完整藏文原文 · 德格版页 当前仅加载第 52 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་ག་ལ་བ་དེར་འདོང་ངོ་། །དེ་བཞིན་གཤེགས་པའི་ཞབས་ལ་མགོ་བོས་ཕྱག་འཚལ་ཏེ། དེ་བཞིན་གཤེགས་པ་ཡོངས་སུ་མྱ་ངན་ལས་མི་འདའ་བར་འཇིག་རྟེན་ན་བསྐལ་པ་གཅིག་གམ། བསྐལ་པ་གཅིག་འགྲིབས་ཀྱི་བར་དུ་བཞུགས་པར་གསོལ་དུ་འདེང་ངོ་ཞེས་
D119.052.0002b01.01སྨྲས་སོ། །ལ་ལ་ནི་གཅིག་གི་ལག་པ་ལ་གཅིག་གིས་འཇུས་ནས་འདི་སྐད་དུ་འཇིག་རྟེན་སྟོངས་ཏེ། སེམས་ཅན་གྱི་བསོད་ནམས་ཟད་པས་མི་དགེ་བའི་ལས་འཇིག་རྟེན་དུ་བྱུང་བར་གྱུར་གྱིས། གྲོགས་པོ་དག་དེ་བཞིན་གཤེགས་པ་ནི་རིང་པོར་མི་ཐོགས་པར་ཡོངས་སུ་མྱ་ངན་ལས་འདའ་བར་
D119.052.0002b02.01གཤེགས་ངེས་ཀྱིས། བདག་ཅག་མྱུར་དུ་འདེང་ངོ་ཞེས་སྨྲའོ། །ལ་ལ་ནི་འདི་སྐད་དུ་འཇིག་རྟེན་སྟོངས་སོ། །འཇིག་རྟེན་སྟོངས་སོ། །བདག་ཅག་ལ་དེང་སླན་ཆད་ནི་མགོན་དང་སྐྱབས་མེད་དེ། དབུལ་ཕོངས་པར་གྱུར་ཏོ། །དེང་ཁོ་ནར་བླ་ན་མེད་པའི་བཅོམ་ལྡན་འདས་དང་ཡོངས་སུ་བྲལ་
D119.052.0002b03.01བས་ད་སླན་ཆད་སོམ་ཉི་དང་ཐེ་ཚོམ་ཟ་བ་སུ་ལ་ཞུ་ཞེས་སྨྲའོ། །དེའི་ཚེ་ན་ཚད་མེད་པའི་ཉེ་གནས་ཆེན་པོ་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་དང་། ཚེ་དང་ལྡན་པ་བཀུ་ལ་དང་། ཚེ་དང་ལྡན་པ་ཀུན་དགའ་བོ་ལ་སོགས་པ་དགེ་སློང་ཆེན་པོ་དེ་དག་ཀྱང་། སངས་རྒྱས་ཀྱི་འོད་ཀྱིས་རེག་པས་ལུས་ཀུན་
D119.052.0002b04.01འདར་ཞིང་མི་བཟོད་པ་ཙམ་དུ་རབ་ཏུ་གཡོས་ཏེ། སེམས་ཀྱང་མྱོས་ནས་ཆོ་ངེས་འདེབས་ཤིང་དེ་ལྟ་བུའི་སྡུག་བསྔལ་རྣམ་པ་སྣ་ཚོགས་ཀྱིས་ནོན་པར་གྱུར་ཏོ། །དེའི་ཚེ་ན་གཞན་ཡང་དགེ་སློང་བརྒྱ་སྟོང་ཕྲག་བརྒྱད་ཅུ་སྙེད་ཐམས་ཅད་ཀྱང་དགྲ་བཅོམ་པ། སེམས་ཀྱི་དབང་དུ་གྱུར་པ། བྱ་
D119.052.0002b05.01བ་བྱས་པ། ཉོན་མོངས་པ་ཡོངས་སུ་སྤངས་པ། དབང་པོ་ཐམས་ཅད་རབ་ཏུ་དུལ་བ། ཀླུའི་རྒྱལ་པོ་ཆེན་པོ་ལྟར་མཐུ་ཆེ་བ། སྟོང་པའི་ཤེས་རབ་དང་ལྡན་པ། ཕྱིས་བདག་གི་དོན་རབ་ཏུ་རྙེད་པ། ཙན་དན་གྱི་ཚལ་ལྟར་ཙན་དན་གྱིས་ཡོངས་སུ་བསྐོར་བ། སེང་གེའི་རྒྱལ་པོ་ལྟར་
D119.052.0002b06.01སེང་གེས་ཡོངས་སུ་བསྐོར་བ། དེ་ལྟ་བུའི་ཚད་མེད་པའི་ཡོན་ཏན་དང་ལྡན་པ། ཐམས་ཅད་ཀྱང་སངས་རྒྱས་ཀྱི་སྲས་ཡང་དག་པ་ཤ་སྟག་གོ། །དེ་དག་ཀྱང་སྔ་དྲོའི་ཉི་མ་ཤར་མ་ཐག་ཏུ་གནས་ནས་བྱུང་སྟེ། སོ་ཤིང་འཆའ་བ་ན་སངས་རྒྱས་ཀྱི་འོད་ཀྱིས་རེག་ནས་གཅིག་ལ་གཅིག་འདི་སྐད་དུ་གྲོགས་
D119.052.0002b07.01