完整藏文原文 · 德格版页 当前仅加载第 52 函德格 313a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་དམྱལ་བ་དེར་ལྟུང་ན་ཡང་དེའི་ལུས་དཔག་ཚད་བརྒྱད་ཁྲིའི་ནང་ཡོངས་སུ་གང་སྟེ། བར་མཚམས་ཀྱི་སྟོང་པ་མེད་པར་དེའི་ལུས་ལ་ཁོ་ར་ཁོར་ཡུག་ཏུ་ཆུབ་པར་སྡུག་བསྔལ་རྣམ་པ་སྣ་ཚོགས་མྱོང་ངོ་། །ཅི་སྟེ་མི་མང་ཞིག་ལྟུང་ན་ཡང་ལུས་ཀྱིས་ཡོངས་
D119.052.0313a01.01སུ་གང་སྟེ། གཅིག་ལ་གཅིག་གཟེར་ཞིང་དོགས་པ་མེད་དོ། །རྒྱལ་པོ་ཆེན་པོ་གྲང་བའི་སེམས་ཅན་དམྱལ་བར་ནི་ཚ་བའི་རླུང་ཅུང་ཟད་ཙམ་དང་ཕྲད་པས་དེ་ཡང་བདེ་བ་ཞེས་བྱའོ། །ཚ་བའི་སེམས་ཅན་དམྱལ་བ་ཡང་གྲང་བའི་རླུང་ཅུང་ཟད་ཙམ་དང་ཕྲད་པས་དེ་ཡང་བདེ་བ་ཞེས་བྱའོ། །
D119.052.0313a02.01འཚོ་བའི་སེམས་ཅན་དམྱལ་བ་ཡང་ཤི་ནས་སོས་ཞེས་བྱ་བའི་སྒྲ་ཐོས་པས་དེ་མ་ཐག་ཏུ་འཚོའོ། །མཚམས་མེད་པའི་སེམས་ཅན་དམྱལ་བ་ནི་དེ་ལྟ་བུའི་བག་མེད་དོ། །རྒྱལ་པོ་ཆེན་པོ་མཚམས་མེད་པའི་སེམས་ཅན་དམྱལ་བ་ལ་ཕྱོགས་བཞིན་སྒོ་རེ་རེ་ཡོད་དོ། །སྒོ་དེ་རེ་རེའི་ཕྱི་
D119.052.0313a03.01རོལ་ན་མེ་ཆེན་པོ་ཡོད་དེ། ལྷོ་བྱང་ཤར་ནུབ་ཐལ་བྱུང་དུ་འབར་རོ། །དཔག་ཚད་བརྒྱད་ཁྲི་ཁོ་ར་ཁོར་ཡུག་ཏུ་ལྕགས་ཀྱི་རིས་བསྐོར་ཏེ། སྟེང་ཡང་ལྕགས་ཀྱི་དྲ་བས་བླ་རེ་བྲེས་ནས་ས་གཞི་ཡང་ལྕགས་ལས་བྱས་སོ། །སྟེང་གི་མེ་ཡང་འོག་ཏུ་ཐལ། འོག་གི་མེ་ཡང་སྟེང་དུ་
D119.052.0313a04.01ཐལ་བྱུང་དུ་འབར་རོ། །རྒྱལ་པོ་ཆེན་པོ་སླ་ངའི་ཐོག་ཏུ་ཉ་བཞག་ན་ཚིག་པ་དང་འདྲ་བར་དེ་ན་གནས་པའི་མི་ཡང་དེ་དང་འདྲའོ། །རྒྱལ་པོ་ཆེན་པོ་མཚམས་མེད་པ་གཅིག་བྱས་ན་མཚམས་མེད་པ་གཅིག་མྱོང་ངོ་། །མཚམས་མེད་པ་གཉིས་བྱས་ན་ཉིས་འགྱུར་མྱོང་ངོ་། །
D119.052.0313a05.01མཚམས་མེད་པ་ལྔར་བྱས་ན་ལྔ་འགྱུར་མྱོང་བར་འགྱུར་རོ། །རྒྱལ་པོ་ཆེན་པོ་བདག་གིས་ནི་རྒྱལ་པོའི་ཁ་ན་མ་ཐོ་བའི་ལས་འདིས་གདོན་མི་ཟ་བར་མི་ཐར་བར་ཤེས་ཀྱིས་རྒྱལ་པོ་ཆེན་པོ་དེ་བཞིན་གཤེགས་པ་གང་ན་བཞུགས་པར་མྱུར་དུ་བཞུད་ཅིག །སངས་རྒྱས་བཅོམ་
D119.052.0313a06.01ལྡན་འདས་མ་གཏོགས་པར་གཞན་སུས་ཀྱང་སྐྱབས་སུ་འགྱུར་བ་མེད་དེ། ཁོ་བོ་ནི་ཁྱོད་ལ་སྙིང་བརྩེ་བའི་ཕྱིར་འདི་སྐད་ཅེས་བསྐུལ་བ་ཡིན་ནོ། །དེའི་ཚེ་རྒྱལ་པོ་ཆེན་པོས་དེ་སྐད་ཅེས་གྲགས་པའི་ཚིག་ཐོས་ནས་ཤིན་ཏུ་འཇིགས་དངངས་ཏེ་སྐྱི་བུང་ཞེས་བྱེད་ནས་ལུས་ཀྱི་
D119.052.0313a07.01