完整藏文原文 · 德格版页 当前仅加载第 52 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་ཕྱིར་མི་ལྡོག་པ་ནི་ཡང་དག་པའི་ཆོས་ལ་སྐུར་པའམ། བྲན་ཕོ་དང་བྲན་མོ་དང་། ལས་བྱེད་པའི་མི་ལ་སོགས་པ་མ་བརྟགས་པའི་དངོས་པོ་དག་འཆང་དུ་གནང་ཞེའམ། མུ་སྟེགས་ཅན་གྱི་གཙུག་ལག་དང་། ཡི་གེ་ལ་སློབ་ཅིང་འཛིན་ཅེའམ།
D119.052.0087a01.01ཀུན་ནས་ཉོན་མོངས་པས་སྒྲིབ་པར་འགྱུར་ཞེའམ། བག་ལ་ཉལ་བའི་ཉོན་མོངས་པས་སྒྲིབ་ཅིང་གཡོགས་པར་འགྱུར་ཞེའམ། དེ་བཞིན་གཤེགས་པའི་སྐུ་གདུང་ཡང་དག་པ་སྦེད་ཅིང་འཆབ་ཅེའམ། ཕྱི་རོལ་གྱི་ནད་རྣམ་པ་མང་པོས་འཚེ་ཞིང་གནོད་པར་འགྱུར་ཞེའམ།
D119.052.0087a02.01སྦྲུལ་གདུག་པ་རྣམ་པ་བཞིས་ཟིན་པར་འགྱུར་ཞེའམ། བདག་ཏུ་སྨྲ་བ་ལ་སོགས་པའི་གནས་མེད་ཀྱི། བདག་མེད་པར་སྨྲ་བའི་གནས་ནི་ཡོད་དོ། །འཇིག་རྟེན་གྱི་ཆོས་ལ་ཆགས་པར་སྨྲ་བའི་གནས་ནི་མེད་ཀྱི། ཐེག་པ་ཆེན་པོ་བར་ཆད་ཀྱི་རྒྱུན་མེད་པར་སྟོན་པའི་གནས་ནི་
D119.052.0087a03.01ཡོད་དོ། །གང་ལུས་ལེན་པ་དེ་སྲིན་བུ་བརྒྱད་ཁྲིས་བཟའ་བའི་གནས་མེད་ཀྱི། འདོད་ཆགས་ཡོངས་སུ་སྤངས་ནས་ཆུང་ངུ་ན་རྨི་ལམ་ན་ཡང་མི་གཙང་བ་མི་འབྱུང་བའི་གནས་ནི་ཡོད་དོ། །མཐར་ཚེའི་བྱ་བ་བྱེད་པ་ན་འཇིགས་སྐྲག་པར་འགྱུར་བའི་གནས་ཀྱང་མེད་དོ། །ལེན་
D119.052.0087a04.01ཅིག་ཕྱིར་མི་ལྡོག་པ་ཞེས་བྱ་བ་ཅིའི་དོན་ཞེ་ན། གང་ཟག་དེ་ནི་ཉེས་པའི་སྐྱོན་གོང་དུ་སྨོས་པའི་ནང་དུ་ཕྱིར་མི་འཁོར་ཏེ། དེས་གོས་པར་ཡང་མི་འགྱུར་ལ། ཕྱིར་འཁོར་ཞིང་སྐྱེ་ཡང་དེ་ནི་བྱང་ཆུབ་སེམས་དཔའ་ཞེས་བྱ་སྟེ། ལུང་བསྟན་པ་ཡང་ཐོབ་པས་རིང་པོར་མི་ཐོགས་
D119.052.0087a05.01པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་ཡང་འགྱུར་ཏེ། དེ་ནི་གང་ཟག་གསུམ་པ་ཞེས་བྱའོ། །གང་ཟག་བཞི་པ་ནི་དགྲ་བཅོམ་པ་ཞེས་བྱ་སྟེ། དགྲ་བཅོམ་པ་ནི་ཉོན་མོངས་པ་ཐམས་ཅད་བཅད་པ། ཁུར་བོར་བ། བྱ་བ་བྱས་པ། ཕྱིས་
D119.052.0087a06.01བདག་གི་དོན་རབ་ཏུ་རྙེད་པ། ས་བཅུ་ལ་རབ་ཏུ་གནས་པ། ཡེ་ཤེས་ལ་དབང་སྒྱུར་བ། སོ་སོའི་སྐྱེ་བོ་ཅི་ལ་མོས་པ་བཞིན་དུ་རྣམ་པ་སྣ་ཚོགས་ཀྱི་གཟུགས་དང་ཆ་ལུགས་ཀྱང་དེ་བཞིན་དུ་སྟོན་པ། མངོན་པར་འཚང་རྒྱ་བར་འདོད་ན་ཡང་མངོན་པར་སངས་རྒྱས་པ་སྟོན་པ་སྟེ།
D119.052.0087a07.01