完整藏文原文 · 德格版页 当前仅加载第 52 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོག་མ་སློབ་པ་ནས་ལོ་གསུམ་མམ། ལོ་ལྔ་ནས་མཁས་པར་འགྱུར་བས་རྟག་པ་ཞེས་བགྱིའོ། །བཅོམ་ལྡན་འདས་རྩིས་སློབ་པ་ཡང་གཅིག་ལས་གཉིས། གཉིས་ལས་གསུམ་སྟེ། བརྒྱ་སྟོང་གི་བར་དུའོ། །ཅི་སྟེ་མི་རྟག་ན་ཐོག་མའི་གཅིག་ཀྱང་
D119.052.0214a01.01མ་མཆིས་པར་འགྱུར་རོ། །གལ་ཏེ་ཐོག་མ་གཅིག་མ་མཆིས་ན་གཉིས་སུ་ག་ལ་འགྱུར་ཏེ། དེ་ལྟར་ན་གཅིག་ནི་རྟག་པ་སྟེ་གཉིས་མ་ལགས་སོ། །གཅིག་མ་མཆིས་པར་མ་སོང་བས་གཉིས་ནས་བརྒྱ་སྟོང་གི་བར་དུ་འགྱུར་ཏེ། དེ་བས་ན་རྟག་གོ། །བཅོམ་
D119.052.0214a02.01ལྡན་འདས་དཔེར་ན་ཆོས་ཀློག་པའམ། འདོན་པ་ལྟ་བུ་ཨ་ག་མ་གཅིག་དང་། ཨ་ག་མ་གཉིས་དང་། ཨ་ག་མ་གསུམ་དང་། བཞིའི་བར་དུ་འདོན་པར་འགྱུར་རོ། །གལ་ཏེ་མི་རྟག་ན་ཀློག་པ་དང་། འདོན་པ་བཞི་ལ་ཐུག་གི་བར་དུ་མི་འགྱུར་ཏེ། ཀློག་པ་དང་འདོན་
D119.052.0214a03.01པ་འཕེལ་ཞིང་སྐྱེ་བས་ན་རྟག་པ་ཞེས་བགྱིའོ། །བཅོམ་ལྡན་འདས་བུམ་པ་དང་། གོས་དང་། ཤིང་རྟ་དང་། བུ་ལོན་ཆགས་པ་དང་། ས་ཆེན་པོའི་མཚན་ཉིད་རི་དང་། ཆུ་དང་། ནགས་ཚལ་དང་། རྩི་ཤིང་གི་ལོ་མ་དང་། སེམས་ཅན་གྱི་ནད་གསོ་བ་ལ་
D119.052.0214a04.01སོགས་པ་ཐམས་ཅད་རྟག་སྟེ་དེ་དང་འདྲའོ། །བཅོམ་ལྡན་འདས་མུ་སྟེགས་ཅན་ཐམས་ཅད་ནི་དེ་སྐད་ཅེས་མཆི་སྟེ། འདུ་བྱེད་ཐམས་ཅད་རྟག་ཅེས་མཆིའོ། །འདུ་བྱེད་ཐམས་ཅད་རྟག་ན་ཡང་དག་པའི་བདེན་པ་ལགས་པར་འགྱུར་རོ། །བཅོམ་ལྡན་འདས་མུ་
D119.052.0214a05.01སྟེགས་ཅན་ཁ་ཅིག་ཀྱང་འདི་སྐད་དུ་བདེ་བ་ཡང་ཡོད་ཅེས་མཆིའོ། །ཇི་ལྟར་ཤེས་ཞེ་ན། ཡིད་དུ་འོང་བའི་འབྲས་བུ་མྱོང་བར་འགྱུར་བའི་སླད་དུའོ། །བཅོམ་ལྡན་འདས་བདེ་བ་མྱོང་བ་ནི་ངེས་པར་མཆིས་སོ། །འདི་ལྟ་སྟེ། ཚངས་པའི་རྒྱལ་པོ་ཆེན་པོ་དང་། དབང་
D119.052.0214a06.01བསྒྱུར་ཆེན་པོ་དང་། བརྒྱ་བྱིན་ལྷའི་དབང་ཕྱུག་དང་། འཇུག་སེལ་དང་། ལྷ་དང་། མི་ལ་སོགས་པ་སྟེ། དེ་བས་ན་ངེས་པར་བདེ་བ་མཆིས་སོ། །བཅོམ་ལྡན་འདས་མུ་སྟེགས་ཅན་ཁ་ཅིག་ཀྱང་འདི་སྐད་དུ་བདེ་བ་མཆིས་ཞེས་སྨྲ་སྟེ། དེ་ཡང་སེམས་ཅན་དག་རེ་ཞིང་
D119.052.0214a07.01