完整藏文原文 · 德格版页 当前仅加载第 13 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་གིས་རྟོགས་ཤིག །སྔར་གཙུག་ལག་ཁང་གི་དངོས་པོ་བརྟག་པ་ནི་འོད་པ་དང་ལྡན་ནམ། སྐྱེད་ཤིང་དང་ལྡན་ནམ། ཆུ་དང་ལྡན་ནམ། འཆག་ས་དང་ལྡན་ནམ། ཉེ་འཁོར་དང་ལྡན་ནམ། རྩོད་པ་མེད་དམ། དོག་པ་མེད་དམ། སྤྱོད་ཡུལ་དང་མི་རིང་ངམ། ཧ་
D7a.013.0270a01.01ཅང་ཡང་མི་ཉེའམ། ཉིན་པར་ལྡུགས་མི་མང་ངམ། འཁྲུག་པ་མི་ཆེའམ། མཚན་མོ་ཡང་སྒྲ་མི་ཆེའམ། ཅ་ཅོ་མི་ཆེའམ། གདུག་པའི་སྲོག་ཆགས་དང་སྦྲང་བུ་དང་སྦྲུལ་དང་རླུང་དང་ཚ་བས་མི་བདེ་བ་ལྟ་མེད་དམ། ཞི་བ་དབེན་པ་བསམ་གཏན་གྱི་རྗེས་སུ་མཐུན་ནམ། ནང་དུ་ཡང་
D7a.013.0270a02.01དག་འཇོག་པའི་གཞིར་རུང་ངམ་མི་རུང་ཞེས་ཤིན་ཏུ་རྟོགས་པར་བྱས་ལ་གདོད་གཙུག་ལག་ཁང་བརྩིག་གོ། །ལས་གསར་བྱེད་པའི་དགེ་སློང་གིས་ཤིན་ཏུ་མ་བརྟགས་པར་གཙུག་ལག་ཁང་བརྩིགས་ན་འདས་པ་དང་བཅས་པར་འགྱུར་ཏེ། འདི་ནི་དངོས་པོའི་རབ་ཏུ་ལྡན་པ་ཞེས་བྱའོ། །གཙུག་
D7a.013.0270a03.01ལག་ཁང་གི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་གཙུག་ལག་ཁང་རབ་ཏུ་གནང་བ་ནི་ཁང་{བཟངས་,བཟང་}ཁྱམས་བཞི་པ་དང་། ཁང་{བཟངས་,བཟང་}ཁྱམས་བཅུ་གཉིས་པོ་དེ་སྒོ་ཁང་ནི་བཞི་རྩེག་གམ་བདུན་རྩེག་གོ། །ཁང་བུ་བརྩེགས་པ་དང་། བསྲོ་གང་དང་།
D7a.013.0270a04.01ཚང་མང་དང་། བཀད་ས་དང་། འཆག་ས་དང་། དུགས་ཁང་དང་། རྐང་པའི་བཀྲུ་ཁང་དང་། གནས་ཁང་དང་། སྔ་ཁང་དང་། ཁང་པ་འཁོར་དུ་བཅས་པ་དང་། ཁང་པ་གློ་འབུར་ཏེ། དགེ་འདུན་གྱི་ཡང་རུང་། གང་ཟག་གི་ཡང་རུང་། སློབ་པ་དང་མི་སློབ་པའི་ཡང་རུང་སྟེ།
D7a.013.0270a05.01སྤྱོད་ལམ་བཞིར་རུང་བར་འགྱུར་བ་ནི་གཙུག་ལག་ཁང་གི་རབ་ཏུ་ལྡན་པ་ཞེས་བྱའོ། །མལ་སྟན་གྱི་རབ་ཏུ་ལྡན་པ་གང་ཞེ་ན། བཅོམ་ལྡན་འདས་ཀྱིས་དགེ་སློང་རྣམས་ལ་མལ་སྟན་རྗེས་སུ་གནང་བ་ནི་འདི་ལྟ་སྟེ། ཁྲི་དང་། ཁྲིའུ་དང་། སྟན་ནང་ཚངས་ཅན་དང་། ལ་བ་དང་། སྔས་རྟེན་དང་།
D7a.013.0270a06.01གྲུ་བཞི་པ་སྟེ། དགེ་འདུན་གྱིའང་རུང་གང་ཟག་གི་ཡང་རུང་། གདིང་བ་དང་། བགོ་བ་འདི་ནི་མལ་སྟན་གྱི་རབ་ཏུ་ལྡན་པ་ཞེས་བྱའོ། །ལས་གསར་གྱི་རབ་ཏུ་ལྡན་པ་གང་ཞེ་ན། དེ་འདི་ལྟར་བཅོམ་ལྡན་འདས་ཀྱིས་གང་གི་ཚེ་གཙུག་ལག་ཁང་བྱོས་ཤིག་པར་རྗེས་སུ་གནང་བ་དེ་ན། དགེ་སློང་རྣམས་
D7a.013.0270a07.01