完整藏文原文 · 德格版页 当前仅加载第 52 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
ཅིས་ལྡན་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་ཁྱོད་ནི་ཤིན་ཏུ་དཔའ་བས་མི་འཇིགས་པ་དང་ལྡན་ནོ། །དེ་ནས་འོད་སྲུང་ལ་ཚིགས་སུ་བཅད་དེ་བཀའ་སྩལ་པ། གང་ཞིག་སེམས་ཅན་གཅིག་ཙམ་ལ། །ཞེ་སྡང་སེམས་ནི་མི་སྐྱེད་
D119.052.0240b01.01ཅིང་། །དེ་ལ་བདེ་བར་འདོད་པ་ནི། །ཤིན་ཏུ་བྱམས་པ་ཞེས་བྱའོ། །གང་ཞིག་སེམས་ཅན་ཐམས་ཅད་ལ། །སྙིང་རྗེ་བ་ཡི་སེམས་བསྐྱེད་པ། །དེ་ནི་འཕགས་པའི་རིགས་ཞེས་བྱ། །བསོད་ནམས་ཚད་མེད་ཐོབ་པར་འགྱུར། །ཅི་སྟེ་མངོན་ཤེས་ལྔ་ལྡན་པའི། །དྲང་སྲོང་ས་ཆེན་གང་བར་
D119.052.0240b02.01གྱུར། །དབང་དང་ལྡན་པའི་རྒྱལ་པོ་ཞིག །བདེ་བ་ཐམས་ཅད་བྱིན་ན་ནི། །རྟ་དང་བ་ལང་ནོར་སྣ་ཚོགས། །དེ་ཡིས་བསོད་ནམས་ཐོབ་པ་ནི། །བྱམས་པ་བསྒོམས་པའི་བསོད་ནམས་ཀྱིས། །བཅུ་དྲུག་ཆ་གཅིག་ཙམ་མི་ཕོད། །རིགས་ཀྱི་བུ་བྱམས་པ་བསྒོམས་པ་ནི་{བརྫུན་,རྫུན་}མ་ཡིན་ཏེ་ཡང་དག་
D119.052.0240b03.01པར་བདེན་པའོ། །ཉན་ཐོས་དང་རང་སངས་རྒྱས་ཀྱི་བྱམས་པ་ནི་{བརྫུན་,རྫུན་}པ་ཞེས་བྱའོ། །སངས་རྒྱས་དང་བྱང་ཆུབ་སེམས་དཔའི་བྱམས་པ་ནི་ཡང་དག་པ་སྟེ་མི་{བརྫུན་,རྫུན་}པར་མི་མངོན་ཞེ་ན། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་ལྟར་ཡོངས་སུ་མྱ་ངན་ལས་འདས་པ་ཆེན་པོ་ལ་
D119.052.0240b04.01གནས་པ་ནི་ས་ལ་ཡང་གསེར་དུ་མཐོང་། གསེར་ལ་ཡང་སར་མཐོང་སྟེ། ས་ལ་ནི་ཆུར་མཐོང་། ཆུ་ལ་ཡང་སར་མཐོང་། ཆུ་ལ་ནི་མེར་མཐོང་། མེ་ལ་ཡང་ཆུར་མཐོང་། ས་ལ་ནི་རླུང་དུ་མཐོང་། རླུང་ལ་ཡང་སར་མཐོང་སྟེ། ཡིད་བཞིན་དུ་གྲུབ་པས་{བརྫུན་,རྫུན་}པ་མེད་དོ། །སེམས་ཅན་
D119.052.0240b05.01ཡང་དག་པ་ལ་ནི་སེམས་ཅན་མ་ཡིན་པར་ཡང་མཐོང་། སེམས་ཅན་མ་ཡིན་པ་ལ་ནི་ཡང་དག་པར་སེམས་ཅན་དུ་མཐོང་སྟེ། ཡིད་བཞིན་དུ་གྲུབ་པས་{བརྫུན་,རྫུན་}པ་མེད་དོ། །རིགས་ཀྱི་བུ་དེ་བས་ན་བྱང་ཆུབ་སེམས་དཔའི་ཚད་མེད་པ་བཞིའི་སེམས་ཀྱིས་བསམ་པ་ནི་ཡང་དག་པའོ། །གཞན་ཡང་
D119.052.0240b06.01རིགས་ཀྱི་བུ་དེ་ལ་ཇི་ལྟར་ན་ཡང་དག་པའི་བསམ་པ་གང་ཞེ་ན། ཉོན་མོངས་པ་ཐམས་ཅད་ཡོངས་སུ་སེལ་བའི་ཕྱིར་རོ། །རིགས་ཀྱི་བུ་བྱམས་པའི་སེམས་བསྒོམས་པས་ནི་འདོད་ཆགས་ཡོངས་སུ་སྤོང་བར་འགྱུར་རོ། །སྙིང་རྗེའི་སེམས་བསྒོམས་པས་ནི་ཞེ་སྡང་ཡོངས་སུ་སྤོང་བར་འགྱུར་
D119.052.0240b07.01