完整藏文原文 · 德格版页 当前仅加载第 52 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅེས་གསུངས་པ་དེ་ཡང་དེ་བཞིན་གཤེགས་པས་དགོངས་ཏེ་གསུངས་པ་ཡིན་ནོ། །འོད་སྲུང་དེ་བཞིན་གཤེགས་པ་ནི་དེད་དཔོན་ཆེན་པོ་ཞེས་ཀྱང་བྱ་སྟེ། དེ་བཞིན་གཤེགས་པ་ནི་ཡང་དག་པར་ན་དེད་དཔོན་ཆེན་པོ་མ་ཡིན་གྱི། དེ་སྐད་ཅེས་གསུངས་པ་དེ་ཡང་
D119.052.0177a01.01དེ་བཞིན་གཤེགས་པས་དགོངས་ཏེ་གསུངས་པ་ཡིན་ནོ། །འོད་སྲུང་དེ་བཞིན་གཤེགས་པ་ནི་ཚོང་དཔོན་དང་འདྲ་བའོ་ཞེས་ཀྱང་བྱ་སྟེ། ཡང་དག་པར་ན་དེ་བཞིན་གཤེགས་པ་ནི་ཚོང་དཔོན་མ་ཡིན་གྱི། དེ་སྐད་ཅེས་གསུངས་པ་དེ་ཡང་དེ་བཞིན་གཤེགས་པས་དགོངས་ཏེ་གསུངས་
D119.052.0177a02.01པ་ཡིན་ནོ། །འོད་སྲུང་དེ་བཞིན་གཤེགས་པ་ནི་བདུད་བཅོམ་པ་ཞེས་ཀྱང་བྱ་སྟེ། ཡང་དག་པར་ན་དེ་བཞིན་གཤེགས་པ་ལ་ངན་སེམས་མེད་ཀྱི། དེ་དག་གདུལ་བའི་ཕྱིར་དེ་སྐད་ཅེས་གསུངས་པ་དེ་ཡང་དེ་བཞིན་གཤེགས་པས་དགོངས་ཏེ་གསུངས་པ་ཡིན་ནོ། །འོད་སྲུང་དེ་བཞིན་
D119.052.0177a03.01གཤེགས་པ་ནི་འབྲུམ་བུ་མ་རུངས་པ་གསོ་བའོ་ཞེས་བྱ་སྟེ། ཡང་དག་པར་ན་དེ་བཞིན་གཤེགས་པ་ནི་འབྲུམ་བུ་གསོ་བའི་མཁན་པོ་མ་ཡིན་གྱི། དེ་སྐད་ཅེས་གསུངས་པ་དེ་ཡང་དེ་བཞིན་གཤེགས་པས་དགོངས་ཏེ་གསུངས་པ་ཡིན་ནོ། །འོད་སྲུང་ངས་སྔར་གསུངས་པ་ལྟར། རིགས་
D119.052.0177a04.01ཀྱི་བུའམ་རིགས་ཀྱི་བུ་མོ་གང་ཞིག་ལུས་དང་། ངག་དང་ཡིད་ཀྱི་ལས་ཡོངས་སུ་དག་པར་སྦྱོང་བ་དེ་ཡང་ཐ་མ་འཆི་བའི་དུས་བྱེད་པ་ན་གཉེན་བཤེས་ཡོད་མོད་ཀྱི། དེའི་རོ་གལ་ཏེ་ན་མེར་སྲེག་གོ། །གལ་ཏེ་ན་ཆུའི་ནང་ངམ། དུར་ཁྲོད་དུ་འདོར་ཏེ། ཝ་དང་། ཁྱི་དང་། སྤྱང་ཀི་ལ་
D119.052.0177a05.01སོགས་པས་ཟོས་ཀྱང་། དེའི་རྣམ་པར་ཤེས་པ་ནི་མཐོ་རིས་སུ་སྐྱེའོ། །དེ་ལྟར་དེའི་སེམས་ནི་སོང་བ་དང་། འོང་བ་ཡང་མེད། ཕྱིན་པའི་གནས་ཀྱང་མེད་ཀྱི། སྔ་ཕྱིར་འདྲ་བའི་སྐད་ཅིག་མའི་རྒྱུན་ཡིན་གྱི། ཐ་དད་པ་ནི་མེད་དོ་ཞེས་དེ་སྐད་གསུངས་པ་དེ་ཡང་དེ་བཞིན་གཤེགས་པས་
D119.052.0177a06.01དགོངས་ཏེ་གསུངས་པ་ཡིན་ནོ། །འོད་སྲུང་ད་ལྟར་ང་ནའོ་ཞེས་བྱ་བ་དེ་ཡང་དེ་དང་འདྲ་སྟེ། དེ་བཞིན་གཤེགས་པས་དགོངས་ཏེ་གསུངས་པ་ཡིན་ཏེ། དེ་བས་ན་སྲོག་ལ་ལྟ་བས་ང་རྒྱབ་སྙུང་གིས་འཇམ་དཔལ་ཁྱོད་འཁོར་རྣམ་བཞི་ལ་ཆོས་སྟོན་ཅིག་ཅེས་བྱས་པ་ཡིན་ནོ། །འོད་སྲུང་
D119.052.0177a07.01