完整藏文原文 · 德格版页 当前仅加载第 52 函德格 184b 版页；藏文 NFD、目录标记与异常页序保留在来源切片中，重复版页行以稳定序号区分。
པུས་མོའི་རུས་པས་ནི་བརླའི་རུས་པ་བརྟེན། བརླའི་རུས་པས་ནི་དཔྱིའི་རུས་པ་བརྟེན། དཔྱིའི་རུས་པས་ནི་རྐེད་པའི་རུས་པ་བརྟེན། རྐེད་པའི་རུས་པས་ནི་སྒལ་ཚིགས་ཀྱི་རུས་པ་བརྟེན། རྒལ་ཚིགས་ཀྱི་རུས་པས་ནི་རྩིབ་མའི་རུས་པ་བརྟེན། ཡང་རྒལ་ཚིགས་ཀྱི་རུས་པས་ནི་གཉའ་བའི་རུས་པ་བརྟེན། གཉའ་བའི་
D119.052.0184b01.01རུས་པས་ནི་འགྲམ་པའི་རུས་པ་བརྟེན། འགྲམ་པའི་རུས་པས་ནི་འགྲམ་སོ་དང་ཐོད་པའི་རུས་པ་བརྟེན་ཏོ། །ཡང་ལྟག་རུས་ནི་ཕྲག་པའི་རུས་པ་ལ་རྟེན། ཕྲག་པའི་རུས་པ་ནི་ལག་ངར་གྱི་རུས་པ་ལ་རྟེན། ལག་ངར་གྱི་རུས་པ་ནི་མཁྲིག་མའི་རུས་པ་ལ་རྟེན། མཁྲིག་མའི་རུས་པ་ནི་ལག་མཐིལ་གྱི་རུས་པ་ལ་རྟེན། ལག་
D119.052.0184b02.01མཐིལ་གྱི་རུས་པ་ནི་སོར་མོའི་རུས་པ་ལ་རྟེན་ཏེ། དེ་ལྟར་རུས་པ་ཐམས་ཅད་གཅིག་ལ་གཅིག་རྟེན་ཅིང་འབྲེལ་བར་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་རྟོག་པ་ན་ལུས་ཀྱི་རུས་པ་ཐམས་ཅད་སོ་སོ་ནས་འདུག་པར་རྟོགས་སོ། །དེ་ལྟར་ཤིན་ཏུ་རྟོགས་པ་ན་གཟུགས་ལ་ཆགས་པ་དང་། མངའ་བྱད་
D119.052.0184b03.01ལ་ཆགས་པ་དང་། རེག་ན་འཇམ་པའི་ཆགས་པ་རྣམ་པ་གསུམ་པོ་ཡོངས་སུ་སྤོང་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་རུས་པ་སྔོན་པོ་ལ་རྟོག་པ་ན་ས་ཆེན་པོ་འདི་ལྷོ་བྱང་ཤར་ནུབ་དང་། ཕྱོགས་མཚམས་བཞི་དང་། སྟེང་དང་། འོག་ཀུན་སྔོན་པོར་མཐོང་ངོ་། །སྔོན་པོ་ལ་རྟོག་པ་བཞིན་དུ་སེར་
D119.052.0184b04.01པོ་དང་། དཀར་པོ་དང་། ཕུག་རོན་གྱི་གཤོག་པ་ལྟ་བུ་ཡང་དེ་བཞིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་རྟོག་པ་ན་སྨིན་མཚམས་ནས་འོད་ཟེར་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ཕུག་རོན་གྱི་གཤོག་པ་ལྟ་བུ་བྱུང་སྟེ། བྱང་ཆུབ་སེམས་དཔའ་སེམས་
D119.052.0184b05.01དཔའ་ཆེན་པོ་དེས་འོད་དེ་རེ་རེ་ལས་ཀྱང་སངས་རྒྱས་བཞུགས་པར་མཐོང་ནས། དེ་ལ་ལུས་འདི་མི་གཙང་བའི་རྒྱུ་དང་རྐྱེན་རྟེན་ཅིང་འབྲེལ་ཏེ་འབྱུང་བ་འདྲི་ཞིང་ཞུ་བ་ནི་འདི་ལྟ་སྟེ། ལུས་འདི་འདུག་པ་དང་། ལྡང་བ་དང་། འགྲོ་བ་དང་། སྡོད་པ་དང་། དགུ་བ་དང་། དགྱེ་བ་དང་། ལྟ་བ་དང་། མིག་
D119.052.0184b06.01འཛུམས་པ་དང་། དབུགས་རྒྱུ་བ་དང་། ངུ་བ་དང་། རྒོད་པ་དང་། དགའ་བར་འགྱུར་བ་དེ་ལ་ནི་བདག་པོ་མེད་ན་སུ་ཞིག་དེ་ལྟར་བསྒྱུར་ཞེས་ཞུ་ཞིང་འདྲིའོ། །དེ་སྐད་ཅེས་དྲིས་ནས་འོད་ཀྱི་ནང་ན་བཞུགས་པའི་སངས་རྒྱས་ཀྱང་མོད་ལ་མི་སྣང་བར་གྱུར་ཏོ།། །།
D119.052.0184b07.01