完整藏文原文 · 德格版页 当前仅加载第 52 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་སེམས་ཅན་གང་ཞིག་ཐེག་པ་ཆེན་པོའི་མདོ་ཡོངས་སུ་མྱ་ངན་ལས་འདས་པ་འདི་བསླབ་པར་སེམས་བསྐྱེད་དེ། གླེགས་བམ་དུ་འདྲིའམ། འཆང་ངམ། འཛིན་ཏམ། ཀློག་གམ། འདོན་པ་ཡང་དེ་དང་འདྲ་སྟེ། ཕུན་སུམ་ཚོགས་པ་མ་ཡིན་པ་
D119.052.0093b01.01ཡང་ས་བཅུར་ཕྱིན་པ་སྟེ། ས་བཅུ་པའི་གྲངས་སུ་བགྲང་ངོ་། །གལ་ཏེ་སེམས་ཅན་གང་སངས་རྒྱས་ཀྱི་ཉེ་གནས་སུ་གྱུར་ཀྱང་རུང་། མ་གྱུར་ཀྱང་རུང་སྟེ། འདོད་ཆགས་ཀྱིས་སྐྲག་གམ། ཁེ་དང་རྙེད་པའི་ཕྱིར་མདོ་སྡེ་འདིའི་ཚིགས་སུ་བཅད་པ་གཅིག་ཙམ་མཉན་
D119.052.0093b02.01ཏེ་ཐོས་ནས་མི་སྐུར་ན། གང་ཟག་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཉེ་བར་བསྙེན་པ་ཡིན་པར་རིག་པར་བྱའོ། །རིགས་ཀྱི་བུ་རྒྱུ་དང་རྐྱེན་དེ་ལྟ་བས་ན། སྐྱེས་བུ་ཆེན་པོ་བཞི་སངས་རྒྱས་ཀྱིས་གསུངས་པ་བཞིན་དུ་སངས་རྒྱས་ཀྱིས་གསུངས་པ་མ་ཡིན་
D119.052.0093b03.01ཞེས་ཟེར་ན། དེ་ནི་གནས་མ་ཡིན་ནོ། །དེ་བས་ན་སྐྱེས་བུ་ཆེན་པོ་བཞི་ནི་འཇིག་རྟེན་གྱི་རྟེན་དང་གནས་ལྟ་བུར་ངས་གསུངས་སོ། །རིགས་ཀྱི་བུ་དེ་བས་ན་ཁྱོད་ཀྱིས་སྐྱེས་བུ་བཞི་པོ་ལ་མཆོད་པ་བྱའོ། །བཅོམ་ལྡན་འདས་བདག་ཅག་གིས་སྐྱེས་བུ་ཆེན་པོ་བཞི་པོ་
D119.052.0093b04.01དེ་ཇི་ལྟ་བུར་འཚལ་ཅིང་མཆོད་པར་བགྱི། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། གང་ན་དམ་པའི་ཆོས་སྲུང་ཞིང་རྣམ་པར་གཞག་པའི་གང་ཟག་དེ་ལ་ནི་གསོལ་བ་གདབ་ཅིང་ལུས་དང་སྲོག་ཀྱང་བཏང་སྟེ་མཆོད་པ་བྱའོ། །ཞེས་ངས་ཐེག་པ་ཆེན་པོའི་
D119.052.0093b05.01མདོ་སྡེ་གཞན་ལས་ཀྱང་འདི་སྐད་དུ་གསུངས་སོ། །དམ་པའི་ཆོས་དག་ཤེས་ན། །རྒན་ནམ་གཞོན་ཡང་རུང་སྟེ། །ཕ་མའམ་བྲམ་ཟེ་ལྟ་བུར། །མཆོད་ཅིང་བསྟི་སྟང་ཕྱག་བྱ། །དམ་པའི་ཆོས་དག་ཤེས་ན། །རྒན་ནམ་གཞོན་ཡང་རུང་སྟེ། །ལྷ་དག་དབང་ཕྱུག་མཆོད་ལྟར། །
D119.052.0093b06.01མཆོད་ཅིང་བསྟི་སྟང་ཕྱག་བྱ། །དེ་ནས་ཡང་བཅོམ་ལྡན་འདས་ལ། བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པ་བཞིན་ཏེ། བླ་མ་དང་སློབ་དཔོན་ལ་མཆོད་པ་བགྱི་བ་ནི་དེ་ལགས་ན་ཡང་རྒྱས་པར་བཤད་དུ་
D119.052.0093b07.01