完整藏文原文 · 德格版页 当前仅加载第 52 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
དཀར་པོ་ཐོབ་སྟེ། ལྷར་སྐྱེ་བའི་ཕྱིར་ན་ལྷ་ཞེས་བྱའོ། །ལྷ་ནི་བཀྲ་ཤིས་པ་སྟེ། བཀྲ་ཤིས་པའི་ཕྱིར་ལྷ་ཞེས་བྱའོ། །གཞན་ཡང་ལྷ་ཞེས་བྱ་བ་ནི་ཉི་མ་སྟེ། ཉི་མ་ལ་འོད་ཡོད་པའི་ཕྱིར་ཉི་མ་ལ་ལྷ་ཞེས་བྱའོ། །དོན་དེ་ལྟ་བུས་ན་ལྷ་ཞེས་བྱའོ། །མི་ཞེས་བྱ་བ་ནི་དོན་ལ་མང་དུ་
D119.052.0283b01.01སེམས་པའོ། །གཞན་ཡང་མི་ཞེས་བྱ་བ་ནི་ལུས་དང་ངག་འཇམ་ཞིང་དེས་པའོ། །གཞན་ཡང་མི་ཞེས་བྱ་བ་ནི་ང་རྒྱལ་དང་བཅས་པའོ། །མི་ཞེས་བྱ་བ་ནི་ང་རྒྱལ་བཅོམ་པའོ། །རིགས་ཀྱི་བུ་སངས་རྒྱས་བཅོམ་ལྡན་འདས་ནི་སེམས་ཅན་ཐམས་ཅད་ཀྱི་བླ་ན་མེད་
D119.052.0283b02.01པའི་སྟོན་པ་ཡིན་མོད་ཀྱི། གསུང་རབ་ལས་ལྷ་དང་མིའི་སྟོན་པ་ཞེས་འབྱུང་ངོ་། །དེ་ཅིའི་ཕྱིར་ཞེ་ན། སེམས་ཅན་ཐམས་ཅད་ཀྱི་ནང་ན་ལྷ་དང་མི་འབའ་ཞིག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནུས་ཤིང་དགེ་བ་བཅུའི་ལས་བྱེད་ནུས་པས་རྒྱུན་
D119.052.0283b03.01དུ་ཞུགས་པའི་འབྲས་བུ་དང་། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་དང་། རང་སངས་རྒྱས་ཀྱི་འབྲས་བུ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པར་འགྱུར་བས་དེའི་ཕྱིར་ན་སངས་རྒྱས་བཅོམ་ལྡན་
D119.052.0283b04.01འདས་ནི་ལྷ་དང་མིའི་སྟོན་པ་ཞེས་བྱའོ། །དེ་ལ་ཇི་ལྟར་ན་སངས་རྒྱས་ཞེས་བྱ་ཞེ་ན། སངས་རྒྱས་ཞེས་བྱ་བ་ནི་ཚོར་བའི་དོན་ཏེ། བདག་ཀྱང་ཚོར་ལ་གཞན་ཡང་ཚོར་བར་བྱེད་དོ། །རིགས་ཀྱི་བུ་དཔེར་ན་མི་ཞིག་ཁྱིམ་དུ་རྐུན་པོ་འོང་བར་ཚོར་ན་རྐུན་པོས་མི་ཚུགས་སོ། །བྱང་
D119.052.0283b05.01ཆུབ་སེམས་དཔའ་སེམས་དཔའ་ཆེན་པོ་ཡང་ཚད་མེད་པའི་ཉོན་མོངས་པ་ཐམས་ཅད་ཚོར་ཏེ། དེ་ལྟར་ཚོར་བས་ན་ཉོན་མོངས་པ་ཐམས་ཅད་ཀྱིས་མི་ཚུགས་སོ། །དེ་བས་ན་སངས་རྒྱས་ཞེས་བྱའོ། །དེ་ལྟར་ཚོར་བས་ན་མི་སྐྱེ་མི་རྒ་མི་ན་མི་འཆི་སྟེ། དེའི་ཕྱིར་ན་སངས་རྒྱས་ཞེས་
D119.052.0283b06.01བྱའོ། །དེ་ལ་ཇི་ལྟར་ན་བཅོམ་ལྡན་འདས་ཞེ་ན། བཅོམ་པ་ཞེས་བྱ་བ་ནི་བཅོམ་པའོ། །ལྡན་པ་ཞེས་བྱ་བ་ནི་ཉོན་མོངས་པའོ། །ཉོན་མོངས་པ་ཐམས་ཅད་བཅོམ་པའི་ཕྱིར་ན་བཅོམ་ལྡན་འདས་ཞེས་བྱའོ། །གཞན་ཡང་དགེ་བའི་ཆོས་ཐམས་ཅད་དང་ལྡན་པའི་ཕྱིར་ཆོས་
D119.052.0283b07.01