完整藏文原文 · 德格版页 当前仅加载第 52 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་གྲོལ་བ་ནི་དེ་བཞིན་གཤེགས་པའོ། །དེ་བཞིན་གཤེགས་པ་ནི་ཆོས་སོ། །གཞན་ཡང་རྣམ་པར་གྲོལ་བ་ནི་བག་མེད་པ་འདུལ་བའོ། །བག་མེད་པ་ནི་འདོད་པ་མང་བའོ། །རྣམ་པར་གྲོལ་བ་ལ་ནི་དེ་དག་མེད་དོ། །དེ་དག་མེད་པ་ནི་ཡང་
D119.052.0081a01.01དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་མ་རིག་པ་སེལ་བའོ། །དཔེར་ན་ཚིགས་མ་དང་བྲལ་བ་ནི་སྨན་དམ་པ་སྟེ་མར་གྱི་སྙིང་པོའོ། །རྣམ་པར་གྲོལ་བ་ཡང་དེ་དང་འདྲ་སྟེ། མ་
D119.052.0081a02.01རིག་པའི་ཚིགས་མ་བསལ་ཏེ་ཡང་དག་པའི་རིག་པ་དང་ལྡན་ནོ། །ཡང་དག་པའི་རིག་པ་དང་ལྡན་པ་ནི་ཡང་དག་པར་རྣམ་པར་གྲོལ་བ་སྟེ། ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་རབ་ཏུ་ཞི་བ་གཅིག་པུ་སྟེ་མི་གཉིས་
D119.052.0081a03.01པ་འབྲོག་དགོན་པའི་བལ་གླང་རྒོད་ལྟར་གཅིག་པུ་གྲོགས་མེད་པའོ། །རྣམ་པར་གྲོལ་བ་ཡང་དེ་དང་འདྲ་སྟེ། གཅིག་པུ་གཉིས་སུ་མེད་པའོ། །གཅིག་པུ་གཉིས་སུ་མེད་པ་ནི་ཡང་དག་པར་རྣམ་པར་གྲོལ་བ་སྟེ་ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །
D119.052.0081a04.01གཞན་ཡང་རྣམ་པར་གྲོལ་བ་ནི་སྲ་བ་སྙིང་པོ་ཅན་ནོ། །སྨྱིག་མ་དང་འདམ་བུ་དང་གསོ་མ་ནི་ཐམས་ཅད་ཁོང་སྟོང་མོད་ཀྱི། འབྲས་བུ་ནི་སྲ་བའོ། །སངས་རྒྱས་བཅོམ་ལྡན་འདས་མ་གཏོགས་པར་འཇིག་རྟེན་དུ་བཅས་པ་ལྷ་དང་མི་ཐམས་ཅད་ནི་མི་སྲ་མི་བརྟན་པའོ། །ཡང་དག་
D119.052.0081a05.01པར་རྣམ་པར་གྲོལ་བ་ནི་སྲིད་པའི་རྒྱུན་ཐམས་ཅད་ལས་རིང་དུ་གྱུར་པའོ། །དེ་ལྟར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་མངོན་པར་རིག་པ་དག་བསྐྱེད་པའོ། །ཡང་དག་པར་རྣམ་པར་གྲོལ་བ་ཡང་དེ་དང་འདྲ་སྟེ། དེ་ལྟར་རྣམ་པར་གྲོལ་བ་དེ་
D119.052.0081a06.01ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་སྲིད་པ་ཐམས་ཅད་སྤངས་པའོ། །དཔེར་ན་མི་ཞིག་འགྲངས་པར་ཟོས་ན་སྐྱུགས་པ་ལྟ་བུ་སྟེ། རྣམ་པར་གྲོལ་བ་ཡང་དེ་དང་འདྲ་བར་སྲིད་པ་ཐམས་ཅད་སྤངས་པའོ། །སྲིད་པ་ཐམས་ཅད་སྤངས་པ་ནི་ཡང་དག་པར་རྣམ་
D119.052.0081a07.01