完整藏文原文 · 德格版页 当前仅加载第 52 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། སྡུག་བསྔལ་ཐམས་ཅད་འགགས་པ། བདེ་བ་ཐམས་ཅད་ཐོབ་པ་འདོད་ཆགས་དང་། ཞེ་སྡང་དང་གཏི་མུག་ཐམས་ཅད་ཡོངས་སུ་བཅད་དེ། ཀུན་ནས་ཉོན་མོངས་པའི་རྩ་བ་ཐམས་ཅད་འབྱིན་པའོ། །ཉོན་མོངས་པའི་རྩ་བ་འབྱིན་པ་ནི་ཡང་དག་པར་རྣམ་པར་གྲོལ་བ་སྟེ། ཡང་དག་པར་
D119.052.0082b01.01རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་འདུས་བྱས་པའི་ཆོས་ཐམས་ཅད་ཡོངས་སུ་བཅད་ནས་ཟག་པ་མེད་པའི་ཆོས་ཐམས་ཅད་བསྐྱེད་པ་རྒྱུད་ཐམས་ཅད་བཅད་པ་འདི་ལྟ་སྟེ། བདག་དང་བདག་མེད་པ་དང་། བདག་མ་ཡིན་པ་དང་། བདག་མེད་
D119.052.0082b02.01པ་མ་ཡིན་པ་དང་། ཆགས་ཤིང་འཛིན་པ་འབའ་ཞིག་གཅོད་ཀྱི། བདག་ཏུ་ལྟ་བ་གཅད་པ་མ་ཡིན་ནོ། །བདག་ཏུ་ལྟ་བ་ནི་སངས་རྒྱས་ཀྱི་རང་བཞིན་ནོ། །སངས་རྒྱས་ཀྱི་རང་བཞིན་ནི་ཡང་དག་པར་རྣམ་པར་གྲོལ་བ་སྟེ། ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །
D119.052.0082b03.01གཞན་ཡང་རྣམ་པར་གྲོལ་བ་ནི་མི་སྟོང་པའི་སྟོང་པའོ། །སྟོང་པའི་སྟོང་པ་ཞེས་བྱ་བ་ནི་ཅི་ཡང་མེད་པའོ། །ཅི་ཡང་མེད་པ་ནི་མུ་སྟེགས་ཅན་གཅེར་བུ་པ་ལ་སོགས་པའི་རྣམ་པར་གྲོལ་བ་ལྟ་བུའོ། །གཅེར་བུ་པ་ལ་ནི་ཡང་དག་པར་རྣམ་པར་གྲོལ་བ་མེད་པས་སྟོང་པའི་སྟོང་པ་ཞེས་
D119.052.0082b04.01བྱའོ། །ཡང་དག་པར་རྣམ་པར་གྲོལ་བ་ནི་དེ་ལྟ་བུ་མ་ཡིན་པས་མི་སྟོང་པའི་སྟོང་པའོ། །མི་སྟོང་པའི་སྟོང་པ་ནི་ཡང་དག་པར་རྣམ་པར་གྲོལ་བའོ། །ཡང་དག་པར་རྣམ་པར་གྲོལ་བ་ནི་དེ་བཞིན་གཤེགས་པའོ། །གཞན་ཡང་རྣམ་པར་གྲོལ་བ་ནི་མི་སྟོང་པའོ། །དཔེར་ན་ཆུ་དང་
D119.052.0082b05.01མར་དང་། ཞོ་དང་ཆང་དང་སྦྲང་རྩིའི་སྣོད་རྫེའུ་ལྟ་བུ། ཆུ་དང་མར་དང་ཞོ་དང་ཆང་དང་། སྦྲང་རྩི་མེད་ཀྱང་། དེ་ལ་ཆུ་ལ་སོགས་པའི་རྫེའུ་ཞེས་འདོགས་ཏེ། རྫེའུ་དེ་ལ་ནི་སྟོང་ཞེའམ། མི་སྟོང་ཞེས་གདགས་སུ་མེད་དོ། །དེ་ལ་སྟོང་ཞེས་བྱར་ནི་གཟུགས་དང་། དྲི་དང་བྲོ་བ་རེག་བྱ་ཞེས་གདགས་
D119.052.0082b06.01སུ་མི་རུང་ངོ་། །མི་སྟོང་པ་ཞེས་བྱར་ནི་ཆུ་ལ་སོགས་པ་གང་ཡང་མེད་དོ། །རྣམ་པར་གྲོལ་བ་ཡང་དེ་དང་འདྲ་སྟེ། གཟུགས་ཞེའམ། གཟུགས་མ་ཡིན་ཞེའམ། སྟོང་ཞེའམ། མི་སྟོང་ཞེས་གདགས་སུ་མེད་དོ། །གལ་ཏེ་སྟོང་ཞེས་བྱར་ནི་རྟག་པ་དང་། བདེ་བ་དང་། བདག་དང་། དག་པ་
D119.052.0082b07.01