完整藏文原文 · 德格版页 当前仅加载第 52 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་སྐྱེ་ལ། སེམས་ཅན་གྱི་ཉོན་མོངས་པའི་ནད་རྣམ་པ་སྣ་ཚོགས་ཀྱི་སྨན་དུ་ཡང་འགྱུར་རོ། །ངས་དེང་འདིར་སེམས་ཅན་ཐམས་ཅད་དང་ངའི་སྲས་སུ་གྱུར་པ་འཁོར་རྣམ་པ་བཞི་ཡང་དགོངས་ཏེ་གསུངས་པའི་སྙིང་པོ་ལ་བདེ་བར་དགོད་ཅིང་ང་དེ་ལ་བདེ་བར་གནས་ནས་ཡོངས་
D119.052.0031b01.01སུ་མྱ་ངན་ལས་འདའོ། །དེ་ལ་དགོངས་ཏེ་གསུངས་པའི་སྙིང་པོ་ཞེས་བྱ་བ་གང་ཞེ་ན། དཔེར་ན་ཡི་གེ་ཨི་ལྟ་བུ་ཐིག་ལེ་གསུམ་ཐད་ཀར་བཞག་གམ། དངར་ན་ཨིར་མི་འགྱུར་གྱི། དབང་སྒྱུར་ཆེན་པོའི་མིག་ལྟ་བུར་ཕོ་གསུམ་དུ་བཞག་ན་ཨིར་འགྱུར་ཏེ། ཐིག་ལེ་
D119.052.0031b02.01གསུམ་སོ་སོར་ཕྲལ་བ་ལས་ཀྱང་མ་ཡིན་ནོ། །ང་ཡང་དེ་དང་འདྲ་སྟེ། རྣམ་པར་གྲོལ་བའི་ཆོས་ཀྱང་མྱ་ངན་ལས་འདའ་བ་མ་ཡིན། དེ་བཞིན་གཤེགས་པའི་སྐུ་ཡང་མྱ་ངན་ལས་འདའ་བ་མ་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་ཡང་མྱ་ངན་ལས་འདའ་བ་མ་ཡིན་
D119.052.0031b03.01ཆོས་གསུམ་པོ་སོ་སོར་ཕྲལ་བ་ལས་ཀྱང་མྱ་ངན་ལས་འདའ་བ་ཡང་མ་ཡིན་ཏེ། ང་ནི་ཆོས་གསུམ་པོ་འདི་ལ་གནས་ནས་སེམས་ཅན་གྱི་ཕྱིར་མྱ་ངན་ལས་འདའ་བ་ཞེས་བྱ་སྟེ། ཇི་ལྟར་འཇིག་རྟེན་ན་ཡི་གེ་ཨི་ཞེས་གྲགས་པ་བཞིན་ནོ། །དེའི་ཚེ་ན་དགེ་སློང་རྣམས་སངས་
D119.052.0031b04.01རྒྱས་བཅོམ་ལྡན་འདས་ངེས་པར་ཡོངས་སུ་མྱ་ངན་ལས་འདའོ་ཞེས་གསུངས་པ་ཐོས་ནས་ཤིན་ཏུ་མི་དགའ་སྟེ། ལུས་ཀྱི་བ་སྤུ་ཐམས་ཅད་ལངས་ནས་མིག་མཆི་མས་གང་བཞིན་དུ་སངས་རྒྱས་ཀྱི་ཞབས་ལ་སྤྱི་བོས་ཕྱག་འཚལ་ནས་ལན་གྲངས་མེད་པར་བསྐོར་ཏེ་བཅོམ་
D119.052.0031b05.01ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མི་རྟག་པ་དང་། སྡུག་བསྔལ་བ་དང་། སྟོང་པ་ཉིད་དང་། བདག་མེད་པ་ལེགས་པར་གསུངས་སོ། །བཅོམ་ལྡན་འདས་དཔེར་ན་འགྲོ་བ་ཐམས་ཅད་ཀྱི་རྗེས་ཀྱི་ནང་ན། བལ་གླང་གི་རྗེས་མཆོག་གོ། །
D119.052.0031b06.01མི་རྟག་པའི་འདུ་ཤེས་ཀྱང་དེ་དང་འདྲ་སྟེ། འདུ་ཤེས་ཐམས་ཅད་ཀྱི་ནང་ན་མཆོག་གོ། །གང་ཞིག་དེ་ལ་བརྩོན་འགྲུས་སུ་ནན་ཏན་བགྱིད་ན་འདོད་པའི་ཁམས་ཀྱི་འདོད་པ་ཐམས་ཅད་དང་། གཟུགས་དང་། གཟུགས་མེད་པའི་འདོད་པ་དང་། མ་རིག་པ་དང་།
D119.052.0031b07.01