完整藏文原文 · 德格版页 当前仅加载第 52 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་མ་ནི་སྐྱེས་བུ་འབྲིང་དང་རབ་ཀྱི་ཆོས་མི་ཤེས་སོ། །སྐྱེས་བུ་འབྲིང་ཡང་རབ་ཀྱི་ཆོས་མི་ཤེས་སོ། །སྐྱེས་བུ་རབ་ནི་རབ་ཀྱི་ཆོས་ཤེས་ཀྱང་ཤེས་ལ། འབྲིང་དང་ཐ་མའི་ཆོས་ཀྱང་ཤེས་སོ། །ཉན་ཐོས་དང་རང་སངས་རྒྱས་ཀྱང་དེ་དང་འདྲ་སྟེ། བདག་གིས་
D119.052.0135b01.01ཤེས་པར་ཟད་ཀྱི། དེ་བཞིན་གཤེགས་པ་ནི་དེ་ལྟ་མ་ཡིན་ཏེ། བདག་གིས་ཡང་མཁྱེན་ལ་གཞན་གྱིས་ཡང་མཁྱེན་པས་དེའི་ཕྱིར་ན་དེ་བཞིན་གཤེགས་པ་ནི་ཐོགས་པ་མེད་པའི་ཡེ་ཤེས་ཞེས་བྱའོ། །འཇིག་རྟེན་གྱི་རྗེས་སུ་སྒྱུ་མ་དང་འདྲ་བ་བསྟན་པས་བུས་
D119.052.0135b02.01པ་ཤའི་མིག་ཅན་དག་ནི་ཡང་དག་པ་བདེན་པ་ཡིན་ནོ། །སྙམ་སེམས་ཏེ། དེས་དེ་བཞིན་གཤེགས་པའི་ཐོགས་པ་མེད་པའི་ཡེ་ཤེས་ཤེས་པར་འགྱུར་བའི་གནས་མེད་དོ། །མྱ་ངན་ཡོད་དམ་མྱ་ངན་མེད་པ་ནི་སངས་རྒྱས་ཉག་གཅིག་གིས་མཁྱེན་པས་དེའི་ཕྱིར་ན་བདག་ཡོད་
D119.052.0135b03.01པའི་ཆོས་ཀྱང་གཞན་ལ། བདག་མེད་པའི་ཆོས་ཀྱང་གཞན་ཏེ་བྱ་ངུར་པ་དང་ཀ་ལན་ད་ཀ་ལྟ་བུའོ། །གཞན་ཡང་རིགས་ཀྱི་བུ་སངས་རྒྱས་ཀྱི་ཆོས་ནི་བྱ་ངུར་པ་ཀ་ལན་ད་ཀ་དང་ལྷན་ཅིག་ཏུ་འགྲོ་བ་དང་མཚུངས་སོ། །བྱ་ངུར་པ་དང་ཀ་ལན་ད་ཀ་ནི་དབྱར་ཆུ་བྲུག་པ་ན་གནས་མཐོ་ཞིང་བཙན་པོར་ཕྲུ་གུ་གླགས་
D119.052.0135b04.01ནས་གསོ་བའི་ཕྱིར་གདོད་གང་ན་ཆུ་ཡོད་པར་འགྲོའོ། །དེ་བཞིན་གཤེགས་པ་འཇིག་རྟེན་དུ་གཤེགས་པ་ཡང་དེ་དང་འདྲ་སྟེ། ཚད་མེད་པའི་སེམས་ཅན་དམ་པའི་ཆོས་ཀྱིས་སྐྱོང་བ་ཇི་ལྟར་བྱ་ངུར་པ་དང་། ཀ་ལན་ད་ཀ་ལ་སོགས་པ་གནས་བཙན་ཞིང་མཐོན་པོར་
D119.052.0135b05.01ཕྲུ་གུ་འཇོག་པ་དང་འདྲ་བར་དེ་བཞིན་གཤེགས་པ་ཡང་དེ་དང་འདྲ་སྟེ། སེམས་ཅན་གྱི་མཛད་པ་ཀུན་མཛད་ནས་ཡོངས་སུ་མྱ་ངན་ལས་འདས་པར་གཤེགས་སོ། །རིགས་ཀྱི་བུ་དེ་ནི་སྡུག་བསྔལ་གྱི་ཆོས་ཀྱང་གཞན་ལ། བདེ་བའི་ཆོས་ཀྱང་གཞན་ཏེ། འདུ་
D119.052.0135b06.01བྱེད་ཐམས་ཅད་ནི་སྡུག་བསྔལ་བ། མྱ་ངན་ལས་འདས་པ་ནི་བདེ་བའོ། །དོན་དམ་པ་ནི་འདུ་བྱེད་ཐམས་ཅད་འཇིག་པའོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཇི་ལྟར་ན་སེམས་ཅན་མྱ་ངན་ལས་འདའ་
D119.052.0135b07.01