完整藏文原文 · 德格版页 当前仅加载第 52 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མི་ཚངས་པར་སྤྱད་དམ། དགེ་སློང་མ་ལ་མི་ཚངས་པར་སྤྱད་དམ། དགེ་འདུན་གྱི་ནོར་བརྐུས་སམ། བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་བསད་དམ་ཕ་བསད་ན་གང་ཟག་དེ་ནི་གདོན་མི་ཟ་བར་མཚམས་མེད་པའི་སེམས་ཅན་དམྱལ་བར་ལྟུང་ངོ་
D119.052.0299a01.01ཞེས་ཐོས་ན། བདག་ད་ལུས་དང་སེམས་མི་ན་བའི་གཏོལ་ག་ལ་ཡོད། བློན་པོ་ཆེན་པོ་དེས་སྨྲས་པ། རྒྱལ་པོ་ཆེན་པོ་རེ་ཞིག་མྱ་ངན་མ་བྱེད་ཅིག །རྒྱལ་པོ་ཡབ་རྣམ་པར་གྲོལ་བའི་ལམ་ལ་ནན་ཏན་བྱེད་པ་ཞིག་ཡིན་པ་ལས་བསད་ན་སྡིག་པར་འགྱུར་རོ། །གལ་ཏེ་རྒྱལ་
D119.052.0299a02.01པོའི་སྲིད་ཀྱི་ཕྱིར་བསད་ན་སྡིག་པར་མི་འགྱུར་རོ། །རྒྱལ་པོ་ཆེན་པོ་ཆོས་མ་ཡིན་པ་ནི་ཆོས་མ་ཡིན་པ་ཞེས་བྱའོ། །ཆོས་མེད་པ་ལ་ཡང་ཆོས་མེད་པ་ཞེས་བྱ་སྟེ། དཔེར་ན་བུ་མེད་པ་ལ་བུ་མེད་དོ་ཞེས་བྱ་བ་དང་འདྲ་བར། བུ་ངན་པ་ཡོད་པ་ལ་བུ་མེད་པ་ཞེས་བྱ་སྟེ། དེ་ལྟར་བུ་མེད་
D119.052.0299a03.01པའོ་ཞེས་བྱ་མོད་ཀྱི་ཡང་དག་པར་ན་བུ་མེད་པ་མ་ཡིན་ནོ། །དཔེར་ན་ཟས་ཀྱི་ནང་ན་ལན་ཚྭ་མེད་ན་ལན་ཚྭ་མེད་དོ་ཞེས་བྱ་བ་དང་འདྲ་བར། ལན་ཚྭ་མི་བྲོ་ན་ཡང་ལན་ཚྭ་མེད་དོ་ཞེས་བྱ་བ་དང་། དཔེར་ན་ཆུ་མེད་པ་ལ་ཆུ་མེད་དོ་ཞེས་བྱ་བ་དང་འདྲ་བར། ཆུ་ཅུང་ཟད་ཡོད་པ་ལ་ཡང་ཆུ་མེད་དོ་
D119.052.0299a04.01ཞེས་བྱ་བ་དང་། དཔེར་ན་སྐད་ཅིག་སྐད་ཅིག་ཙམ་གྱིས་འགག་པ་ལ་ཡང་མི་རྟག་ཅེས་བྱ་བ་དང་། གལ་ཏེ་བསྐལ་པའི་བར་དུ་གནས་ན་ཡང་མི་རྟག་གོ་ཞེས་བྱ་བ་དང་། དཔེར་ན་མི་ཞིག་སྡུག་བསྔལ་མྱོང་ན་བདེ་བ་མེད་དོ་ཞེས་བྱ་བ་དང་འདྲ་བར་དགའ་བ་ཅུང་ཟད་ཙམ་མྱོང་བ་ཡང་དེ་ལ་
D119.052.0299a05.01བདེ་བ་མེད་པ་ཞེས་བྱ་བ་དང་། དཔེར་ན་དབང་དུ་མ་གྱུར་པ་ལ་ནི་ང་རྒྱལ་མེད་དོ་ཞེས་བྱ་བ་དང་འདྲ་བར་དབང་ཅུང་ཟད་ཙམ་ཡོད་ཀྱང་ང་རྒྱལ་མེད་པའོ་ཞེས་བྱ་བ་དང་། དཔེར་ན་ནམ་སྲོས་ན་ཉི་མ་མེད་དོ་ཞེས་བྱ་བ་དང་འདྲ་བར། ཉི་མ་སྤྲིན་གྱིས་ཆོད་ན་ཡང་ཉི་མ་མེད་དོ་ཞེས་བྱ་སྟེ། རྒྱལ་
D119.052.0299a06.01པོ་ཆེན་པོ་ཆོས་ཅུང་ཟད་ཙམ་ཡོད་པ་ལ་ཡང་ཆོས་མེད་པ་ཞེས་བྱ་སྟེ། ཡང་དག་པར་ན་ཆོས་མེད་པ་མ་ཡིན་ནོ། །རྒྱལ་པོ་ཆེན་པོ་བདག་གིས་གསོལ་པའི་ཚིག་འདི་ཉོན་ཅིག །སེམས་ཅན་ཐམས་ཅད་ལ་ལས་ལྷག་མ་ཞེས་བྱ་བ་ཡོད་དེ། ལས་ཀྱི་དབང་གིས་ཡང་དང་ཡང་དུ་འཁོར་
D119.052.0299a07.01