完整藏文原文 · 德格版页 当前仅加载第 52 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷགས་ནས་བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། ལྷ་རྣམས་ཀྱི་འོད་ཀྱིས་ཉི་ཟླའི་འོད་ཀྱང་ཟིལ་གྱིས་ནོན་ཏོ། །མཆོད་པའི་ཡོ་བྱད་དེ་དག་གིས་དེ་བཞིན་གཤེགས་པ་ལ་མཆོད་པ་བྱ་བར་བཤམས་ནས་དེ་བཞིན་གཤེགས་པ་དུས་མཁྱེན་པས་ཅང་
D119.052.0013a01.01མི་གསུང་བར་བཞེས་སུ་མ་གནང་ངོ་། །དེའི་ཚེ་ལྷ་རྣམས་ཀྱང་བསམས་པ་བཞིན་དུ་མ་གྱུར་པས་མྱ་ངན་གྱིས་ཡིད་གདུངས་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་བརྒྱ་བྱིན་ལྷའི་དབང་ཕྱུག་དང་། སུམ་ཅུ་རྩ་གསུམ་གནམ་གྱི་ལྷ་རྣམས་ཀྱིས་སྔ་མ་བས་ཤིན་ཏུ་ལྷག་པའི་མཆོད་
D119.052.0013a02.01པའི་ཡོ་བྱད་བཤམས་ནས་མེ་ཏོག་ཐོགས་པ་ཡང་སྔ་མ་དང་འདྲ་སྟེ། དྲི་བསུང་གིས་ཤིན་ཏུ་ངད་པ་ནི་ཡིད་དུ་འོང་བ་སྟེ། གཞལ་མེད་ཁང་རྒྱལ་བར་འགྱུར་བ་ཞེས་བྱ་བ་དང་། གཞལ་མེད་ཁང་ཆུང་ངུའི་རྣམས་བཤམས་ཏེ། སངས་རྒྱས་གང་ན་བར་ལྷགས་ནས་བཅོམ་ལྡན་
D119.052.0013a03.01འདས་ཀྱི་ཞབས་ལ་སྤྱི་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ནི་ཐེག་པ་ཆེན་པོ་ལ་ཤིན་ཏུ་དད་ཅིང་མོས་ན་དེ་བཞིན་གཤེགས་པས་བདག་ཅག་ལ་ཐུགས་བརྩེ་བའི་སླད་དུ་མཆོད་པ་འདི་དག་བཞེས་ཤིག་ཅེས་གསོལ་
D119.052.0013a04.01ཏོ། །བཅོམ་ལྡན་འདས་དུས་མཁྱེན་པས་ཅང་མི་གསུང་བར་བཞེས་སུ་མ་གནང་ངོ་།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་པོ་གཉིས་པ། དེ་ནས་བརྒྱ་བྱིན་དང་ལྷའི་འཁོར་རྣམས་བསམས་པ་བཞིན་དུ་མ་གྱུར་ནས་མྱ་ངན་གྱིས་
D119.052.0013a05.01ཡིད་གདུངས་ཏེ་ཕྱོགས་གཅིག་ཏུ་འཁོད་དོ། །འདོད་པའི་ཁམས་ཀྱི་གནམ་རིམ་པ་དྲུག་གི་བར་དུ་མཆོད་པའི་ཡོ་བྱད་བཤམས་པ་ནི་རིན་པོ་ཆེའི་རྒྱལ་མཚན་དང་། བ་དན་དང་། གདུགས་གཅིག་པས་ཀྱང་གཅིག་བཟང་བའོ། །རིན་པོ་ཆེའི་གདུགས་ནང་གི་ཆུང་ངུ་ཡང་གླིང་བཞི་
D119.052.0013a06.01ཁེབས་སོ། །བ་དན་ནང་གི་ཐུང་ངུ་ཡང་རྒྱ་མཚོ་བཞི་འཁོར་རོ། །རྒྱལ་མཚན་ནང་གི་དམའ་བ་ཡང་གཞན་འཕྲུལ་དབང་བྱེད་གནམ་ལ་རེག་སྟེ། རླུང་གིས་བསྐྱོད་ན་སྒྲ་སྐད་སྙན་པ་འབྱིན་པ་དང་། ཞལ་ཟས་ཕུལ་དུ་བྱུང་བ་རྣམ་པ་སྣ་ཚོགས་བཤམས་ནས་བཅོམ་ལྡན་འདས་
D119.052.0013a07.01