完整藏文原文 · 德格版页 当前仅加载第 13 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་རྟེན་ཞིག་བརྩིག་པར་མཛོད་ཅིག་དང་། དེ་ལ་བདག་ཅག་གིས་རིམ་གྲོ་བསྐྱེད་དེ་མེ་ཏོག་དང་། དྲི་དང་། བྱུག་པ་དང་། སྤོས་དང་། གདུགས་དང་། རྒྱལ་མཚན་དང་། བ་དན་དག་གིས་མཆོད་པར་བགྱིའོ་ཞེས་གསོལ་པ་དང་། དེས་བཅོམ་
D7a.013.0116a01.01ལྡན་འདས་ལ་གསོལ་བ་བཏབ་སྟེ། བཅོམ་ལྡན་འདས་ཀྱི་དབུ་སྐྲ་དང་སེན་མོ་སྩོལ་ཅིག་དང་། བདག་ཅག་གིས་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་ནང་གི་བཙུན་མོ་དག་གི་དབུས་སུ་བརྩིག་གོ་ཞེས་གསོལ་པ་དང་། དེ་ནས་བཅོམ་ལྡན་འདས་
D7a.013.0116a02.01ཀྱིས་དབུ་སྐྲ་དང་སེན་མོ་སྩལ་ནས་དེས་བསྟི་སྟང་དང་རིམ་གྲོ་ཆེར་བྱས་ཏེ། ནང་གི་བཙུན་མོ་དག་དང་ལྷན་ཅིག་ཏུ་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་ནང་གི་བཙུན་མོའི་དབུས་སུ་བརྩིགས་ནས། དེ་ལ་ནང་གི་བཙུན་མོ་དག་གིས་མར་མེ་དང་། སྤོས་དང་།
D7a.013.0116a03.01མེ་ཏོག་དང་། དྲི་དང་། བྱུག་པ་དག་གིས་རབ་ཏུ་མཆོད་པ་བྱས་སོ། །གང་གི་ཚེ་རྒྱལ་པོ་མ་སྐྱེས་དགྲ་ལ་མི་དགེ་བའི་བཤེས་གཉན་ལྷ་སྦྱིན་གྱིས་སྦད་ནས་ཕ་ཆོས་ཅན་ཆོས་བཞིན་དུ་རྒྱལ་པོ་བྱེད་པ་འཚོ་བ་དང་ཡོངས་སུ་ཕྲལ་ནས་བདག་ཉིད་རྒྱལ་པོར་ཞུགས་སོ། །
D7a.013.0116a04.01དེའི་ཚེ་ན་བཅོམ་ལྡན་འདས་ཀྱི་བསྟན་པ་ལ་ཆོས་ཀྱི་སྦྱིན་པ་ཐམས་ཅད་གཅད་པར་ཁྲིམས་བཅས་པས་སུས་ཀྱང་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་ལ་བྱ་བ་མི་བྱེད་དོ། །གང་གི་ཚེ་བཅོ་ལྔའི་སྐབས་འབྱེད་པའི་དུས་ལ་བབ་པ་དེའི་ཚེ་ན་ཡང་དབུ་སྐྲ་
D7a.013.0116a05.01དང་སེན་མོའི་མཆོད་རྟེན་ལ་སུ་ཡང་ཕྱག་དར་དང་། མར་མེ་དང་། མེ་ཏོག་དག་གིས་མཆོད་པ་མི་བྱེད་དོ། །དེ་ནས་བཙུན་མོ་དག་གིས་དབུ་སྐྲ་དང་སེན་མོའི་མཆོད་རྟེན་ལ་རྣམ་པ་དེ་ལྟ་བུ་མཐོང་ནས་རྒྱལ་པོ་གཟུགས་ཅན་སྙིང་པོ་དྲན་ཏེ་དེ་དག་མི་དགའ་སྟེ། མྱ་ངན་
D7a.013.0116a06.01བྱེད་ཅིང་ཀྱི་ཧུད་ཆོས་ཀྱི་རྒྱལ་པོ་དང་བྲལ་བར་གྱུར་ནས་བདག་ཅག་གི་བསོད་ནམས་ཀྱང་ཟད་པར་གྱུར་ཏོ་ཞེས་ཟེར་ཞིང་ངུ་བར་གྱུར་ཏོ། །དེའི་ནང་ནས་བཙུན་མོ་དཔལ་གྱི་བློ་གྲོས་མ་ཞེས་བྱ་བ་ཞིག་གིས་འཚོ་བ་ལ་མ་བལྟས་པར་སངས་རྒྱས་ཀྱི་ཡོན་ཏན་རྗེས་སུ་དྲན་ནས་དབུ་སྐྲ་དང་
D7a.013.0116a07.01