完整藏文原文 · 德格版页 当前仅加载第 52 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
ངན་ལས་འདའ་བའི་ལམ་སྟོན་པ་ཡང་ཉེ་གནས་རྣམས་ལ་འདི་སྐད་ཅེས་ཆོས་སྟོན་ཏོ། །ལས་ནག་པོ་ཡང་མེད་ལ། ལས་ནག་པོའི་རྣམ་པར་སྨིན་པ་ཡང་མེད། ལས་རྣམ་པར་དཀར་བ་ཡང་མེད་ལ། ལས་རྣམ་པར་དཀར་བའི་རྣམ་པར་སྨིན་པ་ཡང་མེད། ལས་དཀར་པོ་དང་
D119.052.0297b01.01ནག་པོ་ཡང་མེད་ལ། ལས་དཀར་པོ་དང་ནག་པོའི་རྣམ་པར་སྨིན་པ་ཡང་མེད། ལས་རབ་ཅེས་བྱ་བ་དང་། ལས་ཐ་མ་ཞེས་བྱ་བ་ཡང་མེད་དོ་ཞེས་འཆད་དོ། །དེ་སྐད་ཅེས་སྟོན་པའི་སློབ་དཔོན་དེ་ད་ལྟར་རྒྱལ་པོའི་ཁབ་ན་བཞུགས་ཀྱིས། རྒྱལ་པོ་ཆེན་པོ་དེར་གཤེགས་སུ་གསོལ།
D119.052.0297b02.01སློབ་དཔོན་དེས་ནི་འབྲུམ་བུ་དང་། ལུས་དང་། སེམས་ཀྱང་གསོ་བར་འགྱུར་རོ། །རྒྱལ་པོས་སྨྲས་པ། ཅི་སྟེ་ཁྱོད་ཟེར་བའི་ཚིག་བདེན་ལ། དེ་ལྟར་བདག་གི་ཁ་ན་མ་ཐོ་བ་མེད་པར་བྱེད་ནུས་ན་ལྟ་དེ་ལ་སྐྱབས་སུ་འགྲོ་བར་བྱའོ། །གཞན་ཡང་བློན་པོ་སྙིང་པོ་ཐོབ་ཅེས་བྱ་བ་ཞིག་རྒྱལ་
D119.052.0297b03.01པོ་གང་ན་བར་འོངས་ནས་འདི་སྐད་ཅེས་གསོལ་ཏོ། །རྒྱལ་པོ་ཆེན་པོ་ཅིའི་ཕྱིར་ངོ་འཛུམ་གནག་ལ་ཁ་ཡང་སྐམས་ནས་ཇི་ལྟར་མི་སྡར་མ་དག་དགྲ་དང་ཕྲད་ན་སྒྲ་སྐད་ཕྲ་ལ་འདར་བ་ལྟ་བུར་གྱུར་ཅིང་མདངས་ཀྱང་མེད་ན་ཅིས་མི་བདེ་བར་གྱུར། འོན་ཏེ་ལུས་ནའམ། འོན་ཏེ་སེམས་ན་བར་
D119.052.0297b04.01གྱུར། རྒྱལ་པོས་སྨྲས་པ། བདག་གི་ལུས་དང་སེམས་མི་ན་བའི་གཏོལ་ག་ལ་ཞིག་ཡོད། བདག་ནི་མ་རིག་པས་ལྡོངས་ཏེ་ཤེས་རབ་ཀྱི་མིག་མེད་པས་མི་དགེ་བའི་བཤེས་གཉེན་ལ་བསྟེན་ནས། ལྷ་སྦྱིན་ལྟ་བུའི་སྡིག་པའི་རྗེས་སུ་ཞུགས་ཏེ། སྡིག་པ་ཅན་གྱི་ཚིག་མཉན་ནས་ཡང་དག་
D119.052.0297b05.01པའི་ཆོས་ཀྱིས་འཚོ་བའི་ཕ་རྒྱལ་པོ་ཉེས་པ་མེད་པར་བསད་དོ། །བདག་གིས་སྔོན་མཁས་པ་ཤེས་རབ་ཅན་ལས་ཚིགས་སུ་བཅད་པ་འདི་སྐད་ཅེས་ཐོས་སོ། །གང་གི་ཕ་དང་མ་དག་དང་། །སངས་རྒྱས་རྣམས་དང་ཉེ་གནས་ལ། །མི་དགེ་བ་ཡི་སེམས་བསྐྱེད་དེ། །སྡིག་པར་
D119.052.0297b06.01འགྱུར་བའི་ལས་བྱས་ན། །དེ་ཡི་རྣམ་པར་སྨིན་པ་ནི། །མཚམས་མེད་དམྱལ་བར་སྐྱེ་ཞེའོ། །དེ་བས་ན་བདག་ཤིན་ཏུ་འཇིགས་སྐྲག་སྟེ་སྡུག་བསྔལ་ཆེན་པོས་གདུངས་ཀྱང་གསོ་བར་འགྱུར་བའི་སྨན་པ་མཁས་པ་མེད་དོ། །བློན་པོ་དེས་ཡང་གསོལ་པ། རྒྱལ་པོ་ཆེན་པོ་
D119.052.0297b07.01