完整藏文原文 · 德格版页 当前仅加载第 52 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
ཐེ་ཙོམ་མི་སྐྱེད་དོ། །གང་དེ་བཞིན་གཤེགས་པའི་སྙིང་པོ་སྟོང་པར་སྨྲ་ན་བུས་པ་གླེན་པ་དག་ཐོས་ནས་ཆད་པའམ། མེད་པར་ལྟ་བ་སྐྱེའོ། །མཁས་པ་ཤེས་རབ་ཅན་དག་ནི་དེ་བཞིན་གཤེགས་པ་རྟག་པ་མི་འགྱུར་མི་འཕོ་བར་བྱེ་བྲག་དབྱེའོ། །གལ་ཏེ་
D119.052.0123a01.01རྣམ་པར་གྲོལ་བ་སྒྱུ་མ་ལྟ་བུར་སྨྲ་ན་བུས་པ་གླེན་པ་དག་རྣམ་པར་གྲོལ་བ་ཐོབ་པ་རྣམས་བདུད་ཀྱི་ཆོས་ཡིན་ནོ་སྙམ་དུ་འཛིན་ཏོ། །མཁས་པ་ཤེས་རབ་ཅན་ནི་རྣམ་པར་ཕྱེ་སྟེ་མིའི་ནང་ན་སེང་གེ་ལྟ་བུར་དེ་བཞིན་གཤེགས་པ་ཉག་གཅིག་ནི་རྟག་པ་གནས་པ་མི་འགྱུར་མི་འཕོ་བར་
D119.052.0123a02.01དབྱེའོ། །གལ་ཏེ་མ་རིག་པའི་རྐྱེན་གྱིས་འདུ་བྱེད་རྣམས་བྱུང་བར་སྨྲ་ན། བུས་པ་གླེན་པ་དག་ཐོས་ནས་རིག་པ་དང་། མ་རིག་པར་ཆོས་གཉིས་སུ་མེད་པར་བྱེ་བྲག་འབྱེད་དོ། །མཁས་པ་ཤེས་རབ་ཅན་ནི་རང་བཞིན་གྱིས་གཉིས་སུ་མེད་པར་རྟོགས་སོ། །གང་
D119.052.0123a03.01གཉིས་སུ་མེད་པ་ནི་ཡང་དག་པ་ཉིད་དོ། །གལ་ཏེ་འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་བྱུང་བར་སྨྲ་ན། བུས་པ་གླེན་པ་དག་འདུ་བྱེད་དང་རྣམ་པར་ཤེས་པ་གཉིས་སུ་འཛིན་ཏོ། །མཁས་པ་ཤེས་རབ་ཅན་ནི་རང་བཞིན་གྱིས་གཉིས་སུ་མེད་པར་རྟོགས་སོ། །
D119.052.0123a04.01གཉིས་སུ་མེད་པ་ནི་ཡང་དག་པ་ཉིད་དོ། །གལ་ཏེ་དགེ་བ་བཅུ་དང་མི་དགེ་བ་བཅུ་པོ་འདི་ནི་བྱ་བའི་རིགས། འདི་ནི་མི་བྱ་བའི་རིགས། འདི་ནི་མཐོ་རིས་ཀྱི་ལམ། འདི་ནི་ངན་སོང་གི་རྒྱུ། འདི་ནི་རྣམ་པར་དཀར་བའི་ཆོས། འདི་ནི་ཆོས་ནག་པོའི་ཞེས་སྨྲ་ན།
D119.052.0123a05.01བུས་པ་གླེན་པ་དག་གཉིས་སུ་འཛིན་ཏོ། །མཁས་པ་ཤེས་རབ་ཅན་ནི་རང་བཞིན་གྱིས་གཉིས་སུ་མེད་པར་རྟོགས་ཏེ། གཉིས་སུ་མེད་པ་ནི་ཡང་དག་པ་ཉིད་དོ། །གལ་ཏེ་ཆོས་ཐམས་ཅད་སྡུག་བསྔལ་བར་ནན་ཏན་བྱའོ། །ཞེས་སྨྲ་ན་བུས་པ་གླེན་པ་དག་གཉིས་སུ་འཛིན་
D119.052.0123a06.01ཏོ། །མཁས་པ་ཤེས་རབ་ཅན་ནི་རང་བཞིན་གྱིས་གཉིས་སུ་མེད་པར་རྟོགས་ཏེ། གཉིས་སུ་མེད་པ་ནི་ཡང་དག་པ་ཉིད་དོ། །གལ་ཏེ་འདུ་བྱེད་ཐམས་ཅད་མི་རྟག་ཅེའམ། དེ་བཞིན་གཤེགས་པའི་སྙིང་པོ་ཡང་མི་རྟག་ཅེས་སྨྲ་ན། བུས་པ་གླེན་པ་དག་གཉིས་སུ་འཛིན་
D119.052.0123a07.01