完整藏文原文 · 德格版页 当前仅加载第 52 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བདག་ཅེས་བགྱི་བ་མཆིས་པ་ནི་རོ་བྲོ་བའི་བྱེ་བྲག་ཕྱེད་པ་སྟེ། དཔེར་ན་མི་ཞིག་ཤིང་ཐོག་ཟོས་ན་མཐོང་མ་ཐག་ཏུ་རོ་ཅི་བྲོ་བ་འཚལ་ཏེ། དེ་བས་ན་བདག་ཅེས་བགྱི་བ་མཆིས་སོ། །གཞན་ཡང་བདག་ཅེས་བགྱི་བ་མཆིས་པར་ལས་བགྱིད་པའི་སྒོ་ནས་རིག་སྟེ། སྐམ་
D119.052.0215b01.01པ་ཐོགས་ན་འཛིན་པའི་ལས་བྱེད། སྟ་རེ་ཐོགས་ན་གཅོད་པའི་ལས་བྱེད། བུམ་པ་ཐོགས་ན་ཆུ་ལྡུགས་པའི་ལས་བྱེད། ཤིང་རྟ་དང་འགྲོགས་ན་འཁོར་ལོས་སྒྱུར་བའི་ལས་བགྱིད་དེ། ལས་དེ་དག་ལ་སོགས་པ་ཡང་བདག་ཅེས་བགྱི་བ་དེས་བཟུང་བས་ན་བྱེད་པར་འགྱུར་
D119.052.0215b02.01ཏེ། དེ་བས་ན་ངེས་པར་བདག་ཅེས་བགྱི་བ་མཆིས་སོ། །གཞན་ཡང་བདག་ཅེས་བགྱི་བར་མཆིས་པར་ཅི་མངོན་ཞེ་ན། དཔེར་ན་བུ་བྱུང་མ་ཐག་ཏུ་ནུ་ཞོ་འཐུང་འཚལ་བ་ནི་སྔོན་གྱི་བག་ཆགས་ལས་གྱུར་ཏེ། དེ་བས་ན་ངེས་པར་བདག་ཅེས་བགྱི་བ་མཆིས་སོ། །གཞན་
D119.052.0215b03.01ཡང་བདག་ཅེས་བགྱི་བ་མཆིས་ཏེ། ཅི་མངོན་ཞེ་ན། འདུས་ཤིང་ཚོགས་པ་ལས་སེམས་ཅན་ཕ་རོལ་ལ་ཕན་པར་འགྱུར་བའི་ཕྱིར་ཏེ། དཔེར་ན་བུམ་པ་དང་། གོས་དང་། ཤིང་རྟ་དང་། ཞིང་དང་། ཁྱིམ་དང་། རི་དང་། ནགས་ཚལ་དང་། ཤིང་དང་། བལ་གླང་
D119.052.0215b04.01དང་། རྟ་དང་། བ་ལང་དང་། ལུག་ལ་སོགས་ཏེ། དངོས་པོ་དེ་དག་འདུས་པ་ལས་ཕན་པའི་དོན་དུ་འགྱུར་ཏེ། ནང་གི་ཕུང་པོ་ལྔ་ཡང་དེ་དང་འདྲ་བར་མིག་གི་དབང་པོ་ལ་སོགས་པ་འདུས་ཤིང་ཚོགས་ན་བདག་ཅེས་བྱ་བ་ལ་ཕན་པར་འགྱུར་ཏེ། དེ་བས་ན་བདག་ཅེས་བགྱི་བ་ངེས་
D119.052.0215b05.01པར་མཆིས་སོ། །གཞན་ཡང་བདག་ཅེས་བགྱི་བ་མཆིས་པར་ཅི་མངོན་ཞེ་ན། བར་དུ་གཅོད་ཅིང་སྒྲིབ་ནུས་པའི་ཕྱིར་རོ། །དཔེར་ན་དངོས་པོ་མཆིས་ན་བར་དུ་བཅད་ཅིང་། བསྒྲིབ་ཏུ་རུང་གི །དངོས་པོ་མ་མཆིས་ན་བསྒྲིབ་ཏུ་མ་མཆིས་ཏེ། བསྒྲིབ་ཅིང་བར་དུ་གཅད་དུ་
D119.052.0215b06.01མཆིས་པས་ན་བདག་ཅེས་བགྱི་བ་མཆིས་པར་འཚལ་ཏོ། །དེ་བས་ན་བདག་ཅེས་བགྱི་བ་ངེས་པར་མཆིས་སོ། །གཞན་ཡང་བདག་ཅེས་བགྱི་བ་མཆིས་པར་ཅི་མངོན་ཞེ་ན། གྲོགས་དང་གྲོགས་མ་ཡིན་པའི་ཕྱིར་ཏེ། གཉེན་དང་གཉེན་མ་ཡིན་པ་ཡང་གྲོགས་སུ་འགྱུར་བ་མ་
D119.052.0215b07.01