完整藏文原文 · 德格版页 当前仅加载第 52 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
ངས་ཀྱང་བཤད་པར་དགོངས་པ་ལས་ཁྱོད་ཀྱིས་ཞུས་པ་ཤིན་ཏུ་ལེགས་སོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཡང་དག་པར་ན་ཅི་ཡང་འཐོབ་པ་མེད་དེ། ཅི་ཡང་འཐོབ་པ་མེད་པ་ནི་སོ་སོ་ཡང་དག་པར་ཤེས་པ་བཞི་ཞེས་བྱའོ། །རིགས་ཀྱི་བུ་དོན་ཅི་ཞིག་གི་ཕྱིར་ཅི་ཡང་འཐོབ་པ་
D119.052.0268a01.01མེད་པ་ལ་སོ་སོ་ཡང་དག་པར་ཤེས་ཞེས་བྱ་ཞེ་ན། གལ་ཏེ་ཐོབ་པ་ཡོད་ན་ཐོགས་པ་དང་བཅས་པ་ཞེས་བྱ་སྟེ། ཇི་ཙམ་དུ་ཐོགས་པ་དང་བཅས་པ་དེ་ནི་ཕྱིན་ཅི་ལོག་བཞི་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཕྱིན་ཅི་ལོག་བཞི་མེད་པའི་ཕྱིར་སོ་སོ་ཡང་དག་པར་ཤེས་པ་བཞི་འཐོབ་སྟེ།
D119.052.0268a02.01དེ་བས་ན་བྱང་ཆུབ་སེམས་དཔའ་ནི་ཅི་ཡང་འཐོབ་པ་མེད་པ་ཞེས་བྱའོ། །རིགས་ཀྱི་བུ་གཞན་ཡང་ཅི་ཡང་འཐོབ་པ་མེད་པ་ནི་ཤེས་རབ་ཅེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་དེ་འཐོབ་པས་ན་ཅི་ཡང་འཐོབ་པ་མེད་པ་ཞེས་བྱའོ། །འཐོབ་པ་དང་བཅས་པ་ནི་མ་རིག་པ་ཞེས་བྱ་སྟེ། བྱང་ཆུབ་སེམས་དཔའ་ནི་མ་རིག་
D119.052.0268a03.01པའི་མུན་པ་ཡོངས་སུ་བཅད་པས་ན་འཐོབ་པ་མེད་པ་ཞེས་བྱ་སྟེ། དེ་བས་ན་བྱང་ཆུབ་སེམས་དཔའ་ནི་འཐོབ་པ་མེད་པ་ཞེས་བྱའོ། །རིགས་ཀྱི་བུ་གཞན་ཡང་འཐོབ་པ་མེད་པ་ནི་མྱ་ངན་ལས་འདས་པ་ཆེན་པོ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནི་དེ་ལྟར་མྱ་ངན་ལས་འདས་པ་ཆེན་པོ་ལ་བདེ་བར་གནས་པས་
D119.052.0268a04.01ཆོས་རྣམས་ཀྱི་མཚན་ཉིད་མི་མཐོང་བས་བྱང་ཆུབ་སེམས་དཔའ་ནི་འཐོབ་པ་མེད་པ་ཞེས་བྱའོ། །ཇི་ཙམ་དུ་འཐོབ་པ་དང་བཅས་པ་དེ་ནི་སྲིད་པ་ཉི་ཤུ་རྩ་ལྔ་ཞེས་བྱའོ། །བྱང་ཆུབ་སེམས་དཔའ་ནི་སྲིད་པ་ཉི་ཤུ་རྩ་ལྔ་པོ་ཡོངས་སུ་བཅད་ནས་མྱ་ངན་ལས་འདས་པ་ཆེན་པོ་འཐོབ་པས་ན་བྱང་ཆུབ་སེམས་དཔའ་
D119.052.0268a05.01ནི་ཅི་ཡང་འཐོབ་པ་མེད་པ་ཞེས་བྱའོ། །རིགས་ཀྱི་བུ་གཞན་ཡང་འཐོབ་པ་མེད་པ་ནི་ཐེག་པ་ཆེན་པོ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ལ་མི་གནས་པས་ན་ཐེག་པ་ཆེན་པོ་ཐོབ་པར་འགྱུར་ཏེ། དེ་བས་ན་བྱང་ཆུབ་སེམས་དཔའ་ནི་ཅི་ཡང་འཐོབ་པ་མེད་
D119.052.0268a06.01པ་ཞེས་བྱའོ། །ཇི་ཙམ་དུ་ཐོབ་པ་ཡོད་ན་ནི་ཉན་ཐོས་དང་རང་སངས་རྒྱས་ཀྱི་བྱང་ཆུབ་ཅེས་བྱའོ། །བྱང་ཆུབ་སེམས་དཔའ་ནི་ཐེག་པ་ཆུང་ངུ་གཉིས་ཀྱི་བྱང་ཆུབ་ཡོངས་སུ་བཅད་དེ་སངས་རྒྱས་ཀྱི་བྱང་ཆུབ་ཐོབ་པས་ན། བྱང་ཆུབ་སེམས་དཔའ་ནི་འཐོབ་པ་མེད་པ་ཞེས་བྱའོ། །རིགས་ཀྱི་བུ་གཞན་ཡང་
D119.052.0268a07.01