完整藏文原文 · 德格版页 当前仅加载第 52 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལྷའི་བུའི་བདུད་དང་། འཆི་བདག་གི་བདུད་ཡོངས་སུ་བཅོམ་པས་དེ་བཞིན་གཤེགས་པ་ནི་ཁམས་གསུམ་ན་ཕུལ་དུ་གྱུར་པའོ་ཞེས་གསུངས་ཏེ། ཇི་ལྟར་གྱད་གཅིག་གིས་མི་སྟོང་ཐུབ་པ་བཞིན་ནོ། །དེ་བས་ན་དེ་བཞིན་གཤེགས་
D119.052.0024a01.01པ་ཡང་རྣམ་པ་སྣ་ཚོགས་ཀྱི་ཡོན་ཏན་ཚད་མེད་པ་དང་ལྡན་པས་ན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ཞེས་བཏགས་སོ། །འཇམ་དཔལ་རྣམ་པར་རྟོག་པས་དེ་བཞིན་གཤེགས་པ་ལ་འདུ་བྱེད་རྣམས་དང་འཐུན་ནོ་ཞེས་རྣམ་པར་རྟོག་པར་
D119.052.0024a02.01མི་རིགས་སོ། །དཔེར་ན་ཁྱིམ་བདག་ཕྱུག་པོ་ཞིག་གི་བུ་ཁྱེའུ་ཞིག་བཙས་ནས་མཚན་མཁན་གྱིས་བལྟས་ཏེ། ཚེ་ཐུང་ངོ་ཞེས་དཔྱད་ན་ཕ་མས་དེ་སྐད་ཅེས་ཐོས་མ་ཐག་ཏུ་རིགས་འཚོབ་པར་མི་འགྱུར་བར་ཤེས་པས་དེ་ལ་སྡུག་པར་མི་བྱེད་དེ། རྩྭ་ཙམ་གྱི་ཚོད་དུ་འཛིན་ཏོ། །གང་
D119.052.0024a03.01ཚེ་ཐུང་བ་དེ་ལ་ནི་དགེ་སྦྱོང་དང་། བྲམ་ཟེ་ལ་སོགས་པའི་ཁྱེའུ་དང་། བུ་མོ་ཆེ་ཆུང་གི་བར་དུ་བཙུན་པར་མི་བྱེད་དོ། །ཅི་སྟེ་དེ་བཞིན་གཤེགས་པ་འདུ་བྱེད་རྣམས་དང་འཐུན་ན་ལྟ། འཇིག་རྟེན་དུ་བཅས་པ་ལྷ་དང་མི་དང་། སེམས་ཅན་ཐམས་ཅད་ཀྱིས་ཀྱང་བཙུན་པར་མི་བྱེད་
D119.052.0024a04.01དོ། །དེ་བཞིན་གཤེགས་པས་གསུངས་པའི་ཡང་དག་པའི་ཆོས་མི་འགྱུར་མི་འཕོ་བ་ཡང་འཛིན་པ་མེད་པར་འགྱུར་རོ། །དེ་བས་ན་འཇམ་དཔལ་དེ་བཞིན་གཤེགས་པ་ལ་འདུ་བྱེད་རྣམས་དང་འཐུན་ནོ་ཞེས་གསུང་བ་མི་རིགས་སོ། །འཇམ་དཔལ་དཔེར་ན་བུད་མེད་དབུལ་མོ་
D119.052.0024a05.01གནས་མེད་པ། རྟེན་མེད་པ། སྐྱབས་མེད་པ་ཞིག་ནད་ཀྱིས་ཀྱང་གཟིར་ལ། ཟས་དང་སྐོམ་གྱིས་ཀྱང་ཕོངས་ཏེ་འཁྱམས་ཤིང་འགྲོ་བ་གཅིག་གི་ཁྱིམ་དུ་ཕྱིན་ནས་བུ་བཙས་ན། ཁྱིམ་བདག་དེས་འདུག་ཏུ་མི་སྟེར་ཏེ་སྐྲོད་དོ། །བུད་མེད་དེ་བུ་བཙས་ནས་རིང་པོ་མ་ལོན་ཀྱང་བུ་
D119.052.0024a06.01པང་དུ་ཐོགས་ཏེ་ཡུལ་གཞན་དུ་འགྲོ་བ་ལས་ལམ་དུ་རླུང་དང་ཆར་པ་དང་ལྷགས་པས་ཉོན་མོངས་པ། སྦྲང་བུ་དང་། ཤ་སྦྲང་དང་། སྦྲུལ་གདུག་པ་དང་ཕྲད་དམ། ལམ་གྱི་བར་ཆུ་ཀླུང་གང་གཱས་ཆོད་ཀྱང་ཆུ་ཀླུང་ཤིན་ཏུ་ཟབ་ཅིང་དྲག་པ་དེ་ལས་བུ་པང་དུ་ཐོགས་ཏེ་འབོག་གོ། །
D119.052.0024a07.01