完整藏文原文 · 德格版页 当前仅加载第 52 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །དོན་སོ་སོ་ཡང་དག་པར་ཤེས་པ་ནི་ཆོས་ཐམས་ཅད་ཀྱི་དོན་དུ་བཏགས་པ་ཐམས་ཅད་ཤེས་པ་སྟེ། ཆོས་ཀྱི་རྗེས་སུ་མིང་དང་ཚིག་ཏུ་གདགས་པ་ལས་དོན་དུ་འགྱུར་བ་ཐམས་ཅད་དོ། །ཚིག་སོ་སོ་ཡང་དག་པར་ཤེས་པ་ནི་ཡི་གེའི་གཙུག་ལག་དང་། སྒྲ་སྐད་ཀྱི་
D119.052.0264b01.01གཙུག་ལག་དང་། རྣམ་པར་རིག་བྱེད་ཀྱི་གཙུག་ལག་དང་། འཇིག་རྟེན་པའི་གཙུག་ལག་རྣམས་སོ། །སྤོབས་པ་སོ་སོ་ཡང་དག་པར་ཤེས་པ་ནི་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ཙམ་ཚིག་ཏུ་སྨྲ་བ་ལས་ཐོགས་པའམ་བར་ཆད་བྱེད་པ་མེད་ཅིང་
D119.052.0264b02.01ཕྱིར་མི་ཟློགས་པ། འཇིགས་པ་མེད་ཅིང་ཟིལ་གྱིས་མི་ནོན་པའོ། །རིགས་ཀྱི་བུ་འདི་དག་ནི་བྱང་ཆུབ་སེམས་དཔས་དེ་ལྟར་མཐོང་ཞིང་ཤེས་པ་ཙམ་གྱིས། སོ་སོ་ཡང་དག་པར་ཤེས་པ་བཞི་ཐོབ་པར་འགྱུར་བ་ཞེས་བྱའོ། །རིགས་ཀྱི་བུ་གཞན་ཡང་ཆོས་སོ་སོ་ཡང་དག་པར་
D119.052.0264b03.01ཤེས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། སངས་རྒྱས་ཀྱི་ཆོས་རྣམས་ཡོངས་སུ་ཤེས་པའོ། །དོན་སོ་སོ་ཡང་དག་པར་ཤེས་པ་ནི་ཐེག་པ་ལ་རྣམ་པ་གསུམ་ཡོད་མོད་ཀྱི། གཅིག་ཏུ་
D119.052.0264b04.01འདུ་བར་ཤེས་པ་ལ་སོ་སོ་ཐ་དད་པའི་མཚན་ཉིད་མེད་པའོ། །ཚིག་སོ་སོ་ཡང་དག་པར་ཤེས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་གཅིག་ལ་ཡང་མིང་རྣམ་པ་སྣ་ཚོགས་སུ་བཏགས་ནས་བསྐལ་པ་ཚད་མེད་པའི་བར་དུ་བཤད་ཀྱང་མི་རྫོགས་ཀྱི། ཉན་ཐོས་
D119.052.0264b05.01དང་རང་སངས་རྒྱས་ཀྱིས་ནི་དེ་ལྟར་བཤད་ནུས་པའི་གནས་མེད་དོ། །སྤོབས་པ་སོ་སོ་ཡང་དག་པར་ཤེས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་བསྐལ་པ་ཚད་མེད་པའི་བར་དུ་སེམས་ཅན་ཐམས་ཅད་ལ་ཆོས་རྣམས་སྟོན་པ་ནི་མིང་དང་དོན་རྣམ་པ་ཐ་དད་པ་སྣ་ཚོགས་
D119.052.0264b06.01བཤད་ཀྱང་ཟད་པའི་མཐའ་མེད་དོ། །རིགས་ཀྱི་བུ་གཞན་ཡང་ཆོས་སོ་སོ་ཡང་དག་པར་ཤེས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཆོས་ཀུན་ཤེས་ཀྱང་དེ་ལ་ཆགས་པ་མེད་དོ། །དོན་སོ་སོ་ཡང་དག་པར་ཤེས་པ་ནི་དོན་རྣམས་ཤེས་ཀྱང་དེ་ལ་མི་
D119.052.0264b07.01