完整藏文原文 · 德格版页 当前仅加载第 52 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་པོའི་ཕ་རོལ་ཏུ་གྱུར་པས་གསང་ཞིང་གབ་པ་མེད་དོ། །རིགས་ཀྱི་བུ་འདི་ལྟ་སྟེ། བྲམ་ཟེ་དག་ནི་ཚིག་ཏུ་སྨྲ་བའི་གཙུག་ལག་ཐམས་ཅད་རྒྱལ་རིགས་དང་གདོལ་རིགས་ཀྱིས་ཐོས་པར་མི་འདོད་དོ། །དེ་ཅིའི་ཕྱིར་ཞེ་ན། སྨྲ་བའི་གཙུག་ལག་ལ་ཉེས་པའི་སྐྱོན་ཡོད་པའི་ཕྱིར་རོ། །
D119.052.0069b01.01དེ་བཞིན་གཤེགས་པའི་དམ་པའི་ཆོས་ནི་དེ་ལྟ་མ་ཡིན་ཏེ། ཐོག་མ་དང་ཐ་མ་དང་། བར་དུ་ཡང་དགེ་བས་གསང་བ་ཞེས་བྱར་མི་རུང་ངོ་། །རིགས་ཀྱི་བུ་དཔེར་ན་ཁྱིམ་བདག་གཅིག་ལ་བུ་གཅིག་ལས་མེད་དེ་ཤིན་ཏུ་སྡུག་ཅིང་བྱམས་པའི་ཕྱིར་སློབ་དཔོན་གྱི་གན་དུ་ཁྲིད་ནས་བསླབ་པ་སློབ་ཏུ་
D119.052.0069b02.01བཅུག་ན། མྱུར་དུ་མི་ལོབས་སུ་དོགས་པས་སྡུག་པའི་ཕྱིར་ཁྱིམ་དུ་ཁྲིད་ནས་ཉིན་མཚན་དུ་བརྩོན་འགྲུས་བསྐྱེད་དེ། ཡི་གེ་ཕྱེད་སློབ་ཅིང་སྟོན་གྱི། གཙུག་ལག་ཆེན་པོ་མི་སྟོན་ཏོ། །དེ་ཅིའི་ཕྱིར་ཞེ་ན། ན་སོ་གཞོན་ལ་ཤེད་མ་རྫོགས་པས་ལྡོབ་པའི་མཐུ་མེད་པའི་ཕྱིར་རོ། །རིགས་ཀྱི་བུ་ཁྱིམ་
D119.052.0069b03.01བདག་དེས་ཡི་གེ་ཕྱེད་བསླབས་ན། བུ་དེས་དེའི་ཚེ་གཙུག་ལག་ཆེན་པོ་ཤེས་ཤིང་རྟོགས་པར་འགྱུར་རམ། གསོལ་པ། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེས་བུ་དེ་ལ་གསང་བ་ཡིན་ནམ། གསོལ་པ་མ་ལགས་སོ། །བཅོམ་ལྡན་འདས་དེ་ཅིའི་སླད་དུ་ཞེ་ན། བུ་
D119.052.0069b04.01ན་སོ་གཞོན་ཏེ་མི་ལྡོབ་པའི་སླད་དུ་མ་བསྟན་གྱི། སེར་སྣ་བྱས་ཏེ་གསང་བའི་སླད་དུ་མ་བསྟན་པ་ནི་མ་ལགས་སོ། དེ་ཅིའི་སླད་དུ་ཞེ་ན། སེར་སྣའི་སེམས་དང་བཅས་པ་ནི་གསང་བ་ཞེས་བགྱི་ན། དེ་བཞིན་གཤེགས་པ་ནི་དེ་ལྟ་བུ་མ་ལགས་ཏེ། དགོངས་ཏེ་གསུངས་པའི་སྙིང་པོ་མཆིས་ཞེས་
D119.052.0069b05.01བགྱིར་མི་རུང་ངོ་། །བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་ལེགས་སོ་ཤིན་ཏུ་ལེགས་སོ། །རིགས་ཀྱི་བུ་ཁྱོད་ཀྱིས་སྨྲས་པ་བཞིན་ཏེ། ཞེ་སྡང་གི་སེམས་དང་། ཕྲག་དོག་དང་སེར་སྣའི་སེམས་དང་བཅས་པ་ནི་གསང་བ་ཞེས་བྱའི། དེ་བཞིན་གཤེགས་པ་ལ་ནི་ཞེ་སྡང་བ་དང་།
D119.052.0069b06.01ཕྲག་དོག་དང་། སེར་སྣའི་ཐུགས་མི་མངའ་བས་ན་གསང་བ་ཡོད་དོ་ཞེས་བྱར་མི་རུང་ངོ་། །རིགས་ཀྱི་བུ་ཁྱིམ་བདག་ཅེས་བྱ་བ་ནི་དེ་བཞིན་གཤེགས་པ་ལྟ་བུའོ། །བུ་གཅིག་པ་ཞེས་བྱ་བ་ནི་སེམས་ཅན་ཐམས་ཅད་ལ་བྱ་སྟེ། དེ་བཞིན་གཤེགས་པ་ནི་སེམས་ཅན་ཐམས་ཅད་ལ་བུ་
D119.052.0069b07.01