完整藏文原文 · 德格版页 当前仅加载第 52 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ཀྱི་སྐྱབས་དང་མགོན་དུ་གྱུར་པ། སེམས་ཅན་ཐམས་ཅད་ལ་སྲས་སྒྲ་གཅན་འཛིན་དང་འདྲ་བར་མཉམ་པར་གཟིགས་པ། སེམས་ཅན་གྱི་སྐྱབས་དང་། དཔུང་གཉེན་དང་། རྟེན་དང་། གནས་སུ་གྱུར་པ་དེང་ཡོངས་
D119.052.0002a01.01སུ་མྱ་ངན་ལས་འདའོ། །སོ་སོའི་སྐྱེ་བོ་དག་ཐེ་ཙོམ་དང་སོམ་ཉིར་གྱུར་པ་ཡོད་ན། ད་ཞུ་ཞིང་དྲི་བའི་དུས་ནང་གི་ཐ་མ་འདིར་ཞུ་ཞིང་གསོལ་ཅིག་ཅེས་པའི་གསུང་གིས་ཡོངས་སུ་གྲགས་པར་གྱུར་ཏོ། །དེའི་ཚེ་བཅོམ་ལྡན་འདས་སྔ་དྲོའི་དུས་ཀྱི་ཚེ་ཞལ་གྱི་སྒོ་ནས་འོད་
D119.052.0002a02.01རྣམ་པ་སྣ་ཚོགས་བཀྱེ་བ་ནི་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ཤེལ་ལྟ་བུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དང་། ཕྱོགས་བཅུའི་འཇིག་རྟེན་གྱི་ཁམས་ཀྱི་བར་དུ་ཡོངས་སུ་སྣང་བར་བྱས་ནས། དེ་དག་ན་གནས་
D119.052.0002a03.01པའི་ལམ་རྒྱུད་དྲུག་གི་སེམས་ཅན་དག་འོད་ཟེར་དེས་རེག་མ་ཐག་ཏུ་ཁ་ན་མ་ཐོ་བའི་ཉོན་མོངས་པ་ཐམས་ཅད་བྱང་བར་གྱུར་ཏོ། །དེའི་ཚེ་སོ་སོའི་སྐྱེ་བོ་དག་དེ་ལྟ་བུའི་ལྟས་མཐོང་ཞིང་ཐོས་ནས་མྱ་ངན་ཆེན་པོས་ཡིད་གདུངས་ཏེ། དུས་གཅིག་ཏུ་ཆོ་ངེས་རྡུང་ཞིང་ངུས་ནས་འདི་སྐད་དུ།
D119.052.0002a04.01ཨེ་མའོ་ཤིན་ཏུ་བྱམས་པའི་ཕ་མར་གྱུར་པ། ཀྱི་ཧུད་ཀྱི་ཧུད་མྱ་ངན་ལས་འདས་སམ་ཞེས་སྨྲས་ནས་ཐལ་མོས་མགོ་དང་བྲང་ལ་རྡེབས་ཏེ་ཆོ་ངེ་རྡུང་ངོ་། །ཁ་ཅིག་ནི་ལུས་ཀྱང་རབ་ཏུ་འདར་ཞིང་བ་སྤུ་ཀུན་ལངས་ནས་སྐད་ཀྱིས་བརྣངས་པ་ཙམ་དུ་ངུས་སོ། །དེའི་ཚེ་ན་ས་ཆེན་པོ་འདི་
D119.052.0002a05.01དང་། རི་དང་རྒྱ་མཚོ་ཡང་རབ་ཏུ་གཡོས་ཤིང་འཁྲུགས་སོ། །དེ་ནས་སེམས་ཅན་དེ་དག་གཅིག་ལ་གཅིག་སྤྲོ་བསྲིང་ཞིང་མྱ་ངན་བསང་བའི་ཕྱིར་འདི་སྐད་དུ། ཀྱེ་གྲོགས་པོ་དག་མྱ་ངན་མ་བྱེད་པར་མྱུར་དུ་རྩྭ་མཆོག་གི་གྲོང་ཁྱེར་སྐྱེས་བུ་སྟོབས་པོ་ཆེ་འབྱུང་བའི་གནས་
D119.052.0002a06.01