完整藏文原文 · 德格版页 当前仅加载第 52 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
གཏང་བར་བྱའོ། །ཡང་འདི་སྙམ་དུ་སེམས་ཏེ། ཁྱིམ་ན་གནས་པ་ཤིན་ཏུ་དོག་པ་དག་ནི་བཙོན་ར་དང་མཚུངས་ཏེ། ཉོན་མོངས་པ་ཐམས་ཅད་ཀྱང་དེའི་དབང་གིས་སྐྱེའོ། །རབ་ཏུ་བྱུང་བ་ཤིན་ཏུ་ཡངས་པ་ནི་ནམ་མཁའ་དང་འདྲ་སྟེ། དགེ་བའི་ཆོས་ཐམས་ཅད་ཀྱང་དེའི་དབང་གིས་སྐྱེ་
D119.052.0179b01.01ཞིང་འཕེལ་ལོ། །ཁྱིམ་ན་གནས་པས་འཚོ་བའི་མཐར་མི་ཕྱིན་གྱི། བདག་ཚངས་པར་སྤྱོད་པའི་ཕྱིར་སྐྲ་དང་ཁ་སྤུ་བྲེགས་ཏེ། ཁྱིམ་ནས་ཁྱིམ་མ་ཡིན་པར་རབ་ཏུ་འབྱུང་ཞིང་བྱང་ཆུབ་ལ་ནན་ཏན་བྱའོ་སྙམ་དུ་བསམས་ནས། བདག་གདོན་མི་ཟ་བར་རབ་ཏུ་བྱུང་སྟེ། བླ་ན་མེད་པ་ཡང་དག་
D119.052.0179b02.01པར་རྫོགས་པའི་བྱང་ཆུབ་ལ་ནན་ཏན་བྱེད་དོ། །བྱང་ཆུབ་སེམས་དཔའ་དེ་ལྟར་རབ་ཏུ་བྱུང་བའི་ཚེ། བདུད་སྡིག་ཏོ་ཅན་ཤིན་ཏུ་སྡུག་བསྔལ་བར་གྱུར་ནས། འདི་སྐད་དུ་བྱང་ཆུབ་སེམས་དཔའ་འདི་ཡང་ང་དང་རྩོད་པར་འགྱུར་རོ་ཞེས་ཟེར་རོ། །རིགས་ཀྱི་བུ་དེ་ལྟར་བྱང་ཆུབ་སེམས་དཔའ་
D119.052.0179b03.01གཞན་དང་ལྟ་ག་ལ་ཞིག་རྩོད་དེ། དེའི་ཚེ་ན་བྱང་ཆུབ་སེམས་དཔའ་དེ་དགེ་འདུན་གྱི་གནས་སུ་སོང་ནས། གལ་ཏེ་དེ་བཞིན་གཤེགས་པའམ། དེ་བཞིན་གཤེགས་པའི་ཉེ་གནས་སྤྱོད་ལམ་དང་ལྡན་པ། དབང་པོ་ཞི་བ། སེམས་མཉེན་ཞིང་དེས་པ། ཡོངས་སུ་དག་པ་རབ་ཏུ་ཞི་བའི་དྲུང་དུ་
D119.052.0179b04.01སོང་ནས། རབ་ཏུ་འབྱུང་བར་གསོལ་ཏེ། སྐྲ་དང་ཁ་སྤུ་བྲེགས་ནས། ཆོས་གོས་ངུར་སྨྲིག་གྱོན་ནོ། །དེ་ལྟར་རབ་ཏུ་བྱུང་ནས། ཚུལ་ཁྲིམས་ཡོངས་སུ་བསྲུངས་ཏེ། སྤྱོད་ལམ་མི་ཉམས་པ་དང་། སྤྱོད་ལམ་མཛེས་པ་དང་། ཉེས་པ་མི་བྱེད་པ་དང་། ཆུང་ངུ་ན་ཉེས་བྱས་ཀྱི་བར་
D119.052.0179b05.01དུ་ཡང་འཇིགས་པའི་སེམས་སྐྱེད་ཅིང་། ཚུལ་ཁྲིམས་སྲུང་བའི་སེམས་རྡོ་རྗེ་ལྟར་བརྟན་པའོ། །རིགས་ཀྱི་བུ་དཔེར་ན་མི་ཞིག་རྐྱལ་པ་ཐོགས་ཏེ་རྒྱ་མཚོར་ཞུགས་པ་ལས། དེའི་ཚེ་རྒྱ་མཚོའི་ནང་ནས་སྲིན་པོ་ཞིག་གིས་མི་དེ་ལ་རྐྱལ་པ་བསླངས་པ་ལས། མི་དེས་དེ་སྐད་ཅེས་ཐོས་ནས།
D119.052.0179b06.01དེ་འདི་སྙམ་དུ་སེམས་ཏེ། བདག་ཅི་སྟེ་རྐྱལ་པ་འདི་བྱིན་ན་གདོན་མི་ཟ་བར་ཆུའི་ནང་དུ་ནུབ་སྟེ་འཆིའོ་སྙམ་བསམས་ནས། སྲིན་པོ་དེ་ལ་འདི་སྐད་ཅེས་སྨྲས་སོ། །ཁྱོད་ཀྱིས་བདག་བསད་ཀྱང་བླའི་རྐྱལ་པ་ནི་སྦྱིན་དུ་མི་རུང་ངོ་། །སྲིན་པོས་ཡང་སྨྲས་པ། རིལ་གྱིས་སྦྱིན་དུ་མི་རུང་ན་
D119.052.0179b07.01