完整藏文原文 · 德格版页 当前仅加载第 52 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
དྲུག་ཏུ་གཡོས་ནས་འཁོར་གྱི་ནང་ན་ཚངས་པ་དང་། བརྒྱ་བྱིན་དང་། ཕྱོགས་བཞིའི་མགོན་པོ་དང་། བདུད་སྡིག་ཏོ་ཅན་དང་། དབང་སྒྱུར་ཆེན་པོ་ལ་སོགས་པ་དེ་དག་གིས་ས་གཡོས་པ་མཐོང་ནས། ལུས་སྐྱི་བུང་ཞེས་བྱེད་དེ་ལྕེ་ཡང་སྐམས་པ་ཙམ་དུ་དངངས་
D119.052.0016a01.01སྐྲག་པར་གྱུར་ཏེ། སོ་སོར་འགྲོ་བར་ཆས་ནས་ལུས་ཀྱི་འོད་དང་གཟི་བརྗིད་ཀྱང་མི་སྣང་བར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པ་འདུག་པ་ལས་ལངས་ཏེ། འཁོར་གྱི་དཀྱིལ་འཁོར་རྣམས་ལ་འདི་སྐད་ཅེས་སྨྲས་སོ། །རིགས་ཀྱི་བུ་དག་ཁྱེད་འཇིགས་པར་
D119.052.0016a02.01མ་བྱེད་ཅིག །ཁྱེད་མ་འཇིགས་ཤིག །དེ་ཅིའི་ཕྱིར་ཞེ་ན། འདི་ནས་ཤར་ཕྱོགས་ན་འཇིག་རྟེན་གྱི་ཁམས་ཀླུང་གང་གཱའི་བྱེ་མ་གྲངས་མེད་དཔག་ཏུ་མེད་པ་འདས་པའི་ཕ་རོལ་ན་འཇིག་རྟེན་གྱི་ཁམས་ཡིད་དུ་འོང་བའི་སྒྲ་སྙན་ཞེས་བྱ་བ་ན་སངས་རྒྱས་ནམ་མཁའ་དང་མཉམ་པ་ཞེས་
D119.052.0016a03.01བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་སུམ་ཅུ་རྩ་གཉིས་དང་ལྡན་པ་བཞུགས་ཏེ། དེ་ན་བྱང་ཆུབ་སེམས་དཔའ་ལུས་དཔག་ཏུ་མེད་པ་ཞེས་བྱ་བ་འཁོར་བྱང་ཆུབ་སེམས་དཔའ་གྲངས་མེད་པ་དང་བཅས་ཏེ། འཇིག་རྟེན་གྱི་ཁམས་
D119.052.0016a04.01འདིར་དེ་བཞིན་གཤེགས་པ་ལ་མཆོད་དུ་འོང་བས་བྱང་ཆུབ་སེམས་དཔའ་དེའི་གཟི་བརྗིད་དང་བྱིན་གྱིས་ཁྱེད་ཀྱི་ལུས་ཀྱི་འོད་ཀྱང་མི་སྣང་བར་གྱུར་ཏོ། །དེ་བས་ན་ཁྱེད་ཅག་མ་འཇིགས་པར་ཤིན་ཏུ་དགའ་བ་སྐྱེད་ཅིག །དེའི་ཚེ་ན་འཁོར་གྱི་དཀྱིལ་འཁོར་དེ་དག་ཐམས་ཅད་ཀྱིས་རྒྱང་མ་
D119.052.0016a05.01ནས་སངས་རྒྱས་དེ་དང་། འཁོར་མང་པོ་རྣམས་མཐོང་བ་ནི་ཇི་ལྟར་མེ་ལོང་གསལ་བའི་ནང་ན་བདག་གི་གཟུགས་བརྙན་མཐོང་བ་བཞིན་ནོ། །དེ་ནས་ཡང་འཇམ་དཔལ་གྱིས་འཁོར་མང་པོ་རྣམས་ལ་འདི་སྐད་ཅེས་སྨྲས་སོ། །ཁྱེད་ཀྱིས་སངས་རྒྱས་དེ་མཐོང་བ་ནི་ཇི་ལྟར་སངས་རྒྱས་
D119.052.0016a06.01འདི་མཐོང་བ་དང་འདྲ་བར་སངས་རྒྱས་ཀྱི་བྱིན་གྱི་རླབས་ཀྱིས་གཞན་ཡང་སངས་རྒྱས་ཕྱོགས་བཅུ་ན་བཞུགས་པ་དཔག་ཏུ་མེད་པ་སྙེད་ཀྱང་མཐོང་བར་གྱུར་ཏོ། །དེའི་ཚེ་འཁོར་གྱི་དཀྱིལ་འཁོར་མང་པོས་གཅིག་ལ་གཅིག་འདི་སྐད་དུ་ཀྱི་ཧུད་ཀྱི་ཧུད་འཇིག་རྟེན་སྟོངས་སོ། །འཇིག་
D119.052.0016a07.01