完整藏文原文 · 德格版页 当前仅加载第 52 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
གནང་སྟེ། གལ་ཏེ་བཅོམ་ལྡན་འདས་ཀྱིས་གནང་བར་གསུངས་སོ། །ཞེས་སྨྲ་ན་དེ་ནི་མུ་སྟེགས་ཅན་གྱི་འཁོར་ཡིན་ཏེ། སངས་རྒྱས་ཀྱི་ཉེ་གནས་མ་ཡིན་ནོ། །སངས་རྒྱས་ཀྱིས་གནང་བ་ནི་བའི་འོ་མ་ལས་བསྒྱུར་བ་རྣམ་པ་ལྔ་དང་། འབྲུ་མར་དང་།
D119.052.0112a01.01སྦྲང་རྩི་ལ་སོགས་པ་དང་། ཀེའུ་ཤ་ཡ་དང་། ལྷམ་བུ་ཡུ་ཆད་གྱོན་དུ་གནང་ངོ་། །སངས་རྒྱས་ཀྱིས་ཆེན་པོ་བཞི་ལ་སྲོག་མེད་པར་གསུངས་ཏེ། མདོ་སྡེ་དང་འདུལ་བ་ལས་འདི་སྐད་དུ་བྱུང་བ་ནི་སངས་རྒྱས་ཀྱིས་བསྟན་པ་ཞེས་བྱའོ། །དེ་ལ་སངས་རྒྱས་ཀྱིས་བསྟན་
D119.052.0112a02.01པའི་རྗེས་སུ་འཇུག་པ་ནི་ངའི་ཉེ་གནས་ཡང་དག་པ་ཡིན་ནོ། །གལ་ཏེ་སངས་རྒྱས་ཀྱིས་བསྟན་པའི་རྗེས་སུ་མི་འཇུག་པ་ནི་བདུད་ཀྱི་རིས་སུ་གཏོགས་པ་ཞེས་བྱའོ། །གལ་ཏེ་སངས་རྒྱས་ཀྱིས་བསྟན་པའི་མདོ་སྡེ་དང་འདུལ་བའི་རྗེས་སུ་ཞུགས་ན་དེ་ནི་བྱང་ཆུབ་སེམས་
D119.052.0112a03.01དཔའ་སེམས་དཔའ་ཆེན་པོ་ཡིན་པར་རིག་པར་བྱའོ། །རིགས་ཀྱི་བུ་བདུད་ཀྱིས་བསྟན་པ་དང་། སངས་རྒྱས་ཀྱིས་གསུངས་པའི་ཁྱད་པར་དང་བྱེ་བྲག་ནི་རྒྱས་པར་ཁྱོད་ལ་བཤད་པ་འདི་ཡིན་ནོ། །བྱང་ཆུབ་སེམས་དཔའ་འོད་སྲུང་གིས་ཡང་གསོལ་པ། བཅོམ་ལྡན་
D119.052.0112a04.01འདས་བདག་གིས་ནི་གདོད་བདུད་ཀྱིས་བསྟན་པ་དང་། སངས་རྒྱས་ཀྱིས་གསུངས་པའི་བྱེ་བྲག་གི་མཚན་ཉིད་འཚལ་ཏེ། དེས་ན་སངས་རྒྱས་ཀྱི་ཆོས་ཟབ་མོ་ཡང་རྟོགས་པར་འགྱུར་རོ། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། ལེགས་སོ་ལེགས་སོ། །
D119.052.0112a05.01རིགས་ཀྱི་བུ་ཁྱོད་ཀྱིས་དེ་ལྟར་ཤིན་ཏུ་བྱེ་བྲག་ཕྱེད་ཅིང་གསལ་བར་རྟོགས་ན་མཁས་པ་ཤེས་རབ་ཅན་ཞེས་བྱའོ། །རིགས་ཀྱི་བུ་སྡུག་བསྔལ་ནི་འཕགས་པའི་བདེན་པ་ཞེས་བྱར་མི་རུང་ངོ་། །དེ་ཅིའི་ཕྱིར་ཞེ་ན། ཅི་སྟེ་སྡུག་བསྔལ་ལ་སྡུག་བསྔལ་གྱི་འཕགས་པའི་བདེན་པ་ཞེས་
D119.052.0112a06.01བྱ་ན་ལྟ། བ་ལང་དང་། ལུག་དང་། བོང་བུ་དང་། རྟ་དང་། སེམས་ཅན་དམྱལ་བའི་སེམས་ཅན་ལ་ཡང་འཕགས་པའི་བདེན་པ་ཡོད་པར་འགྱུར་རོ། །རིགས་ཀྱི་བུ་གང་ཞིག་དེ་བཞིན་གཤེགས་པའི་སྤྱོད་ཡུལ་ཤིན་ཏུ་ཟབ་མོ་རྟག་པ་གནས་པ་མི་འགྱུར་བའི་ཆོས་ཀྱི་སྐུ་
D119.052.0112a07.01