完整藏文原文 · 德格版页 当前仅加载第 52 函德格 183b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རོ་དང་། རེག་བྱས་གཡོ་བར་མི་ནུས། སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་རྗེའི་འཇིག་རྟེན་དུ་ལྟུང་བར་མི་འགྱུར། ཉན་ཐོས་དང་རང་སངས་རྒྱས་ཀྱི་སར་ཕྱིར་མི་ལྡོག་སྟེ། ལྟ་བ་མང་པོའི་རླུང་གིས་ཀྱང་མི་ཤིགས་ཤིང་ལོག་
D119.052.0183b01.01པར་འཚོ་བར་མི་འགྱུར་རོ། །རིགས་ཀྱི་བུ་གཞན་ཡང་མི་གཡོ་བ་ཞེས་བྱ་བ་ནི་འདོད་ཆགས་དང་། ཞེ་སྡང་དང་། གཏི་མུག་གིས་མི་གཡོས་སོ། །གཞན་ཡང་མི་ལྟུང་ཞེས་བྱ་བ་ནི་ཕས་ཕམ་པ་བཞིར་མི་ལྟུང་ངོ་། གཞན་ཡང་ཕྱིར་མི་ལྡོག་ཅེས་བྱ་བ་ནི་ཕྱིར་ཚུལ་ཁྲིམས་
D119.052.0183b02.01ལས་ཁྱིམ་དུ་མི་ལྡོག་གོ། །གཞན་ཡང་མི་འཇིག་ཅེས་བྱ་བ་ནི་ཐེག་པ་ཆེན་པོའི་མདོ་སྡེ་ལས་མི་འགལ་བས་མི་ཤིགས་སོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཉོན་མོངས་པའི་བདུད་ཀྱིས་མི་གཡོས་སོ། །ཕུང་པོའི་བདུད་ཀྱིས་ལྟུང་བར་མི་
D119.052.0183b03.01འགྱུར་རོ། །སྙིང་པོ་བྱང་ཆུབ་ཀྱི་བར་དུ་ལྷའི་བུའི་བདུད་ཡོད་མོད་ཀྱི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་གོ། །འཆི་བདག་གི་བདུད་ཀྱིས་ཀྱང་མི་ཤིགས་སོ། །རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་
D119.052.0183b04.01འཕགས་པའི་སྤྱོད་པ་ལ་ཤིན་ཏུ་ནན་ཏན་བྱེད་པ་ཞེས་བྱའོ། །རིགས་ཀྱི་བུ་ཅིའི་ཕྱིར་འཕགས་པའི་སྤྱོད་པ་ཞེས་བྱ་ཞེ་ན། འཕགས་པའི་སྤྱོད་པ་ནི་སངས་རྒྱས་དང་བྱང་ཆུབ་སེམས་དཔའ་སྤྱོད་པའི་ཕྱིར་ན། འཕགས་པའི་སྤྱོད་པ་ཞེས་བྱའོ། །ཅིའི་ཕྱིར་སངས་རྒྱས་དང་
D119.052.0183b05.01བྱང་ཆུབ་སེམས་དཔའ་ལ་འཕགས་པ་ཞེས་བྱ་ཞེ་ན། དེ་དག་ལ་སོགས་པ་འཕགས་པའི་ཆོས་དང་ལྡན་པའི་ཕྱིར། ཆོས་ཐམས་ཅད་ལ་ངོ་བོ་ཉིད་ཀྱིས་སྟོང་པ་ཉིད་དུ་རྟོགས་པའི་ཕྱིར། དེ་བས་ན་འཕགས་པ་ཞེས་བྱའོ། །གཞན་ཡང་འཕགས་པའི་ཚུལ་ཁྲིམས་དང་
D119.052.0183b06.01ལྡན་པས་འཕགས་པ་ཞེས་བྱའོ། །འཕགས་པའི་ཏིང་ངེ་འཛིན་དང་ཤེས་རབ་ཏུ་ལྡན་པས་འཕགས་པ་ཞེས་བྱའོ། །གཞན་ཡང་འཕགས་པའི་ནོར་བདུན་དད་པ་དང་། ཚུལ་ཁྲིམས་དང་། འཛེམ་པ་དང་། ཁྲེལ་བ་དང་། མང་དུ་ཐོས་པ་དང་། ཤེས་རབ་དང་། བཏང་སྙོམས་
D119.052.0183b07.01