完整藏文原文 · 德格版页 当前仅加载第 52 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་ནི་ཆོས་དང་། དགེ་འདུན་དང་ཐ་དད་དོ་ཞེས་སྨྲ་ན་དེ་ནི་སྐྱབས་སུ་འགྲོ་བའི་གནས་གསུམ་པོར་མི་འགྱུར་རོ། །དཔེར་ན་ཁྱོད་ཀྱི་ཕ་མ་ནི་སོ་སོ་ཐ་དད་པའི་ཕྱིར་མི་རྟག་ཅེས་བྱར་རུང་ངོ་། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་
D119.052.0048b01.01གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་གདོད་སངས་རྒྱས་དང་། ཆོས་དང་། དགེ་འདུན་རྟག་པ་དང་། རབས་བདུན་གྱི་ཕ་མའི་བར་དུ་དྲན་པར་འགྱུར་བ་ནི་ངོ་མཚར་ཆེའོ། །བཅོམ་ལྡན་འདས་བདག་གིས་དེ་བཞིན་གཤེགས་པ་དང་། ཆོས་
D119.052.0048b02.01དང་། དགེ་འདུན་བསམ་གྱིས་མི་ཁྱབ་པ་ལ་གོམས་པར་བགྱིད་དེ། བདག་དེ་ལ་གོམས་ནས་གཞན་དག་ལ་ཡང་དོན་དེ་རྒྱ་ཆེར་བསྟན་པར་བགྱིའོ། །གང་ཞིག་འདི་ལ་ཡིད་མི་ཆེས་པ་དེ་ནི་ཡུན་རིང་པོ་ནས་མི་རྟག་པ་སྒོམ་པ་སྟེ། བདག་གིས་དེ་ལ་ནི་བ་མོ་འམ། སེར་
D119.052.0048b03.01བ་ལྟ་བུར་བགྱིའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་ལེགས་སོ། །ལེགས་སོ་ཞེས་བཀའ་སྩལ་ནས་ཁྱོད་ནི་དམ་པའི་ཆོས་ཤིན་ཏུ་སྲུང་ཞིང་ཡོངས་སུ་འཛིན་པ་སྟེ། དེ་ལྟར་ཆོས་སྲུང་ཞིང་སེམས་ཅན་ལ་མི་སླུ་བའི་དགེ་བའི་རྩ་བ་ལས་དེ་
D119.052.0048b04.01ཉིད་ཀྱི་རྐྱེན་གྱིས་ཚེ་རིང་བ་དང་། སྔོན་གྱི་གནས་ཤེས་པར་འགྱུར་རོ། །འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས་སྐུ་ཚེའི་ལེའུ་ཞེས་བྱ་སྟེ་གཅིག་གོ།། །།དེ་ནས་བཅོམ་ལྡན་འདས་ཀྱིས་འོད་སྲུང་ལ་འདི་སྐད་ཅེས་བཀའ་སྩལ་
D119.052.0048b05.01ཏོ། །རིགས་ཀྱི་བུ་དེ་བཞིན་གཤེགས་པའི་སྐུ་ཞེས་བྱ་བ་ནི་རྟག་ཏུ་གནས་པའི་སྐུ། མི་འཇིག་པའི་སྐུ། རྡོ་རྗེའི་སྐུ། ཟས་རྣམས་ཀྱི་སྐུ་མ་ཡིན་གྱི་ཆོས་ཀྱི་སྐུའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་
D119.052.0048b06.01ལྡན་འདས་ཀྱིས་གསུངས་པ་ལྟར་སྐུ་དེ་དག་ནི་བདག་གིས་མ་མཐོང་གི །མི་རྟག་པ་དང་། འཇིག་པ་དང་། རྡུལ་དང་། ཟས་རྣམས་ཀྱི་སྐུར་མཐོང་ངོ་། །དེ་ཅིའི་སླད་དུ་ཞེ་ན། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པར་གཤེགས་པའི་སླད་དུའོ། །བཅོམ་ལྡན་
D119.052.0048b07.01