完整藏文原文 · 德格版页 当前仅加载第 52 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
མ་དང་བཅས་སོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་ཤིན་ཏུ་ལེགས་སོ། །ཤིན་ཏུ་ལེགས་སོ་ཞེས་བསྟོད་དེ། རིགས་ཀྱི་བུ་ཁྱོད་ནི་ཡུན་རིང་པོ་ནས་དོན་འདི་རབ་ཏུ་རྟོགས་པས་ཐམས་ཅད་ལ་སྙིང་བརྩེ་བ་དང་། སེམས་ཅན་ཐམས་ཅད་ཡེ་ཤེས་
D119.052.0164b01.01སུ་འགྱུར་བར་བྱ་བའི་ཕྱིར་དེ་བཞིན་གཤེགས་པ་ལ་ཚིགས་སུ་བཅད་པའི་དོན་འདི་རྒྱས་པར་དྲིས་པ་ལེགས་སོ། །དེ་ནས་འཇམ་དཔལ་གཞོན་ནུར་གྱུར་པས་ཡང་སངས་རྒྱས་ཀྱི་སྤྱན་སྔར་ཚིགས་སུ་བཅད་དེ་གསོལ་བ། ཕ་རོལ་གཞན་གྱིས་སྨྲས་པ་ལ། །རྗེས་སུ་གཞོལ་
D119.052.0164b02.01གྱི་ཕྱིར་མི་བཟློག །གཞན་གྱིས་བྱས་དང་མ་བྱས་པ། །དེ་ལ་བརྟག་པར་མི་བྱའོ། །བདག་ལ་ཤིན་ཏུ་བརྟག་པ་ནི། །དགེ་དང་མི་དགེ་གང་སྤྱོད་པ། །བཅོམ་ལྡན་འདས་ཀྱིས་དེ་སྐད་གསུངས་པའི་ཆོས་ཀྱི་སྨན་དེ་ནི་ཡང་དག་པར་གསུངས་པ་མ་ལགས་ན། ཕ་རོལ་པོས་
D119.052.0164b03.01གཞན་གྱིས་སྨྲ་བའི་རྗེས་སུ་གཞོལ་ཞིང་འགལ་བར་མི་བགྱིད་པ་དེ་བཞིན་གཤེགས་པས་ཐུགས་བརྩེ་བའི་སླད་དུ་ཡང་དག་པར་བསྟན་དུ་གསོལ། དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་རྣམ་པ་དུ་མ་ལས་སློབ་པ་ཕྱི་རོལ་དུ་རྣམ་པ་དགུ་བཅུ་རྩ་ལྔ་པོ་ཐམས་ཅད་ངན་སོང་དུ་འགྲོའོ་
D119.052.0164b04.01ཞེས་གསུངས་ལ། ཉན་ཐོས་ཀྱི་ཉེ་གནས་རྣམས་ནི་ཐམས་ཅད་ཡང་དག་པའི་ལམ་དུ་འགྲོའོ་ཞེས་གསུངས་ཏེ། གང་ཚུལ་ཁྲིམས་ཡོངས་སུ་སྲུང་ཞིང་སྤྱོད་ལམ་ཤིན་ཏུ་སྡོམ་པ་དབང་པོ་རྣམས་སྲུང་བའི་གང་ཟག་དེ་ནི་ཆོས་ཆེན་པོ་ལ་ཤིན་ཏུ་མོས་ཤིང་དགེ་བའི་ལམ་ལ་སྤྱོད་པ་ཡང་ལགས་ན།
D119.052.0164b05.01བཅོམ་ལྡན་འདས་ཀྱིས་ཅིའི་སླད་དུ་མདོ་སྡེ་དགུ་པོ་ལས་ཕ་རོལ་པོ་གཞན་ལ་སྨོད་ན་རྣམ་པར་སྨད་ཅིང་སྤྱོ་བར་བྱའོ་ཞེས་ཚིགས་སུ་བཅད་པའི་དོན་འདི་ཅི་ལས་དགོངས་ཏེ་གསུངས། བཅོམ་ལྡན་འདས་ཀྱིས་འཇམ་དཔལ་ལ་བཀའ་སྩལ་པ། རིགས་ཀྱི་བུ་ངས་ཚིགས་སུ་བཅད་པ་གསུངས་པ་འདི་
D119.052.0164b06.01ཡང་སེམས་ཅན་ཐམས་ཅད་ཀྱི་ཕྱིར་ནི་མ་ཡིན་གྱི། དེའི་ཚེ་ན་རྒྱལ་པོ་མ་སྐྱེས་དགྲ་འབའ་ཞིག་གི་ཕྱིར་གསུངས་ཏེ། སངས་རྒྱས་བཅོམ་ལྡན་འདས་ནི་རྒྱུ་དང་རྐྱེན་མེད་པར་བཟློག་སྟེ་གསུངས་པའི་ཆོས་མེད་དོ། །རྒྱུ་དང་རྐྱེན་ཡོད་པས་ན་དེ་སྐད་ཅེས་གསུངས་པ་ཡིན་ནོ། །རིགས་ཀྱི་བུ་
D119.052.0164b07.01