完整藏文原文 · 德格版页 当前仅加载第 52 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་པ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་སྐད་ཅིག་ཐང་ཅིག་ཙམ་གྱིས་འཁོར་བ་ཐམས་ཅད་འཇལ་དབོག་པ་ནི་བསམ་གྱིས་མི་ཁྱབ་པ་ཞེས་བྱའོ། །རིགས་ཀྱི་བུ་བྱང་
D119.052.0289a01.01ཆུབ་སེམས་དཔའ་སེམས་དཔའ་ཆེན་པོས་བསྐལ་པ་ཚད་མེད་གྲངས་མེད་པའི་བར་དུ་འཁོར་བ་ལ་མི་རྟག་པ་དང་། བདག་མེད་པ་དང་། བདེ་བ་མེད་པ་དང་། ཡོངས་སུ་མ་དག་པར་རྟོགས་པས་སེམས་ཅན་རྣམས་ལ་རྟག་པ་དང་། བདེ་བ་དང་། བདག་ཡོད་པ་དང་། ཡོངས་སུ་
D119.052.0289a02.01དག་པ་རྒྱས་པར་འཆད་ཅིང་སྟོན་ཏེ། དེ་ལྟར་སྟོན་ཅིང་འཆད་ཀྱང་ངན་པར་ལྟ་བ་མ་ཡིན་པས་ན་བསམ་གྱིས་མི་ཁྱབ་པ་ཞེས་བྱའོ། །རིགས་ཀྱི་བུ་དཔེར་ན་ལ་ལ་ཞིག་ཆུར་མཆོངས་ཀྱང་ཆུས་མི་ཁྱེར་ལ། མེ་ཆེན་པོར་མཆོངས་ཀྱང་མེས་མི་ཚིག་ན། དེ་ནི་བསམ་གྱིས་མི་ཁྱབ་པ་ཞེས་
D119.052.0289a03.01བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་དང་འདྲ་བར་འཁོར་བའི་ནང་དུ་གནས་ཀྱང་འཁོར་བས་གནོད་པར་མི་འགྱུར་བས་ན་བསམ་གྱིས་མི་ཁྱབ་པ་ཞེས་བྱའོ། །རིགས་ཀྱི་བུ་འདི་ལྟ་སྟེ། དཔེར་ན་མི་ལ་རྣམ་པ་གསུམ་སྟེ། རབ་དང་། འབྲིང་དང་།
D119.052.0289a04.01ཐ་མའོ། །དེ་ལ་མིའི་ནང་ན་ཐ་མ་ནི་མངལ་ན་འདུག་པའི་ཚེ་འདི་སྙམ་དུ། བདག་ནི་ཕྱིས་ཁུང་ངམ། མི་གཙང་བའི་གནས་སམ། མི་རོའི་ནང་ངམ། ཚེར་ཕུང་གི་སྟེང་ངམ། མུན་པའི་ནང་ན་གནས་སོ་སྙམ་སེམས་སོ། །མངལ་ནས་བྱུང་བའི་ཚེ་ཡང་ད་ནི་བདག་གི་ཕྱིས་ཁུང་
D119.052.0289a05.01ངམ། མི་གཙང་བའི་གནས་སམ། མུན་ནག་ཆེན་པོའི་གནས་ལས་བྱུང་ངོ་སྙམ་སེམས་སོ། །དེ་ལ་མིའི་ནང་ན་འབྲིང་ནི་མངལ་ན་གདུག་པའི་ཚེ་འདི་སྙམ་དུ་བདག་ནི་སྐྱེད་ཤིང་གི་ཚལ་ལམ། ཆུ་གཙང་མའི་ནང་ངམ། ཁང་ཁྱིམ་བཟང་པོའི་ནང་ན་འདུག་གོ་སྙམ་སེམས་
D119.052.0289a06.01ཏེ། བྱུང་བའི་ཚེ་ཡང་དེ་སྙམ་དུ་སེམས་སོ། །དེ་ལ་མིའི་ནང་ན་རབ་ནི་མངལ་ན་འདུག་པའི་ཚེ་ཡང་འདི་སྙམ་དུ་བདག་ནི་ཡང་ཐོག་བཟང་པོའམ། སྐྱེད་མོས་ཚལ་ལམ། རྟའམ། བ་ལང་ངམ། གླང་པོ་ཆེ་ལ་ཞོན་ཏེ་རི་མཐོན་པོ་ལ་འཛེག་གོ་སྙམ་སྟེ། བྱུང་བའི་ཚེ་ཡང་དེ་སྙམ་དུ་
D119.052.0289a07.01