完整藏文原文 · 德格版页 当前仅加载第 52 函德格 270b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའམ། བདུད་དམ། ཚངས་པའམ། མིར་བཅས་པ་གང་ཞིག་གིས་དེ་བཞིན་གཤེགས་པ་ལ་འདས་པ་དང་། མ་འོངས་པ་དང་། ད་ལྟར་གྱི་དུས་ན་ཟས་དང་འདྲེས་པའི་ལུས་ཡོད་ཅེས་ཟེར་ན། དེ་ནི་གནས་མ་ཡིན་ནོ། །རིགས་ཀྱི་བུ་གཞན་ཡང་ཐོག་མ་ནས་ཡོད་ཅེས་
D119.052.0270b01.01བྱ་བ་ནི་ངས་སྔོན་ཐོག་མ་ནས་ཆོས་ཐམས་ཅད་བླངས་པ་དང་། ཆགས་པའི་སེམས་ཡོད་དེ། དེ་བས་ན་ད་ལྟར་གྱི་མཐར་ཕྱིན་པའི་སྟོང་པ་ཉིད་ཀྱི་ཏིང་ངེ་འཛིན་ནི་མེད་དོ། །ཐོག་མ་ནས་མེད་ཅེས་བྱ་བ་ནི་ཐོག་མ་ནས་དབུ་མའི་དོན་བདེན་པ་མེད་དོ། །དེ་ལྟར་དབུ་མའི་དོན་བདེན་པ་མེད་
D119.052.0270b02.01པས་ཆོས་ཐམས་ཅད་ལ་མ་ཆགས་པའི་སེམས་མེད་དོ། །གལ་ཏེ་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། མིར་བཅས་པ་གང་ཞིག་གིས་དེ་བཞིན་གཤེགས་པ་ལ་འདས་པ་དང་། མ་འོངས་པ་དང་། ད་ལྟར་གྱི་དུས་ན་ཆོས་ཐམས་ཅད་ལ་
D119.052.0270b03.01མཚན་མ་ཡོད་དོ་ཞེས་སྨྲ་ན་དེ་ནི་གནས་མ་ཡིན་ནོ། །རིགས་ཀྱི་བུ་གཞན་ཡང་ཐོག་མ་ནས་ཡོད་ཅེས་བྱ་བ་ནི་ངས་སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པ་ན་དབང་པོ་རྟུལ་པོ་ཉན་ཐོས་ཀྱི་ཉེ་གནས་སུ་གྱུར་པ་ཡོད་དོ། །དེ་ལྟར་དབང་པོ་རྟུལ་པོ་ཉན་ཐོས་ཀྱི་
D119.052.0270b04.01ཉེ་གནས་སུ་གྱུར་པ་ཡོད་པས་ན་ཐེག་པ་གཅིག་པུའི་བདེན་པ་མེད་དོ། །ཐོག་མ་ནས་མེད་ཅེས་བྱ་བ་ནི་ཐོག་མ་ནས་དབང་པོ་རྣོན་པོའི་མིའི་ནང་ན་བལ་གླང་གི་རྒྱལ་པོ་ལྟ་བུ་བྱང་ཆུབ་སེམས་དཔའ་འོད་སྲུང་ལ་སོགས་པ་མེད་དོ། །དབང་པོ་རྣོན་པོ་འོད་སྲུང་ལྟ་བུ་མེད་པས་ན་ཅི་རིགས་
D119.052.0270b05.01སུ་ཐབས་མཁས་པས་ཐེག་པ་གསུམ་དུ་ཕྱེ་སྟེ་བསྟན་ཏོ། །དེ་ལ་གལ་ཏེ་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། མིར་བཅས་པ་གང་ཞིག་གིས་ཀྱང་དེ་བཞིན་གཤེགས་པ་ལ་འདས་པ་དང་། མ་འོངས་པ་དང་། ད་ལྟར་གྱི་དུས་ན་
D119.052.0270b06.01ཐེག་པ་གསུམ་མཐར་ཕྱིན་པ་ཡིན་ནོ་ཞེས་སྨྲ་ན་དེ་ནི་གནས་མ་ཡིན་ནོ། །རིགས་ཀྱི་བུ་གཞན་ཡང་ཐོག་མ་ནས་ཡོད་ཅེས་བྱ་བ་ནི་ངས་སྔོན་འདི་སྐད་དུ་ད་སྟེ་ཟླ་བ་གསུམ་ན་ཤིང་སཱ་ལ་དྲུང་གཉིས་ཀྱི་བར་ན་ཡོངས་སུ་མྱ་ངན་ལས་འདའོ་ཞེས་གསུངས་ཏེ། དེ་བས་ན་ད་ལྟར་ཤིན་ཏུ་
D119.052.0270b07.01