完整藏文原文 · 德格版页 当前仅加载第 52 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོན་མཐིང་ལས་བྱས་པ། དེའི་རྒྱབ་ནི་རིན་པོ་ཆེ་སྣ་བདུན་གྱི་སྣམ་རྟེན་དང་བཅས་པ། མདུན་ཡང་གསེར་ལས་བྱས་པའི་སྔས་རེ་རེ་ཡོད་པ། རིན་པོ་ཆེ་སྣ་བདུན་གྱི་སྒྲོན་མའི་སྡོང་པོ་ལ་ནོར་བུ་རིན་པོ་ཆེ་རྣམ་པ་སྣ་ཚོགས་ཀྱི་སྒྲོན་མ་སྣང་བ། ས་གཞི་ཐམས་ཅད་
D119.052.0010a01.01ལྷའི་མེ་ཏོག་གིས་ཆལ་པར་བཀོད་པ་དེ་ལྟ་བུ་དག་ལྷའི་བུ་མོ་དེ་དག་གིས་བཤམས་ནས་ཡིད་གདུང་ཞིང་མཆི་མ་ཟག་སྟེ་སྡུག་བསྔལ་ཆེན་པོ་སྐྱེས་ཀྱང་སེམས་ཅན་ཐམས་ཅད་ལ་ཕན་པ་དང་། བདེ་བའི་ཕྱིར་ཐེག་པ་ཆེན་པོ་དོན་དམ་པ་སྟོང་པ་ཉིད་དང་ལྡན་པར་བྱ་བ་དང་། དེ་བཞིན་གཤེགས་
D119.052.0010a02.01པས་དགོངས་ཏེ་གསུངས་པ་མངོན་དུ་བསྟན་པ་དང་། ཆོས་རྣམ་པ་སྣ་ཚོགས་སྨྲ་བ་རྒྱུན་མི་གཅད་པའི་ཕྱིར་བཅོམ་ལྡན་འདས་གང་ན་བར་ལྷགས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། ལན་བརྒྱ་སྟོང་དུ་བསྐོར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D119.052.0010a03.01བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་བཤམས་པ་ནང་གི་ཐ་མ་འདི་བཞེས་ཤིག་ཅེས་གསོལ་ཏོ། །བཅོམ་ལྡན་འདས་དུས་མཁྱེན་པས་ཅང་མི་གསུང་ནས་བཞེས་སུ་མ་གནང་ངོ་། །ལྷའི་བུ་མོ་རྣམས་བསམས་པ་བཞིན་དུ་མ་གྱུར་ནས་མྱ་ངན་གྱིས་ཡིད་
D119.052.0010a04.01གདུངས་ཏེ་ཅང་མི་སྨྲ་བར་ཕྱོགས་གཅིག་ཏུ་འཁོད་དོ། །དེའི་ཚེ་གཞན་ཡང་ཀླུང་གང་གཱ་དགུའི་བྱེ་མ་སྙེད་ཀྱི་ཀླུའི་རྒྱལ་པོ་ཕྱོགས་བཞི་ནས་ལྷགས་པ་ལ་འདི་ལྟ་སྟེ། ཀླུའི་རྒྱལ་པོ་འཇོག་པོ་དང་། ཀླུའི་རྒྱལ་པོ་དགའ་བོ་དང་། ཀླུའི་རྒྱལ་པོ་ཉེ་དགའ་བོ་ལ་སོགས་པས་ཐོག་མར་དྲངས་ནས།
D119.052.0010a05.01ཀླུའི་རྒྱལ་པོ་རྣམས་ཀྱང་སྔ་དྲོའི་དུས་ཉི་མ་ཐོག་མ་ཤར་བ་ན་ལྷ་དང་མི་ལས་ལྷག་པའི་མཆོད་པའི་ཡོ་བྱད་བཤམས་ནས། བཅོམ་ལྡན་འདས་གང་ན་བར་ལྷགས་ཏེ་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་ལན་བརྒྱ་སྟོང་དུ་བསྐོར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་
D119.052.0010a06.01ཏོ། །བཅོམ་ལྡན་འདས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་ནང་གི་ཐ་མ་འདི་བཞེས་ཤིག་ཅེས་གསོལ་ཏོ། །དེ་བཞིན་གཤེགས་པ་དུས་མཁྱེན་པས་ཅང་མི་གསུང་ནས་བཞེས་སུ་མ་གནང་ངོ་། །དེ་ནས་ཀླུའི་རྒྱལ་པོ་རྣམས་ཀྱང་བསམས་པ་བཞིན་དུ་མ་གྱུར་པས་མྱ་
D119.052.0010a07.01