད་པ་ལེན་པའི་དགེ་སློང་གིས་དད་པ་བླངས་ནས་དེ་ཉིད་དུ་དུས་འདས་ཏེ་ཤི་ན་དད་པ་མ་ཕུལ་བ་ཞེས་བྱ་སྟེ། གཞན་ལ་དད་པ་དབུལ་བར་བྱ། ཁྱིམ་པ་ཡིན་པར་བདག་ཉིད་ཀྱིས་ཁས་བླངས་
D7a.013.0260a03.01ན་ཡང་དད་པ་མ་ཕུལ་བ་ཞེས་བྱ་སྟེ། གཞན་ལ་དད་པ་དབུལ་བར་བྱ། དགེ་སྦྱོང་ངམ། མ་ནིང་ངམ། དགེ་སློང་མ་སུན་ཕྱུང་བ་ཞེས་བྱ་བ་ནས། འགྲོ་བ་གཞན་དུ་གནས་པའི་བར་དུ་སྔ་མ་བཞིན་བདག་ཉིད་ཀྱིས་ཁས་བླངས་ནའང་དད་པ་མ་ཕུལ་བ་ཞེས་བྱ་སྟེ་གཞན་ལ་
D7a.013.0260a04.01དད་པ་དབུལ་བར་བྱའོ། །དེ་སྟེ་ཟ་མ་ཡིན་པར་བདག་ཉིད་ཀྱིས་ཁས་བླངས་ནའང་དད་པ་མ་ཕུལ་བ་ཞེས་བྱའོ། །དགེ་འདུན་ཕྱེ་བའམ། མི་གནས་པའམ། སོ་སོར་གནས་པའམ། ཉེ་བར་ཕྱོགས་པའམ། བསླབ་པ་བྱིན་པར་བདག་ཉིད་ཀྱིས་ཁས་བླངས་ན་ཡང་དད་པ་མ་ཕུལ་
D7a.013.0260a05.01བ་ཞེས་བྱ་སྟེ། འདི་ནི་དད་པ་དབུལ་བའི་རབ་ཏུ་ལྡན་པ་ཞེས་བྱའོ། །དད་པ་ལེན་པའི་རབ་ཏུ་ལྡན་པ་གང་ཞེ་ན། དགེ་སློང་གང་དགེ་སློང་གི་དྲུང་ནས་དད་པ་ལེན་པ་དེས་འདི་ལྟར་བྱ་སྟེ། གཅིག་གིས་གཅིག་གིའམ། གཅིག་གིས་གཉིས་ཀྱིའམ། གཅིག་གིས་མང་པོའིའམ། ཇི་སྙེད་ཀྱི་
D7a.013.0260a06.01མིང་སྨོས་ནུས་པ་དེ་སྙེད་ཀྱི་བླང་བར་བྱའོ། །དད་པ་ལེན་པའི་དགེ་སློང་གིས་དད་པ་བླངས་ནས་བརྒྱུག་པར་མི་བྱ། མགྱོགས་པར་འགྲོ་བར་མི་བྱ། མཆོང་བར་མི་བྱ། འཕར་བར་མི་བྱ། སའི་འོག་ནས་འགྲོ་བར་མི་བྱ། ནམ་མཁའ་ལས་འགྲོ་བར་མི་བྱ། མཚམས་ཀྱི་ཕྱི་རོལ་ནས་བླང་བར་མི་བྱ།
D7a.013.0260a07.01