完整藏文原文 · 德格版页 当前仅加载第 52 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཀྱིས་ནི་ཤེས་པ་མ་ཡིན་ནོ། །ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་གསོལ་པ། འཕགས་པ་མ་ཡིན་པ་བྱིས་པ་མ་རབས་ནི་སྲོག་ཆགས་ཐམས་ཅད་ལ་བདག་མཆིས་པར་སྨྲའོ། །བཅོམ་ལྡན་འདས་ཀྱིས་བཀའ་སྩལ་པ། དཔེར་ན་རྒྱལ་
D119.052.0127b01.01བུ་ཞིག་དང་མི་དབུལ་པོ་ཞིག་མཛའ་བོར་འཐམས་ཏེ། གཅིག་གི་ཁྱིམ་དུ་གཅིག་འགྲོའོ། །དེའི་ཚེ་ན་མི་དབུལ་པོ་དེས་རྒྱལ་བུ་དེ་ལ་རལ་གྲི་ཤིན་ཏུ་བཟང་པོ་གཅིག་ཡོད་པ་མཐོང་ནས་ཆགས་པའི་སེམས་སྐྱེས་སོ། །ཕྱིས་རྒྱལ་བུ་དེ་རལ་གྲི་ཐོགས་ཏེ་ཡུལ་གཞན་དུ་སོང་ནས་མི་
D119.052.0127b02.01དབུལ་པོ་དེ་ཡང་ཕྱིས་གཞན་ཞིག་གི་ཁྱིམ་ན་ཉལ་བ་ལས་གཉིད་ལོག་ན་ཁ་ན་རལ་གྲི་རལ་གྲི་ཞེས་བརྡོལ་ལོ། །དེའི་གན་ན་འདུག་པའི་མིས་དེ་སྐད་ཅེས་བརྡོལ་བ་ཐོས་ནས་བཟུང་སྟེ་རྒྱལ་པོ་ལ་ཕུལ་ལོ། །དེ་ནས་རྒྱལ་པོས་མི་དེ་ལ་འདི་སྐད་དུ་ཁྱོད་ཀྱི་ཁ་ནས་རལ་གྲི་རལ་གྲི་ཞེས་ཟེར་བ་ག་རེ་
D119.052.0127b03.01ཞེས་བཀའ་སྩལ་ཏོ། །མི་དེས་རྒྱུས་ཞིབ་ཏུ་རྒྱས་པར་རྒྱལ་པོ་ལ་གསོལ་ནས་གལ་ཏེ་རྒྱལ་པོས་བདག་གི་ལུས་དང་ཡན་ལག་དང་ཉིང་ལག་ཀུན་དུམ་བུ་དུམ་བུར་གཏུབས་ཀྱང་རལ་གྲི་ནི་བདག་ལ་མ་མཆིས་ཏེ། བདག་སྔོན་རྒྱལ་བུ་ཆེ་གེ་མོ་ཞིག་དང་མཛའ་བས་རྒྱལ་བུ་དེ་ལ་རལ་གྲི་བཟང་པོ་
D119.052.0127b04.01ཅིག་མཆིས་པར་མིག་གིས་ནི་མཐོང་གི །ལག་པས་རེག་པའི་ཐུག་ཀྱང་མ་ཐུབ་ན་ཆེད་དུ་བླངས་པ་ལྟ་ཅི་སྨོས། རྒྱལ་པོ་དེས་བཀའ་སྩལ་པ། ཁྱོད་ཀྱིས་རལ་གྲི་དེ་མཐོང་ཡང་དག་ན་རལ་གྲི་དེའི་དབྱིབས་ཅི་འདྲ། གསོལ་པ། རྒྱལ་པོ་ཆེན་པོ་བདག་གིས་མཐོང་བ་ནི་ར་རུ་འདྲ་བ་ཞིག་
D119.052.0127b05.01མཐོང་ངོ་། །རྒྱལ་པོས་དེ་སྐད་ཅེས་སྨྲས་པ་ཐོས་ནས། དགོད་དེ་ཁྱོད་མྱ་ངན་མ་བྱེད་པར་གར་དགའ་བར་སོང་ཞིག །ཁོ་བོའི་མཛོད་ན་རལ་གྲི་དེ་འདྲ་བ་མི་སྲིད་ན། ཁྱོད་ཀྱི་རྒྱལ་བུ་དེ་ལ་མཐོང་བ་ལྟ་སྨོས་ཀྱང་ཅི་དགོས། དེ་ནས་རྒྱལ་པོ་དེས་བློན་པོ་རྣམས་ལ་བཀའ་སྩལ་པ།
D119.052.0127b06.01ཁྱེད་ཀྱིས་རལ་གྲི་དེ་འདྲ་བ་ཞིག་མཐོང་ངམ། ཞེས་དྲིས་ནས། དེ་རིང་པོ་མ་ལོན་པར་ཚེ་འདས་སོ། །དེ་ནས་རྒྱལ་པོ་དེའི་རྒྱལ་ཚབ་རྒྱལ་པོའི་དབང་བསྐུར་ནས་རྒྱལ་པོ་དེས་ཀྱང་བློན་པོ་རྣམས་ལ་ཡང་འདི་སྐད་དུ་ཁྱེད་ཀྱིས་སྔོན་མཛོད་ཀྱི་ནང་ན་རལ་གྲི་དེ་འདྲ་བ་ཞིག་མཐོང་ངམ། ཞེས་
D119.052.0127b07.01